Faaru 91:2 - KITAABA WAAQA

² waan jed'uuni atini siida kiyya, ka anini iti baqad'u; Waaqa kiyya, ka anini abdad'u.

Faaru 91:2 Referans Kwoze

Faaru 18:2

AABBO Waaqi d'akha kiyya, siida jaba ka anini jalati d'okhad'u. Waaqi kiyya siida kiyya, ka anini jalati d'eed'u. Inni wonte tiyya, na qorqorate na baasa.

Mammaasa 18:10

AABBO Waaqi doofi jabdu nami d'ugaa d'eete iti bahu fakaata.

Isaya 12:2

AABBO Waaqi ya na baase, anini isa d'ugeefad'e woma insodaad'u inni irree jabeenna naa kenne, naa baase.

Faaru 142:5

Ee AABBO Waaqa, anini siti boha, atini fulla anini iti baqad'u; wonti anini lafa tana irati fed'uleeni siuma.

Faaru 46:1

Waaqi irre teenna, fulla nu iti d'eennu, ka hojja nu gaargala qamnu ch'ufa nu qarqaaru.

Faaru 71:3

Siida anini iti baqad'uufi fulla jabdu na baaftu naa tahi; atini siida kiyya ka anini iti baqad'u.

Faaru 14:6

Nami waan hamtu tolchu mala hiyyeesa balleesa, ammo inni AABBO Waaqati d'eeta.

Faaru 91:9

Waan atini AABBO Waaqa gudda qarqaarsafi siida atini iti baqatu tolfateefi,

Ebrania 11:16

Taatule lafa ira dansa barbaadani, lafa gubbaa jirtu. Maro waan kanatifi yo worri Waaqaani, Waaqa keenna jed'u, inni inch'eerfatu, waan inni dira worra mid'aaseefi.

Faaru 48:14

Waaqi kunini Waaqa keenna, ka haga jiru jireennati; inni haga hegeri nuni deeme, tisse nu qorqorata.

Uumama 17:7

Anini wold'aqisa siifi ilmaani teetifi d'aloota d'ufule woliini tolfad'u jabeese, wold'ageetiini teenna ta jiru jireenna taati. Anini Waaqa keetifi ka ilmaani tanteeti taha.

Luqaas 20:38

Inni Waaqa nama duetiiniti, ammo ka worra jiruti; wonti akanatiifi nami ch'ufti isaafi jira.

Yeremia 31:1

AABBO Waaqi waan jed'u, Guyyaani ind'ufa, ka anini gosa Israeli ch'ufaa Waaqa tahe, worrileeni gumi tiyya tahu.

Faaru 43:4

Duuba ee Waaqa, anini fulla sorio iti sii qalani d'aqa; nami anini gammada ira argad'u sii. Anini kiraari d'ae si faarsa, ee Waaqa, Waaqa kiyya.

Faaru 18:3

Anini AABBO Waaqa yaamad'a, inni harka nyaapa kiyya keesaa na baasa. AABBO Waaqa ha faarsani!

Faaru 25:2

Ee Waaqa kiyya anini si d'aabad'a. Aka nyaapi kiyya na dabsate na ch'eerse na ingoyeesine tahu na d'owi!

Faaru 31:15

Anini hojja ch'ufa harka kanke keesa jira; nyaapa kiyya, ka na balleesu, duraa na baasi.

Faaru 46:2

Tanaafi ato lafti chochote, gaareeni d'immu baariini keesa buutele nu woma insodaannu;

Faaru 61:5

Ee Waaqa, atini kakhu anini siti kakhad'e ya d'ageete, ammalle d'aala nami maqa kanke sodaatu argatu ya naa kennite.

Faaru 142:6

Anini ya ufi jibbaad'e aka anini qarqaarsa siti bohu d'agayi, nyaapi kiyya guddo jaba, dabsachu indandau, duraa na baasi.