Hosea 7:16 - KITAABA WAAQA

¹⁶ Worri yo ch'ufa naraa gore waaqa woma keesa injirre kad'ate guube dabdu fakaata. Waan jaaroleeni kiyyibdeefi, worra goraadeeni fit'ani, worri Misirileeni worra kobla.

Hosea 7:16 Referans Kwoze

Hosea 9:3

Worri Israeli lafa AABBO Waaqa keesa intau, ammo lafa Misiriti deebie sagale nyaachu himmalliini lafa Ashuru keesati nyaatani.

Faaru 78:57

isati garagale, akuma abbooti worraa isa dide, akuma guubeeni dabde qonyatu tahe.

Ezekieli 23:32

AABBO Waaqi guddaani waan jed'u, Atini muduunu guddo keesa qabdu ta oboleeti teeti keesaa woi d'udda. Nami ch'ufti si tufate si goyeesa; muduununi ya guutamte.

Faaru 73:9

Worri Waaqa ka gubbaa jiru hameenna isaa dubbate, nama lafa gubbaa jiruleeti kiyyiba.

Hosea 9:6

Hojja gaargali d'ufe worri gargari bitinau, worri Misiri worra wolti guure dira Memfisiti awaala. Miha worraa ka qarsitiifi maneeni worraleeni badde ona taate doobifi qoraatini irati baati.

Mudhii Yohaannisii 13:5

Bineensa kana jabeenna kennani aka abaarsa hama dubbatu, ammalle jabeenna jia afurtami lama kennaniifi.

2 Petro 2:8

Nami dansaani sunini jiddu worraa tae, guyya ch'ufa hameenna worraa arge d'agaye, garaani isaa hamaate.

Yakobo 3:5

Akasuma arabi ka waan diqa, guddo ufi saada. Aka qanqeeni diqooni toko badda guddo gubdu herega.

Luqaas 8:13

Mid'aani d'akha gubba jigani suni jara dubbi d'ageennaani gammadaani fud'ate, ammo hidda inqamne fakaatani. Bulti diqoti d'ugefatani, gaafa ilaalachaani d'ufte lakisani.

Matayo 12:36

Waan anini isanti himu, guyya mura Waaqi nama ch'ufa dubbi didiqo inni jed'e, ta sila jecha himmalini gaafata.

Hosea 11:7

Ammalle worri kiyya ya aka na lakisu kutate. Worri, Qaampara nuraa fuud'a jed'e iyya, ammo nami worra iraa fuud'u injiru.

Hosea 7:13

Worri waan naraa gore na lakiseefi ya bade! Tanaafi worra ha balleesani! Anini qara worra baasu fed'e, ammo worri d'ugaani na inkad'anne.

Hosea 6:4

Ammo AABBO Waaqi waan jed'u, Worra Israelitiifi ka Yuda, maani isani tolcha? Jaalalti teesani ta isani na jaalattani tunini huri fakaatti, yokhaani fit'eesa diirama ka yoosu gogu fakaatti.

Ezekieli 36:20

Worri fulla yau ch'ufati maqa kiyya qulqullo balleese; wonti akanatiifi nami worra argu ch'ufti waan jed'u, worri kunini gumi AABBO Waaqati, ammo lafa inni kenneefi suni keesumaa baasani.

Yeremia 18:18

Jennaani biyyiti waan jette, Koota, mala d'awanna aka Yeremia balleesinu! Nu qaalole nu barsiiftufi jaarole qaqaro mala nu d'ooftufi raagoota dubbi Waaqa nu faddu lafa teenna keesa haguma jirule ind'amnu. Koota, dubbi isaa dinne isa himanna.

Yeremia 3:10

Eegi waan kana ch'ufale, Yudaani, oboleetini Israeli hamtuni taani, garaa tokooni nati indeebine, ammo na sosobde. Nami dubbi tana jed'e ana, AABBO Waaqa.

Isaya 3:8

Yerusalemuni ya badde, Yudaleeni jiguu jirti! Worri waan hojatufi waan dubbatu ch'ufa keesa Waaqaani morka; worri diiduma keesa Waaqa didu jira.

Faaru 78:37

Ammo worri garaa tokooni isa gulaa indeemne, wold'aqisa isa woliini tolfatani kaani injabeesine.

Faaru 57:4

Nyaapa aka gorjama jiruti na marse, ka gaadeeni isa woraanafi t'iya fakaate, arabi isaaleeni goraade qara qabdu fakaatu.

Faaru 52:2

Atini mala namaani balleesitu d'aata, arabi kanke aka haadu qara qaba. Atini guyya ch'ufa d'ara dubbatta.

Faaru 12:3

Araba nama sobu kana AABBO Waaqi ha ch'allisisu afaani kiyyiba dubbata ka tae dubbi teennaani waan feenu arganne, waan feenu dubbanna, nami dandae nu ind'owu jed'a ha ch'ufuti,

Faaru 17:10

worri naasu inqabu, dubbi keesa guddo ufi saada.

Danieli 7:25

Inni Waaqa gudda miid'e, gumi Waaqale dabsa. Ammalle inni seerafi aada worrale ch'ufa garagalchu fed'a, gumiini Waaqaleeni ganna sadiifi jia jaa isa jalati bulti.

Hosea 11:5

Worri nati deebiu dida, tanaafi worri amma lafa Misiriti deebia, ammalle worri Ashuru worra mohata.

Malaki 3:13

AABBO Waaqi waan jed'u, Isani hameenna kiyya guddo dubbattani. Ammo duuba waan jettani, Nu akami hameenna kanke dubbanne?

Malaki 3:14

Woni isani jettani, Hujiini nu Waaqaa hojannu woma nuu imbaatu. Maal nuu baati, yo waan Waaqi fed'u tolchine, yokhaani ch'eera keenna AABBO Waaqa Gudda garsiimne?

Faaru 12:5

AABBO Waaqi waan jed'u, waan hiyyeesa dabsani, d'ipatani tae ouufi, anini amma d'ufe qarqaarsa worri fed'u kennaafi.

Yeremia 42:18

AABBO Waaqi Israeli waan jed'u, Akuma anini worra Yerusalemuti gugubad'e dallane, akasuma isanileti dallana, yo isani lafa Misiri d'at'ani. Nami yo isani argu, isani iraa rifate isani goyeese, maqa keesanini woli abaara; ammalle isani deebitani fulla tana ingartani.

Hosea 9:4

Lafa biyya suni keesati daad'i AABBO Waaqaa d'ibayu imbaasani, yokhaani soriole imbaasaniifi. Sagaleeni worri nyaatu nama nyaatu ch'ufa int'ureesiti, akuma sagale hojja nama awaalani nyaatani. Sagaleeni suni beeluma ch'alla baafti, tokole fuud'ani Mana Waaqatini d'ufani sorio imbaasani.