Isaya 1:16 - KITAABA WAAQA

¹⁶ Qulqulleesa ufi d'iqa, ch'ubbu na durati tolchitani tana iraa deebia. Waan hamtu tolchitani kana lakisa

Isaya 1:16 Referans Kwoze

1 Petro 3:11

Inni hameenna iraa deebie, waan dansa tolchu male, ammalle nagaya jabeese barbaadu male.

1 Petro 2:1

Hameenna ch'ufa lakisa; nama insobina, inkiyyibiina, wolinqot'isiina, wolinarabsiina!

2 Korintho 7:1

Kakhu tana ch'ufa nuu khakhatani, jaalaani tiyya! Tanaafi waan nafafi lubbu t'ureesa laganna, qulqulloomne soda Waaqaa keesa tau malle.

Yakobo 4:8

Waaqati d'iaad'a, innileeni isaniti d'iaata. Harka keesani diqad'a, worra daba! Garaa keesani diqad'a, kiyyibdoole!

Mudhii Yohaannisii 7:14

Anini waan jed'eeni, Anini imbeekhu, siti beekha. Inni waan naani jed'e, Kunini worra nagayaani gaargala jala bahe. Worri woya miich'ate d'iiga Hoolatiini adefate.

Yeremia 4:14

Ee Yerusalemu, t'uri ch'ubbu garaa kanke keesaa d'iqi, aka baafamtu. Yomi herega daba kana heregu lakifta?

Matayo 3:8

Mid'aani daba iraa deebianiini baasa.

Isaya 52:11

Kaa! Kaa! Armaa yaa, isani worri miha Mana Waaqa baatu! Waan qulqullo intahini tokole intuqina; ufi qulqulleesa, kaa, yaa.

Faaru 26:6

AABBO Waaqa, anini harka d'iqad'e, aka ch'ubbu inqamne garsiise, waan sorio irati si baasanini mara.

Roomaa 12:9

Jaalalti ha waan d'ugaa taatuuti. Waan hamtu jibba, waan dansa jabeesa.

Huji Ergattu 22:16

Ammatana maani eedda? Kai, batifami, daba kanke d'iqad'u, maqa isaa yaamad'u naani jed'e.

Amosi 5:15

Waan hamtu jibba, waan dansa jaalad'a, fulla gaadisa korati d'uga jabeesa. Hegeri AABBO Waaqi worra gosa Yusufu, ka armati hafe, innahaafi.

Yeremia 25:5

Worri waan jed'e, Isani nami ch'ufti kara hama kanafi waan hamtu tahuti, jirtani kana iraa deebia, duuba akanaani lafa AABBO Waaqi isanifi ababoota teesani haga jiru jireenna d'aalaa kenne keesa teetani.

Faaru 37:27

Waan hamtu ira deebii, waan dansa tolchi, duuba akanaani d'alooti kanke haga jiru jireenna lafa tana keesa taa;

Faaru 34:14

ch'ubbu ira deebii, waan dansaa tolchi; garaa kanke ch'ufaani nagaya barbaadi.

Faaru 51:2

Hameenna kiyya ch'ufa naraa d'iqi, ch'ubbu tiyya ch'ufa na qulqulleesi!

Mammaasa 4:27

mirgaafi bitale ingorini, hameenna lagad'i, qajeeli deemi.

Mammaasa 21:3

AABBO Waaqi sorio atini baaftufi ira, d'ugaafi qajeeluma atini tolchitu fed'a.

Yeremia 18:11

Amma waan atini worra Yudatifi ka Yerusalemutini jettu, AABBO Waaqi waan jed'u, Anini isaniti malachuu jira, aka isani gaargalche isani balleesu. Tanaafi isaniini ch'ufti kara keesani hama lakisa, amalafi adaba keesani jijirad'a.

Yeremia 26:3

Hegeri worri ch'aqase kara ufi hama iraa deebiafa. Yo worri akasi tahe, anini waan hamtu qara worra tolcha jed'e herege, illakisa.

Yeremia 35:15

Anini maro heddu raagoota hojattu tiyya isaniti erge worrileeni isani gorse waan jed'e, Isani nami ch'ufti hameenna lakisa, waan d'uga gula yaa. Waaqa d'ibi gula yaatani inhojatinafi. Duuba yo suni, lafa anini ababoota teesani kenne nagayaani keesa teetani. Ammo isani dubbi tiyya ind'ageenne yokhaani na jalaa inqamne.

Yona 3:8

Ammo namafi horileeni ha ch'arqi naqate bohe Waaqa kad'ate, kara isaani hama iraa deebie, ch'ubbu worri tolche lakisuti.

Zekaria 7:7

Gaafa diri Yerusalemu waan ch'ufa qabu, ka nami keesa guute, ammalle ka nami hedduuni dira d'aatutiifi arda bitatiifi lafa gamooji ta ila galchu keesa jiru, dubbini tunini dubbi AABBO Waaqi afaani raagoota duritiini jed'eeniti?

Zekaria 13:1

AABBO Waaqi Guddaani waan jed'u, Gaafa guyyaani suni gahe, madda ilmaani Dauditifi worra Yerusalemu dabafi t'uri iraa qulqulleesitu banani.

2 Hayyoota 17:13

AABBO Waaqi raaga erge, worra Israelitiifi ka Yuda gorse waan jed'e, Kara keesani hama kana iraa deebia, aada tiyya ta seera anini duri ababoota teesani kenne, eegi sunile raagoota tiyyaani isani barsiise, jabeesa guuta.