Filipi 2:3 - KITAABA WAAQA

³ Waan tokole ufi jaalalafi yokhaani ufi guddisitiini intolchiina, ammo woldurati ufi diqeesa, waan nama d'ibi ira jirtani ufi insehiina.

Filipi 2:3 Referans Kwoze

Roomaa 12:10

Aka oboleyaani Kristo keesa woli jaalad'a, ammalle woli ch'eera.

Galatia 5:26

Nu ufi saadu himmalle, woldalansiisu himmalle yokhaani wolqot'isule himmalle.

Efessoon 5:21

Woli ch'eera, maro Kristo saalfattaniifi.

Efessoon 4:2

Ufi olimfuud'ina, laana yaa, waan ch'ufa obsa. Jaalala teesani wolqarqaarsaani agarsiisa.

1 Petro 5:5

Akasuma isani kaimi, jaarole saalfachu maltani. Nami ch'ufti ha ufi diqeese woli hojatu; wonti akanatiifi Waaqi worra ufi guddisuuni morka, ammo ka ufi diqeesu ineebisa.

Filipi 2:14

Waan ch'ufa dubbifi gungumsu male tolcha,

Galatia 5:15

Ammo yo isani aka bineensa taatani wolhaatani, eegad'a, yokhaani wolballeesitani.

1 Timotheo 6:4

kiyyiba, woma imbeenne. inni dubbi wolmormitifi woldidda ch'alla beekha, wonti kunini qot'eefi woldiddafi arabaafi wolsehacha hamtuuni d'ufti.

Luqaas 18:14

Waan anini isaniini jed'u, Namichi kuni nama kaani ira mana ufiti d'ugaani gale. Wonti akanatiifi nami ufi guddisu indiqaata, ammo ka ufi diqeesu inguddisani.

Mammaasa 13:10

Kiyyibi gaargala male womanu ind'ufu, ammo qaroomi gorsa iraa d'ufa.

Kolosai 3:8

Ammo amma waan kana ch'ufa lakisu maltani: dalansufi d'araafi woljibiti. Arabaafi murach'aani tokoleeni afaani keesani keesaa imbahiini.

2 Korintho 12:20

Anini insodaad'a aka yo ani achiini bahe isani aka anini fed'u injirtani, anileeni hegeri aka isani feetani injiru. Hegeri anini woldidiisafi qotefi dalansufi ufi jaalachafi arabaafi woli hamachafi ufi g guddisiitifi hameenna arga.

1 Korintho 3:3

waan isani ammalle aka nama nafa gula deemu jirtaniifi. Hojja isani wolqot'iiftani woldiddani, wonti kunini aka isani nama lafa ka aada lafa gula fidamu ingarsiiftu?

1 Korintho 15:9

Wonti akanatiifi anini maand'a ergattu ch'ufaati, ergattu naani jechu himmalle, maro anini gumi Waaqa gaargalcheefi.

Roomaa 13:13

Adaba dansaani deema, aka nama ifsa guyya keesa deemu. farso d'ugitiifi machifi, foko d'abaafi woldidiisafi qot'e lakimna.

Roomaa 2:8

Nami gari ufo, waan qajeela dideti waan hamtu gula yaa: worra akana kana Waaqi dalansu iti baafata.

Kolosai 3:12

Isani gumi Waaqaati; inni isani jaalate, isani fohate. Tanaafi naasufi arjoomafi ufi diqeesitifi laana deemtifi obsa qabaachu maltani.

1 Petro 3:8

Dubbi buufata: herega takafi garaa taka qabaachu maltani; aka oboleyaani woli jaalad'a, woli naha, woli saalfad'a.