Faaru 146:9 - KITAABA WAAQA

⁹ Inni keessuma lafa teenna keesa teetu qorqorate, haad'a hiyyeesatiifi ilmaani hiyyeeyi qarqaare mala ch'ubbicha ch'ufa balleesa.

Faaru 146:9 Referans Kwoze

Faaru 68:5

Waaqi ka mana ufii qulqullooti galu, inni abba hiyyeeyi tahe haawaani isiile qorqorata.

Faaru 147:6

Inni nama ufi inguddimne kaase, ammo ch'ubbicha lafa buuse balleesa.

Malaki 3:5

AABBO Waaqi Guddaani waan jed'u, Anini qorsumafi isaniti d'ufa, ammalle anini maruma toko worra falfala tolchu taanaani, d'iirafi nad'eeni aada male wolti yaatu taanaani, nama d'ara d'ugeesu taataanaani, ch'ubbicha nama hojattu isaati hori baasu didu taanaani, nama haad'a hiyyeesatiifi hiyyeeyi dabsu taanaani, nama keessuma ulfeesu didu taanaani, ammalle nama ch'ufa ka na insodaanne, d'uga intahuufi.

Yeremia 49:11

Ilmaani teesani hiyyeeyi na birati lakisa, inqorqorad'a, nad'eeni teesani ta d'iirsa inqamneleeni ha na abdatuti.

Mammaasa 15:25

AABBO Waaqi mana kiyyibaa imballeesa, ammo fulla niitiini hiyyeetini qubatu inqorqorata.

Yakobo 1:27

Aadaani Aabbo Waaqi d'ugaafi qajeeltu jed'u tana: aka ijoolle abbaafi haad'a inqamneefi nad'eeni d'iirsi iraa due qorqoratani, ufile hameenna lafa iraa ufi d'owani.

Mammaasa 4:19

Ammo karaani worra hama dukana aka halkaniti, ka nami keesati jigu waan isa buusu imbeenne.

Faaru 145:20

Inni nama isa jaalatu ch'ufa imbaasa, ammo ch'ubbicha imballeesa.

1 Korintho 3:19

Wonti akanatiifi wonti nami lafa qarooma sehu fuula Waaqa durati woma imbaatu. Akuma t'aafiini jettu, Waaqi nama qaro qarooma isaa keesati t'urura keesa kaya.

Hosea 14:3

Worri Ashuru dandae nu imbaasu, ammalle fardi lolaleeni dandae woma nuraa ind'owu. Nu iti deebine waan harka keennaani boch'ine waaqa jenne inkad'annu. Ee AABBO Waaqa, nami hiyyeeyiini naasu iraa argatu siuma.

Faaru 18:26

Nama qulqullo atini iti qulqullo, ammo nama hama nyaapa iti taata.

Esta 9:25

ammo Estani gara hayyu d'at'e, hayyichileeni dubbi baase, dubbi suni t'aafani, akanaani Hamaniini duisa inni Yahudi malate ufi due — isaafi ilmaani isaale mukha irati fannisani.

Esta 7:10

Duuba Hamani mukha inni ufiftu qara Mordekai jed'e mid'aase kaani irati fannisani. jennaani hayyichi dallansu galfate.

Esta 5:14

Jennaani niiti isaa Zereshifi jaallowaani isaa waan jetteeni, Mukha d'ed'eera lama, ka d'eerinni d'und'uma shantama, old'aabi, mukha d'ibi ira dagalchi, bori diirama hayyuuni, Mordekai t'urura kayi, irati fannisi jed'iini; duuba hayyu woliini sagale suni gammadaani nyaachu d'aqi. Dubbini tunini Hamani quufsite, akuma jari suni jed'eeni tolche mukha suni old'aabani.

2 Samueli 17:23

Ahithofelini aka mala isaa didani arge jennaani harre ufi rara ira keeyate, kae worra isati gale waan ufi ch'ufa kurfefate, ufi fannise ufi ijeese. Akanaani due, awaala worra isaani keesati awaalani.

2 Samueli 15:31

Daudini aka Ahithofelini goli Absalomu tahe d'ageennaani Waaqa kad'ate waan jed'e, Ee AABBO Waaqa, mala Ahithofelini Absalomu d'au balleesi!

Qaabacha Seera 16:11

AABBO Waaqa keesani durati gammada, isani, ilmaani teesani, hojattu teesani, worra gosa Lawiti, keessuma teesani, hiyyeeyifi nad'eeni hiyyeeyi ta dira keesani keesa teetu. Jila suni fulla AABBO Waaqi fohateeti tolfad'a.

Faaru 10:14

Ammo atini inuma agarta, atini gaargalafi laalala agarte, yo ch'ufa kurfo jirta aka nama qarqaartu. Nami qarqaarsa inqamne siti ufi kenna; atini haguma duriti d'ipata qarqaarte.