Huji Ergattu 16:5 - KITAABA WAAQA

⁵ Tanaafi gumiini Waaqa d'ugefacha keesa jajabaatte guyya ch'ufa heddatte.

Huji Ergattu 16:5 Referans Kwoze

Huji Ergattu 9:31

Jennaani gumiini Waaqa Yudeafi Galilayafi Samaria keesa nagaya argate eebifamte, Aabbo Waaqa sodaate qarqaarsa Lubbu Qulqullotiini jabaatte heddatte.

Huji Ergattu 2:47

Waaqa faarsani, biyyiti ch'ufti worra jaalatte. Guyya ch'ufa Aabbooni nama baafamu gumiti dare.

Huji Ergattu 6:7

Dubbini Waaqa guddatte, ammalle henni jara Yeso ka Yerusalemu keesa guddate, qaaloleeni hedduleeni d'ugefatte gula yaate.

1 Petro 5:10

Ammo eegi isani bulti diqo toko gaargaltani, Waaqi eeba ch'ufa, ka aka guddinna Kristo woliini qoodattani isani yaame, isani qit'eese, jabeenna isanii kenne, yayaba jaba isanii mid'aasa.

Huji Ergattu 15:41

Inni Shamufi Kilikia keesa dabre gumi jabeese.

Kolosai 2:6

Waan isani Kristo Yeso Aabbo keesani tolfattaniifi, isa keesa taa.

1 Korintho 15:58

Tanaafi oboleyaani tiyya, jabaad'a, ejad'a. Huji Aabbo hojja ch'ufa hojad'a, jabeesa; wonti akanatiifi isani imbeetani, hujiini Aabbo ta isani hojattani dandeete lafati inhaftu.

Roomaa 16:25

Waaqa guddimna! Inni Odu Dansa Yeso Kristo ta anini odeesu gula d'ugefacha teesani jabeesu indandaa, ammalle mullacha waan d'ossa ka ganna heddu d'ossani gula.

Huji Ergattu 12:24

Ammo dubbini Waaqa guddatte fulla heddu geete.

Ebrania 13:9

Barsiisaani d'ibiini ta qajeeltu intahiini, d'uga ira isani ingorsiini. Guddo dansa yo eebiti Waaqa garaa nu jabeesite, fulla seera sagale gula yaani ira; wonti akanatiifi worri seera kana gula yau qarqaarsa tokole ira inarganne.

2Tasaloonqe 2:16

Aabbo Yeso Kristofi Waaqi Abba keenna, ka nu jaalate eeba ufitiifi jannooma hegerifi abdi dansa nuu kenne,

1Tasaloonqe 3:13

Kara kanaani inni garaa isani jabeese, fuula Waaqafi Abba keenna durati qit'ooftani qulqullo taatani, gaafa Aabbo Yesoni jara isa d'ugefatu ch'ufa woliini d'ufu.

1Tasaloonqe 3:2

oboleesa keenna Timotheo, ka nu woliini Waaqa hojate Odu Dansa ta Kristo odeesu ergine. Nu isa ergine, aka inni isani jabeese d'ugefacha teesani qarqaaru,

Galatia 5:1

Nu balchooma inqamna, Kristoni ya balcha nu tolche! Aka balcha ejaanja, iti deebitani tisse intahiina.

Huji Ergattu 11:21

Jabeenni Aabbo worra woliini jira, nami hedduuni d'ugefate Aabbooti deebie.

Huji Ergattu 5:14

Ammo nami hedduuni, d'iirafi nad'eenileeni d'ugefannaani gumi Aabbooti darame.

Huji Ergattu 4:4

Taatule nami dubbi suni d'agaye hedduuni d'ugefate; nami d'iira ka d'ugefate haga kunki shani.

Isaya 7:9

Worri Israelii worra Samariaa ira injiru, worri Samariaa hayyu Peka ira injiru. Yo d'ugefachaani tante irre inqamne atini jabeennaani inteetu.

2 Odu duri 20:20

Boriyyaate ganama biyyiti kaate gara lafa aloo, ta d'aatu Tekoa, d'at'e. Ato worri yau, Yehoshefathini waan worraani jed'e, Gumi Yudatifi ta Yerusalemu, na ch'aqasa! AABBO Waaqa keesani abdad'a, duuba nami isani chochoosu injiru. Waan raagooti isaa isaniti himtu d'ugeefad'a, indabsattani.