Hosea 11:2 - KITAABA WAAQA

² Ammo akuma anini isa yaamuuni, inni naraa fagaate. Worri waaqa Baali jed'ani sorio baase, waaqoota d'arati hit'aana aarse.

Hosea 11:2 Referans Kwoze

Hosea 2:13

Waan isiini na lakifte waaqa Baali jed'ani hit'aana aarsite jila tolchite ufi mid'aasite qubefi faayaani ufi ch'ote garayoota isii taani gula deemteefi, anini isi gaargalche balleesa. Tunini dubbi AABBO Waaqi jed'e.

Yeremia 18:15

Ammo gumiini tiyya ya na deete; worri waaqa d'araati hit'aana aarsa. Worri kara gula deemu ch'ufati gugufate, kara duri kaani gula iyyaau, ammo kara gudda lakise, daandi gula yaa.

Isaya 65:7

maro daba worraatifi ka ababoota worrale haalo baafad'a. Worri gaara irati sorio gubbaani baase kubile irati na arabse. Tanaafi anini waan worri tolche suni gula haalo baafad'a.

Hosea 11:7

Ammalle worri kiyya ya aka na lakisu kutate. Worri, Qaampara nuraa fuud'a jed'e iyya, ammo nami worra iraa fuud'u injiru.

Huji Ergattu 7:51

Isani guddo mata jabaattani, garaani keesani ind'ugefatu! Gurri keesani dubbi Waaqa ind'agayu! Guyya ch'ufa Lubbu Qulqullo diddani; aka ababooti teesani tolchite, isanileeni akasuma tolchitani.

Yohana 3:19

Muraani sunileeni tana; ifsaani lafati d'ufe, ammo ifsaa suni ira, biyyiti dukana jaalati, waan hujiini isa hamtutiifi.

Luqaas 13:34

Ee Yerusalemu, Yerusalemu, atini raagoota fitt'e, jara siti ergani d'akhaani d'aante! Maro hagami sila ijoolle tante ufi jalati guura, aka lukuuni ilmoole ufi koola ufi jalati guurtu, ammo atini indidde.

Zekaria 7:11

Ammo gumiini tiyya mataa jabaatte na ch'aqasu didde gurra duufatte

Nehemia 9:30

Ganna ch'ufa atini obsite, lubbu teetiini raagooti tante worra gorsite. Ammo taatule worri ch'aqasu dide, tanaafi atini harka gosa d'ibiti worra kennite.

1 Hayyoota 18:19

Amma waan taatu, worra Israeli ch'ufa gaara Karmeliti wolti naa yaani. Ammalle raagoota d'ibba afuritiifi shantama ta Baalitifi raagoota d'ibba afuri ta Ashera, ta hayyiti Yezreelini fiddu natiini kooti.

1 Hayyoota 12:33

Ammalle guyya kud'ani shaneeso ka jia saddeeteeso, guyya inumaani fohate kaani, inni Betheli d'aqe, fulla sorio irati baasani taaniti sorio baase jila inni worra Israeliti jed'e tolche taani tolfate.

Jaallaboota 10:6

Ammalle worri Israeli AABBO Waaqaa durati waan hamtu tahe waaqa Baalifi Ashtorethi jed'ani Kad'atani, ammalle waaqa worra Shamutifi ka Sidonitifi ka Moabutifi ka, Amonitifi ka Filistile kad'atani. AABBO Waaqati wollaalani isa kad'achu lakisani.

Jaallaboota 3:7

Worri Israeli AABBO Waaqa isaani ded'e, waan hamtu isa durati tolche waaqoota harkani mid'aasani, Baalifi Ashteroti, kad'atani.

Jaallaboota 2:13

AABBO Waaqa lakisani Baalifi Ashtorethi kad'atani.

Zekaria 1:4

Aka ababoota teesani intahiina. Duri duri raagooti waan worraani jette, Kara hamafi huji hamtu iraa deebia, ammo worri ch'aqase naa insaalfanne.

Hosea 4:13

Fiit'e gaara gubbaa, fulla woyyumati sorio qalani, kubi gubbaa galma mukha jalati hit'aana aarsani gaadisa boqotani! Maro waan sunitiifi dubriti teesani sharmut'a taate, nad'eeni ilmaani teesanileeni daru taati.

Yeremia 44:5

Ammo isani dubbi suni inch'aqamne yokhaani inguunne. Ammalle aada hamtu waaqoota d'ibi sorio baaftanile lakisu diddani.

Hosea 4:17

Worri Israeli ya waaqoota d'ara jaalate gula bade; laki, ha baduti!