12 Ammo Ee AABBO Waaqa, atini hayyu haga jiru jireennati! Gurri kanke haguma jiru imbaddu.
Ee AABBO Waaqa, maqaani kanke haga jiru jireenna imbadu, d'alooti ch'ufti gurra kanke inqaabata.
Ammo atini, ee AABBO Waaqa, hayyu haga jiru jireenna tau, ammalle haga d'aloota ch'ufa namuma fidda.
Ammalle Waaqi waan Musani jed'e, Dubbi tana worra Israeliti himi waan jettuuni, AABBO, Waaqa ababoota teesani, Waaqa Abrahamu, ka Isaaqo, ka Yakobo, ya gara keesani na erge. Haga jiru jireenna maqaani kiyya kana, maquma kanaani d'aloota ch'ufti na yaama.
Yeso Kristoni sunuma, ka kale, ka arra, ka haga jiru jireenna.
Ammo AABBO Waaqi hayyu haga jiru jireenna tau. Inni barch'uma ufii ira tae dubbi nama qoruu jira.
AABBO Waaqi, ka worra Israeli fide qorqoratu, AABBO Waaqi guddaani waan jed'u, Anini ka qarati, ammalle ke eegeti, ana male waaqi d'ibiini tokoleeni injiru.
Deebiani si jibbani aka dira bade ona tahe si biraa ingodaanani. Anini dira gudda mid'aaga si tolcha, ka hagu jiru jireenna nami keesati gammadu.
Haguma jiru jireenna AABBO Waaqi ya isani qorqorate, harki isaa haga duriti ya isani olqabe. Inni nyaapa keesani isani dura gusse, ch'ufa hobaasa isaniini jed'e.
Guyyaani keenna gabaaba, nu woma tokole imbeennu; nu lafa tana irati akuma gaadisa marraa.
Inni akuma daraara bahe, qanch'oorate bada; akuma gaandidu yoosu dabra.
ta diirama baate guddate daraarte, ammo galgala qanch'oorate dootu.
Anini akuma gaadisa galgala dabra; akuma awaanisa bubbeeni na fuuti.