Filipi 1:5 - KITAABA WAAQA

⁵ waan isani huji Odu Dansa keesati na qarqaartani, haguma guyya qaraati haga arrale.

Filipi 1:5 Referans Kwoze

Ebrania 3:14

Nuuni ch'ufti Kristoni woli wahela, yo nu d'ugefacha teenna haga muumme jabeesine qabanne.

Filemoni 1:17

Tanaafi yo aka oboleesa na heregatte, akuma sila na heregattu, isaale heregad'u.

Filipi 1:7

Isani hojja ch'ufa qalbi tiyya keesa jirtani! Tanaafi anini hojja ch'ufa waan keesani akasi heregu male. Isaniini ch'ufti ya eeba Waaqi naa kenne tana qoodattani, ana ka amma hid'aansa keesa jiruufi gaafa anini duri diida jirule, aka Odu Dansa suniifi dubbad'e isi jabeesu.

1 Yohona 1:3

Nu waan argine d'ageenne isanileti himna, aka isanileeni wold'aqisa nu Abbaafi Ilma isaa Yeso Kristo iraa qamnu argattani.

Efessoon 3:6

Wonti d'ossani tana: maro Odu Dansatiifi gochiti d'ibileeni, akuma Yahudiini argatte, eeba Waaqa argatti; worri ch'ufti mita nafa tokoti, kakhu Waaqi Kristo Yeso keesati tolchele inargata.

2 Korintho 8:1

Oboleyaani, nu waan eebiti Waaqa gumi Makedoniati tolchite isani beesisu feena.

Roomaa 15:26

Wonti akanatiifi gumiini Makedoniatiifi ta Griki ya ufi baafte, aka hiyyeeyi gumi Waaqa ta Yerusalemu keesa jirtu horiini qarqaartu.

1 Yohona 1:7

Ammo yo akuma inni ifse keesa jiru nuleeni ifise keesa jiraanne wold'aqisa qamna; ammalle d'iigi Yeso, Ilma Waaqa daba keenna ch'ufa nura d'iqe qulqulleesa.

2 Petro 1:1

Maqaani kiyya Simoni Petro, anini hojattufi ergattu Yeso Kristo. Anini tatabe tana gara worra d'uga Waaqaatiifi ta Qarqaarsa Yeso Kristotiini d'ugefacha dansa aka teenna argateti t'aafa.

Filipi 2:12

Tanaafi oboleyaani tiyya, akuma duri gaafa anini isani woliini jiru na ch'aqaftani, ato isani ira fago jiraad'ele, ammatana hagasile ira na ch'aqasa. Sodaafi holachaani hojad'a aka baafami keesani qit'au.

1 Korintho 1:9

Waaqa ka wold'aqisa Ilma isaa Yeso Kristo Aabbo keennati isani yaame d'ugefachu malani.

Roomaa 11:17

Damele ejersa oobru keesa jiru ta gari ya ch'ach'absani, dame ejersa raasa keesa jiruti mat'ansani. Isani gochiti d'ibiini aka ejersa raasa jiru jirtani, amma jireenna lubbu dureesa ka Yahudi qoodattani.

Huji Ergattu 2:42

Guyya ch'ufa ergattu ira wo baratani, woldeenna woliini tolchani, qit'a Waaqa ch'absani, woliini nyaatani Waaqa woliini kad'atani.

Roomaa 12:13

Waan qabdaniini oboleyaani gaargala qabdu qarqaara. Worra keesaniti keessuma bulcha.

Filipi 1:12

Anini wo isaniti himu fed'a, oboleyaani tiyya; yo d'ugaa dubbanne, wonti na tolchani ya Odu Dansa durati deemsifte.

Filipi 1:16

Worri kunini maro jaalalatiifi waan kana tolcha, waan worri aka Waaqi arma na kaye, Odu Dansa jabeesi naani jed'e beekhufi.

Filipi 1:27

Wonti jabduuni, adabi keesani aka Oduuni Dansaani ta Kristo jettu ha jiraatu, aka ato anini d'ufe isani argu d'ibaad'ele, aka isani garaa tokooni jabaattani ejaanjattani yaada toko ch'allaani woliini haatani d'agayu, maro d'ugefacha odu dansaatiifi.

Filipi 2:22

Isani aka inni guddo wo bahu imbeetani, ammalle aka anafi inni aka abbaafi ilma maro Odu Dansaatiifi woliini hojanne imbeetani.

Filipi 4:3

Atileeni, wahela kiyya dansa, nad'eeni tana qarqaari; wonti akanatiifi worri na woliini hojate, aka odu dansa odeesani, Klementifi worra na woliini hojatu ch'ufa woliini, ka maqa worraa kitaaba jireenna keesati t'aafani.