Faaru 101:3 - KITAABA WAAQA

³ waan hamtule inoobsu. Anini adaba nama Waaqa iraa goru injibba; worra akasi suni waan worri tahu iti ind'iad'u.

Faaru 101:3 Referans Kwoze

Faaru 119:37

Waan woma keesa injirre gula deemu na d'owi; akuma atini kakhate na jireesi.

Aayubu 31:1

Anini yayu kakhad'e, aka ato dubra argele ind'araanefi.

Mammaasa 6:25

Mid'aagumti isii sii d'araasifte, ilti isii si insobini.

Matayo 5:28

Ammo waan anini isaniini jed'u, Nami d'araani nad'eeni millatu yayu garaa ufi keesati waan hamtu tolche.

Faaru 40:4

Ayyaana isaati ka AABBO Waaqa abdate waan harkaani boch'ani kad'achuu dide, waaqoota d'araa gula deemuu didu.

Bahisa 20:17

Waan nami d'ibiini qabu, mana isaa taanaani, niiti isaa taanaani, tisse isaa taanaani, looni isaa taanaani, yokhaani harrele, waan inni qabufu, tokole ind'arainiifi.

Qaabacha Seera 15:9

Ganni gati nama lakisani ya d'aate jettani, waan hamtu hereddani, gati ind'owatiina. Heregi akasi hamaani suni qalbi teesani inseeniini. Yo isani gati d'owattani, inni AABBO Waaqati bohe, isani ch'ubbu keesa seentani.

2 Petro 2:21

Sila ira isaa jirti, yo inni kara d'uga imbaratiini, fulla barate, ammo seera qulqullo isaa kennani kaani ira badu.

Galatia 4:9

Ammo amma waan isani Waaqa beetaniifi yokhaani waan Waaqi isani beekhufi akamiini dandeetani herega lafa ka woma imbaane ka due deebitani? Maafi deebitani tissele worra tahu feetani?

Roomaa 12:9

Jaalalti ha waan d'ugaa taatuuti. Waan hamtu jibba, waan dansa jabeesa.

Yeremia 22:17

Ammo atini ufo dabaati, woma ke ch'alla feeta; atini nama woma iyyakini ijeefte, irrumani gosa te dabsite. Nami dubbi tana jed'e, AABBO Waaqa.

Abba herega 6:9

Tunileeni woma imbaatu, seeruma nama qilleensa gussuuti. Fulla ila d'eerattu, yo waan harkaa qabdu quuftu dansa.

Yoshua 23:6

Tanaafi waan kitaaba Seera Musa keesati t'aafani ch'ufa jabeesa, tolcha, guuta: Diqole mirgaafi bitaa iraa ingorina,

Ebrania 10:39

Nuu nama garagale baduuniti. Ammo nu d'ugefacha qamna, inuma baafamna.

Faaru 119:113

Anini nama garaa lama guddo jibba, ammo Seera kanke injaalad'a.

Faaru 78:41

Worri maro heddu Waaqa laallate, Waaqa qulqullo Israelii dallansiise.

Faaru 14:3

Ammo worri ch'ufti yayu akuma takaa kara iraa gore waan hamtu tolche. Worra keesa nami tokoleeni ka waan dansa tolchu injiru.

Bahisa 32:8

worri yayu hurrise kara aada tiyya ta anini kenneefi iraa garagale worqi bassani tume jibicha mid'aase waaqa tolfate kad'ate sorio baaseefi waan woliini jed'e, Kuni waaqa keenna ka lafa Misiri keesaa nuu baase.

Mika 2:2

Hojja oobru fed'ani, d'aqani saamani; hojja maneeni fed'ani, d'aqani qabani fud'atani. Wonti nami qabu, namafi saileeni, yokhaani mihi manaleeni, ka baha injirtu.

Isaya 33:15

Nama d'uga tolche qajeela dubbatu, ka hiyyeesa indabsine, ka harka isaatini gumbo imfud'anne, ka gurra isaatini waan ijeecha d'agayu, didu, ka ila isaatini waan hamtu ilaalu didu,

Isaya 30:11

nu duraa gora, kara nuti induuchina waan Waaqa qulqullo Israeli nuti inhimina.

Faaru 39:1

Anini waan jed'e, Anini ufi qorqorad'a, aka arabi kiyya ch'ubbu keesa na imbuumne; anini hojja nami ch'ubbu na d'aatu jiru afaani qabad'a.

Faaru 125:5

Ammo hojja atini worra ch'ubbu gaargalchitu, nama kara kanke lakisule gaargalchi. Worri Israeli ha nagayaani tau!

Faaru 97:10

AABBO Waaqi nama waan hamtu jibbu injaalata; inni lubbu gumi isaa jabeese qorqorate, harka worra ch'ubbuu jalaa baasa.

Faaru 78:57

isati garagale, akuma abbooti worraa isa dide, akuma guubeeni dabde qonyatu tahe.

Faaru 36:3

Dubbini afaani isaa keesaa baatu ch'ufti ta ch'ubbutiifi ta d'araa, ammalle inni waan dansa qajeeltu deebie intolchu.

1 Samueli 15:11

Anini waan Saulo hayyu tolcheefi guddo gaabe. Inni naraa gore naa saalfachu dide. Samuelini dubbi suni ira guddo laalefate halkani suni ch'ufa AABBO Waaqati boha bule.

Qaabacha Seera 13:17

Waan balleesu malani oli inkeyaatina, aka AABBO Waaqi dallansu ufii hamtu taani galfate isanii nahu. Inni isanii nahe isani daraarsa, akuma inni ababoota teesaniti kakhate,

1 Yohona 2:19

Worri kunini qarale gumi teennaaniti, tanaafi nu biraa yaa; yo sila gumi teenna keesa jiraatani, nu woliini taani. Ammo wonti worri nu biraa yaeefi aka tokoleeni gumi teenna intahiini agarsiifti.

Faaru 41:9

Jaali kiyya jabaani ka anini guddo d'aabad'e ka nu sagale woliini nyaannuleeni ya nati garagale.

Faaru 139:22

Anini aka male worra jibbe aka nyaapa worra herega.

Mammaasa 6:12

Nami seseegi ch'ubbu male woma keesa injirre yae kiyyiba ch'alla odeesa.

Mammaasa 6:13

Ila siti qisani, harkaani si sobani,

Mammaasa 8:13

Ch'ubbu jibbitiini AABBO Waaqa sodaacha, anini kiyyibafi ufi saadu jibba. Ammalle waan d'araatifi kara hama infed'u.

Zekaria 8:17

Mala hama woliini yakitani inqabaatiina, kakhattani d'ara indubbatiina. Anini d'ara dubbachafi waan hamtu akana ch'ufa guddo jibba.