Henna 10:9 - KITAABA WAAQA

⁹ Ato isani lafa teesani keesa jirtanu ka, nyaapi d'ufe isani had'e, nyaapa suni ufi iraa d'owu feetani, magalata kana d'aa iyya. Duuba anini, AABBO Waaqi keesani, isani qarqaare harka nyaapa keesani keesaa isani baasa.

Henna 10:9 Referans Kwoze

1 Samueli 10:18

Waan jed'eeni, AABBO Waaqi Israeli waan jed'u. Anini lafa Misiri keesaa isani baase, harka worra Misiritiifi harka gosa d'ibi isani dabsate ch'ufa jalaa isani baase.

Jaallaboota 2:18

Hojja AABBO Waaqi jaallaba worraa kenne ch'ufa, inni jaallaba suni qarqaare, worra, haga jaallabi sunini jiru, harka nyaapaa keesaa baase. AABBO Waaqi worraa nahe, waan worra guddo dabsani worri gaargale boheefi.

Uumama 8:1

Waaqi Nuhufi bineensafi hori isa woliini hobolo keesa jira ch'ufa qaabate, bubbe bubbise bisaani gadeebise.

Faaru 106:42

Nyaapi worraa worra dabse, ufi jalati bulche.

Faaru 106:4

Ee AABBO Waaqa, hojja atini gumi tante eebiftu na qaabad'i; hojja atini worra baaftu nale inded'ini.

2 Odu duri 13:14

Worri Yuda ufi d'aatu millate jennaani, aka marsani ufi arge. Duuba qarqaarsa AABBO Waaqati bohani, qaaloleeni worraleeni magalata d'oofte.

Jaallaboota 10:12

Ka Sidonitifi ka Amalekitifi ka Maonileeni ch'ufti duri isani dabse jennaani naati bootani. Anini gaafasi worra suni jalaa isani imbaamne?

Jaallaboota 10:8

Haga ganna kud'ani saddeeti worri suni worra Israeli, ka lafa worra Amori keesa tau, ka galaana Yordani ilaborutiini jiru, lafa Gileadi keesati dabse gaargalche.

Yoshua 6:5

Duuba hojja magalata suni ka guddisani d'aani d'ageetani, nami ch'ufti ha lalabe iyyuuti. Duuba naaboni dira suni ch'ach'abde qaqarite, askartini ch'ufti hojuma suni dira seenti.

Henna 31:6

Musani worra kana ch'ufa had'iisa erge, ka Finehasini, ilmi qaallicha Eleazari, abba duula suni, ammalle ka inni miha Fulla Qulqullootifi magalata lola harkaa qabu.

1 Korintho 14:8

Iyanale yo aka dansa iyani male nami lola wo kurfefata?

Amosi 3:6

Magalati lolaa yo dira keesati d'aani nama innaasisu? Gaargali dirati ind'ufa, hojja AABBO Waaqi iti inergini?

Yeremia 6:17

Jennaani AABBO Waaqi nama qonqo magalata eegu tolche. Ammo worri waan jed'e, Nu inch'aqamnu.

Yeremia 4:21

Anini haga yomi duula wolti kau kana argu lakisa?

Yeremia 4:19

Anini waan kana aka takaa inargini laalefad'e, dandae inoobsu! Onneeni tiyya teete na keesati buubdi, dandae afaani inqabad'u! Anini magalata d'aanifi iyyanna worra woli had'u d'agaya.

Yeremia 4:5

Lafa teesani ch'ufa keesa magalata d'aa, aka male iyya lalaba. Ammalle waan worra Yudatifi ka Yerusalemutini jettani, wolti baha, dira jabeesani jaaraniti nu yaasa.

Isaya 58:1

AABBO Waaqi waan jed'u, Lalabi, aka magalata iyyii! Worra kiyya ka Yakobo, wollaalafi ch'ubbu worri tolche iti himi!

Isaya 18:3

Isani nami lafa keesa jiru ch'ufti ch'aqasa! Fiit'e gaareeni gubbaa baandera old'aabani ilaani barbaada! Magalata d'au jirani ch'aqasa!

Faaru 136:23

Gaafa nu dabsatanile inni nu qaabate; jaalalti isaa haga jirtu ind'umatu;

Jaallaboota 6:34

Lubbuuni AABBO Waaqa Gideoni ira bute, inni magalata d'ae, worra balbala Abiezeri ufiti yaame.

Jaallaboota 6:9

Anini harka worra Misiritiifi nama isani dabse ch'ufa keesaa isani baase, worra isani duraa gusse, lafa isaani isanii kenne.

Jaallaboota 3:27

Achi gaareeni Efraimutini bahe jennaani magalata d'ae, worra Israeli duulaa wolti yaame. Jennaani gaareeni suni iraa woliini gabuani,

Sefania 1:16

guyya magalata lolaa d'aani askartiini dira jajabaafi doofi d'ed'eertu iyyite haatu taha.

Hosea 5:8

Magalata lolaa Gibea keesati d'aa! Rama keesaleti arrifad'a! Bethaveni keesaleti, Nyaapi ya d'ufe jed'a, iyya! Had'iisa kurfefad'a, worra gosa Benjamini.

Ezekieli 7:14

Magalaata ya d'aani, nami ch'ufti ya kurfae, ammo nami duulu injiru, wonti akanatiifi dallansuuni Waaqa ya nama ch'ufa qit'eesite geete.

Yeremia 6:1

Worra Benjamini, baqad'a, lubbu ufi baasa! Yerusalemu keesaa baqad'a! Tekoa keesa magalata d'aa, Beth-Hekeremu keesa goola ibidaa old'aaba. Waan hamtufi badiini gara mirgati d'ufuu jirti.

Lawi 23:24

Waan atini worra Israelitini jettu: Guyya qara ka jia torbeeso, guyya boqota tolfad'a, hojja magalata d'aani wolti baha, Waaqa kad'ad'a.

2 Odu duri 13:12

Waaqumati nuni deema, qaaloleeni isaleeni ta magalata d'ooftu nu woliini jirti, aka hojja worri magalata d'au nu isani haanu. Isani worra Israeli, AABBO, Waaqa ababoota teesani inhad'ina! Dandeetani indabsatani!

Yeremia 49:2

Ammo guyyaani ind'ufa, ka anini worra dira Raba keesa tau iyyanna woraanaa d'ageesisu. Duuba dira suni ona tolchani, ollowaani isaale gubani balleesani. Jennaani worri Israeli lafa isaani ta qara iraa fud'atani deefata.

Qaabacha Seera 20:1

Hojja isani nyaapa keesanini wolhad'u d'at'ani, gaari fardi hirkisufi fardoole askarti heddu ta teesani ira jirtu argitani, worra insodaatina. AABBO Waaqi keesani, ka lafa Misiri keesaa isani baase, isani woliini jira.