Hosea 9:15 - KITAABA WAAQA

¹⁵ AABBO Waaqi waan jed'u, Hameenni worraa ch'ufti Gilgaliti mullate, artiti anini qara worra jibbe. Waan worri waan hamtu tolcheefi anini worra lafa tiyya keesaa gussa. Anini worra deebie injaalad'u; wonti akanatiifi jaaroleeni worraa ch'ufti ya na didde.

Hosea 9:15 Referans Kwoze

Hosea 12:11

Ammo Gileaditi waaqoota d'ara kad'atani, nami isa kad'atuleeni inhobaa. Koromile Gileaditi sorio Waaqaa baasani, fullaani artiti sorio iti baasani sunini d'akhaye oobru keesati wolirati tuulani taati.

Hosea 4:15

Ato isani worri Israeli sharmut'a taatanile, worri Yuda waan suni gula imbadiini. Gilgali yokhaani Bethaveni d'at'ani, AABBO Waaqa jettani, maqa kiyyaani inkakhatina.

Isaya 1:23

Worri kanke gugurdaani nama d'ugaa dide hattu waheelchu: worri hojja ch'ufa gumbo jaalate waan nama ira nyaatu barbaada. Worri ilmaani hiyyeeyiti indubbatu, yokhaani nad'eeni hiyyeeyi dubbi isii jalaa inqabu.

Amosi 5:5

Beersheba d'at'ani na inkad'atiina. Betheliti na imbarbaadiina — Betheliini ind'umati. Ammalle Gilgali ind'aqina — nama isii boojiani lafa d'ibii geesani.

1 Samueli 7:16

Ganna ch'ufa inni imaltu lafa mare, Betheli, Gilgali, Mispa d'aqe, lafa suni ch'ufa keesa dubbi qore, nama wolti nagaya tolche,

Sefania 3:3

Jaaroleeni isaa nyeench'a itanu fakaatti; jaallabooti isaa yai beeloofte fakaati, ta sabdoofte lafe haga boriti asi qorattu.

Mika 6:5

Gumi tiyya, waan hayyu Balakini, ka gosa Moabu, isaniti malateefi waan Balaamuuni, ilmi Beori, isaa deebise qaabad'a. Ammalle waan karaati isaniti tahe jiddu Shitimufi Gilgali qaabad'a. Yo waan kana ch'ufa qaabattani, waan anini baasiti teesani jed'e tolche hubattani.

Huji Ergattu 4:27

Dira kana keesati Herodefi Pontio Pilatoni gosa d'ibiifi gosa Israelitiini wold'aqani, aka Yeso, hojattu tante qulqullo, ta atini Kristo tolchite ijeesani.

Zekaria 11:8

Anini jara tissitu sadeeni na jibbu kaani obsu dad'abe, jia toko keesati ufira balleese.

Mika 3:11

Worri dira suniti mataa gumbo nyaate dubbi namaa qora; qaaloleeni wo nama ira fud'attu male seera nama imbarsiiftu. Raagootileeni beese male woma namaa inhimtu. Duuba worri kunini ch'ufti, AABBO Waaqi nu woliini jira, nu woma intaanu jed'a.

Amosi 5:27

gaafa anini isani boojie lafa Damaskitini gama isani geesu. AABBO Waaqi, ka maqaani isaa Waaqa Gudda, akana jed'e.

Amosi 4:4

AABBO Waaqi Guddaani waan jed'u, Nami worra Israeli, gara Betheli d'aqa, daba tolcha! Yo feetani, Gilgali d'aqa, haga dandeetani ch'ubbu tolcha! Diirama ch'ufa sorio qalani kootaani, qooda Waaqaa baaftani ch'ufa guyya sadeeso ch'ufa kootaani.

Hosea 9:17

Waaqi kiyya gumi ufii dide gata, waan worri isa ch'aqasu dideefi. Worri fulla d'abe gosa d'ibi keesa mara.

Hosea 9:3

Worri Israeli lafa AABBO Waaqa keesa intau, ammo lafa Misiriti deebie sagale nyaachu himmalliini lafa Ashuru keesati nyaatani.

Hosea 7:2

Worri waan anini hameenna worra suni diqole qaabad'u insehu; ammo ch'ubbuuni worraa worra marsite hojja ch'ufa nati mullatti.

Hosea 4:9

Akuma biyya d'ibi gaargalchani isanile gaargalchani! Anini isani gaargalche gati ch'ubbu teesanii malte isanii keenna.

Hosea 3:4

Akanaani worri Israelileeni hayyufi jaarsa male yokhaani ka soriofi d'akha woyyu ka old'ad'aabani yokhaani akheekha waaqoota d'ara ta woini garsiisani inqamne, tau male.

Hosea 1:9

Jennaani AABBO Waaqi waan Hoseani jed'e, Maqa isaa, Nama kiyyaniti baasiifi; wonti akanatiifi isani nami Israeli nama kiyyaniti, anileeni Waaqa keesaniniti.

Hosea 1:6

Gomeriini ammalle garaachoofte maro tana dubra deete. Jennaani AABBO Waaqi waan Hoseani jed'e, Maqa isii, Ta injaalanne baasiifi; wonti akanatiifi anini deebie gosa Israeli injaalad'u yokhaani inaraaramuufi,

Ezekieli 23:18

Isiini gumi durati qulla ufi mullifte, sharmut'oma ufi lalabde. Jennaani anini akuma oboleeti isii jibbe jibbaad'e biraa deeme kaani, isiile biraa deeme.

Ezekieli 22:27

Jari lafa mohatuleeni aka yai bineensa nyaatu gargari hero d'ooftu jira. Worri nama ijeese akanaani ufi duroomsa.

Yeremia 11:15

AABBO Waaqi waan jed'u, Gumiini anini jaalad'u ya waan hamtu taate. D'ugaani worri Mana kiyyaani seenu tami? Worri waan kakhu woi kakhate sorio baaseefi waan kara suni badi jalaa bahu ufi seha? Wonti sunini worra ingammachifti?

Yeremia 5:5

Anini worra gugurda d'aqe dubbad'aani. Worri suni kara AABBO Waaqa inuma beekha, waan Waaqi fed'ule inuma beekha. Ammo worri ch'ufti woligale dubbi AABBO Waaqa lakise isaa saalfachu dide.

Yeremia 3:8

Yudaleeni oboleetini isii hamtuni suni aka anini worra Israeli ufi biraa gusse agarte. Ammo taatule isiini na sodaachu didde, ufile sharmut'a taate,

Faaru 78:60

Inni waaro ufii ta Shilo jirtu, fulla inni duri isi keesa nu woliini tae lakise, biraa iti d'aabate.

Yoshua 10:43

Eegi suni Yoshuafi askartini isaa ch'ufti Gilgaliti dachaate.

Lawi 26:30

Anini fulla isani waaqa iti kad'atani, ta gaareeni gubba, balleese, waan isani hit'aana irati aarsitanile ch'ufa ch'ach'abse, reefa keesani waaqoota isani harkaani mid'aafatani irati tuula. Anini aka hama isani jibbe,

Huji Ergattu 5:21

Akasi d'ageennaani worri Mana Waaqa ganamaani duude nama barsiise. Jennaani Qaallicha Guddafi waheli isaa ch'ufti d'ufani, jaarole kora wolti yaamani, akasi jechaani jaarole ch'ufa ta gosa Israeli jecha; duuba nama mana hid'aansati ergani, ergattu yaamani.

Yeremia 12:8

Gumiini anini fohad'e yayu nati garagalte; akuma nyeench'a badda keesa, worri nati itane, tanaafi anini worra jibba.

Hosea 12:2

AABBO Waaqi waan worra Yuda himatu qaba, ammalle worra Yakobo maro huji worratiifi gaargalcha; inni huji worraa gula gaargala kennaafi.

Yeremia 15:1

Jennaani AABBO Waaqi waan nani jed'e, Ato Musafi Samuelileeni arma ejaanjani na kad'atinile, anini worra kanaa inahu. Gumi tana fuula kiyya duraa fageesi, ha yaatuti.