Hosea 14:5 - KITAABA WAAQA

⁵ Anini aka bokaya lafa aloo worra Israeliti taha. Worri akuma hooma daraare, aka mukha Lebanoni hiddi jabaata.

Hosea 14:5 Referans Kwoze

Isaya 35:2

lafti gamooji gammade iyyite sirbiti; isiini aka gaareeni Lebanoni mid'aade, aka oobru lafa karmelitifi Sharoni sagale baafti. Nami ch'ufti mid'aagumafi guddinnaafi jabeenna AABBO Waaqa arga.

Isaya 27:6

Guyyaani ind'ufa, ka worri Israeli, d'alooti Yakobo, aka mukha hidda baase, late daraare lafa ch'ufa mid'aaniini qabatu.

Efessoon 3:17

aka Kristoni, garaa keesani keesati qubatu, maro d'ugefachatiifi. Anini inkad'ad'a, aka hiddafi yayabi keesani jaalala keesa tau,

Matayo 6:28

Maafi waan uyifattani d'ind'insitani? Aka daraaraani oobru bahu herega; inni inhojatu yokhaani woya ind'aatu.

Faaru 72:16

Mid'aani ha bahani lafa ira dabraniti; mid'aani sunini ha kubilee ch'ufa ira guutani, mid'aani Lebanoni fakaataniti. Akuma buuyooni lafa guutte dirale ha nami keesa guututi.

Aayubu 29:19

Anini aka mukha hiddi isaa bisaani quufe jira, ka dameeni fit'eesoftu.

Qaabacha Seera 32:2

Barsiisani tiyya aka bokaya roobde, dubbini tiyyaleeni aka fit'eesa woi jiifte; akuma ebele buuyo irati harrifte, aka shaesa marra irati roobdi.

Mika 5:7

Worri Israeli ka hafe fit'eesa AABBO Waaqi gosa hedduti ergu yokhaani ebele mid'aaniti roobdu fakaata. Ammalle worri suni Waaqa male nama inheregatu.

Isaya 44:3

Anini lafa d'eebicha bisaani iti buuse lafa goddule laga yaasa. Anini lubbu tiyya ijoolle teesani ira buuse, d'aloota keesanile eebisa.

Isaya 26:19

Worri keenna ka duri due injiraata, reefi worraa inkaa. Nami due awaala ufi keesa jiru ch'ufti kae gammadaani sirba. Akuma fit'eesi lafa godde jiisu, akasuma AABBO Waaqi nama duri due kaasa.

Isaya 18:4

AABBO Waaqi waan nani jed'e, Akuma fit'eesi hojja mid'aani murani halkani laanuma d'ufu, yokhaani akuma aduuni guyya gudda aka male owitu, anini akasuma laanuma gubbaa gadi laala.

Faaru 72:6

Hayyichi ha bokaya oobruti roobufi ebele lafati roobdu fakaatuti.

2 Hayyoota 19:30

Worri Yuda ka hafu akuma mukha hiddi isaa aka dansaa lafa keesa seene late mid'aani baasu taha.

2 Samueli 23:4

adu ganama duumansa male baatu, ta fit'eesa ganama bibilisitu, fakaata.

Luqaas 12:27

Aka daraaraani bahu ilaala; inni inhojatu yokhaani woya inhod'atu; ammo waan anini isaniini jed'u, Solomonileeni guddinna ufi ch'ufa keesati aka daraara kana taka woya inuyifanne.

Faaru solomoni 4:5

Guntuti kanke t'it'ilo aka gaafa hiddi ejaanju, ka lachu hiddi liike keesa d'eedu fakaatu.

Faaru solomoni 2:16

Bad'aasoni kiyya kiyyuma, anileeni tauma isaati. Inni ree ufi liike keesa tissa.

Mammaasa 19:12

Dallansuuni hayyuu itansu nyeench'a fakaati, ammo naasuuni isaa akuma bokaya roobuti.

Faaru 80:9

Atini aka isiini baatu lafa iti mid'aasite; hiddi isii lafa seene, lafa ch'ufa gahe.

Faaru 92:12

Worri d'ugaa qajeelani aka meet'i bahe, aka hind'eesa Lebanoni guddata.

Faaru 133:3

Ammalle fit'eesa gaara Hermoni, ka kubile Sioni jiisu, fakaata. Arti irati AABBO Waaqi eeba jireenna ind'umanne namaa kenna.

Isaya 45:8

Ee gubba, d'uga aka bokaya ga roobi, duumansi ha d'uga sunini d'ufu; lafti ha banamte baafami gadi yauti; d'ugaleeni ha woliini gadi baatu. Nami waan kana tolchu ana AABBO Waaqa.

Faaru 92:13

Worri sunini mukha Mana AABBO Waaqa keesati bahu, ka achiti bahe guddate,

Isaya 12:1

Guyyaani ind'ufa, ka nami sirbe akana jed'u: Ee AABBO Waaqa, anini si faarsa! Atini qara ya nati dallante, ammo amma dallansuuni tante ya siraa galte, atini garaa na jabeesita.

Isaya 57:18

Anini waan worri tahe ya arge, ammo inuma fayyisa. Anini worra dura deeme qarqaare nama bohule garaa jabeesa.

Isaya 57:19

Anini nama fagootifi ka d'iole nagaya isanii kenna jed'e worra fayyisa.

Yeremia 3:22

Isani ch'ufti ka AABBO Waaqa iraa gortani, isati deebia; inni isani fayyise nama d'uga isani tolcha. Isani waan jettani, nu AABBO Waaqati deebina, inni Waaqa keenna.

Yeremia 32:41

Anini waan dansa worraa tolche, lafa tana keesati garaa tokooni teeso dansa worraa kenne huji sunile iraa gammada.

Hosea 6:3

Koota, jabaanne aka dansaa AABBO Waaqa baranna. Inni akuma lafti bariitu yokhaani akuma ganni woga gula roobu nuti d'ufa.

Mika 7:18

Waaqi aka keeti injira? Ee AABBO Waaqa, atini ch'ubbu namaa araaramte wollaala gumi teeti ta hafte biraa deemtaafi. Atini haga jiru jireenna indallantu, ammo atini jaalala tante ta ind'umanne nu garsiisu feeta.