Efessoon 6:20 - KITAABA WAAQA

²⁰ Maro Odu Dansa tanaatiifi gara na ergani, ato anini amma hid'aansa keesa jiraad'ele. Tanaafi Waaqa naa kad'ad'a, aka anini jabeese dubbad'u, akuma tolchu male.

Efessoon 6:20 Referans Kwoze

2 Korintho 5:20

Kuno, nu teenne maro Kristotiifi dubbanna, aka waan Waaqi afaani keenna tahe isaniti dubbatu: maro Kristotiifi isani kad'anna, Waaqaani wolti araarama.

Kolosai 4:4

Waaqa kad'ad'a, aka anini kara qajeelaani odeese nami hubatu.

2 Timotheo 2:9

Waan anini Odu Dansa hasaeefi gaargala, ammalle aka nama wo yake na hid'ani. Ammo dubbini Waaqa hid'aansa keesa injirtu;

Filipi 1:7

Isani hojja ch'ufa qalbi tiyya keesa jirtani! Tanaafi anini hojja ch'ufa waan keesani akasi heregu male. Isaniini ch'ufti ya eeba Waaqi naa kenne tana qoodattani, ana ka amma hid'aansa keesa jiruufi gaafa anini duri diida jirule, aka Odu Dansa suniifi dubbad'e isi jabeesu.

Huji Ergattu 26:29

Pauloni waan jed'eeni, Ha dubbi diqo taatu, ha guddo taatu, woni anini Waaqa kad'ad'u, aka si ch'allaaniti, ammo worri na ch'aqasu jiru kunini ch'ufti, aka anini jiru tahu, haada naani hid'ani kana male.

1 Yohona 3:16

Aki nu jaalala beennu kana: Kristoni jireenna ufi nuu baase. Nuleeni duuba jireenna keenna oboleyaani teenna baasu malle.

2 Timotheo 1:16

Waaqi worra Onesiforoti nahiinna, waan inni maro heddu garaa na jabeeseefi. Inni waan anini hid'aansa keesa jiruufi na injibine,

1Tasaloonqe 2:2

Isaniyu imbeetani, aka Filipi keesati nu d'aanani nu arabsani, ato fulla teesani Thesalonike ind'ufiini. Ammo Waaqi keenna jabeenna nuu kenne, aka Odu Dansa ta gara isaati d'ufte isaniti hasau insodaanne, ato nami hedduuni didele.

Filipi 1:20

Wonti akanatiifi abdifi fed'iini tiyya tana — aka anini inch'eerfanne, ammo aka hojja ch'ufa, keesuma ammatana, anini garaa jabaad'u, aka jabeenna kiyya ch'ufaani Kristo ulfeesu, yo duefi yo jiraad'ele.

Efessoon 6:19

Anale Waaqa kad'ad'a, aka Waaqi, hojja anini dubbachu fed'u, dubbi anini jabeennaani dubbad'u naa kenne d'ossa Odu Dansa mullisu.

Efessoon 4:1

Anini ka maro anini Aabbo hojad'uufi na hid'ani, isani kad'ad'a yaamicha Waaqi isani yaame gula yaa.

Efessoon 3:1

Maro waan kanatifi anini Pauloni, ka maro Kristo Yesotiifi hid'ani, isani gosa d'ibiti Waaqa kad'ad'a.

Huji Ergattu 28:31

Inni waan Finna Waaqa iti hasae, waan Aabbo Yeso Kristo soda male nama barsiise, nami tokoleeni isa ind'owarre.

Huji Ergattu 28:20

Wonti anini isani yaame nu wolhaasomnufi, waan maro anini nama gochiti Israeli ch'ufti abdattu abdad'ud'uufi sibiila kanaani na hid'ani.

Huji Ergattu 5:29

Ammo Petrofi ergattuuni d'ibiini waan jetteeni, Nu nama ira Waaqa ch'aqasu malle.

Mammaasa 13:17

Nami erga inguunne, yo ergatani d'ibaani namati d'ufa, ammo nami erga guutu wold'aqisani d'ufa.

Yihudaa 1:3

Jaalaani tiyya, anini guddo herege aka waan baafama nuuni ch'ufti woliini qamnu isani t'aafu; duuba tatabe tana ya isanii t'aafe aka isani jabaattani, d'ugefacha Waaqi gumi isaa ch'ufa maro tokotu kenne jabeesitani badi d'owartani.

Filemoni 1:10

Tanaafi maro Onesimo, ilma kiyya, Kristo keesatiifi, anini wo sii kad'achu fed'a; hid'aansa keesati anini kara lubbutiini abba isaa tahe.

Huji Ergattu 21:33

Guddaani askarti iti d'iaate, Paulo qabe, Haada sibiila lamaani hid'a jed'e. Jennaani, Nami kuni eennu, maani yake? jed'e gaafate.

Isaya 58:1

AABBO Waaqi waan jed'u, Lalabi, aka magalata iyyii! Worra kiyya ka Yakobo, wollaalafi ch'ubbu worri tolche iti himi!

Yeremia 1:17

Ammo atini mart'ifad'i, kurfefad'i, beeni, waan anini, Jed'i siini jed'u ch'ufa worrati himi. Amma worra insodaatini, yokhaani anini gaafa atini worra woliini jirtu hagasi ira si sodaachisa.

Isaya 33:7

Worri nami jajanni qarqaarsa kad'ate, nami worri erge ka nagaya barbaadda yauleeni guddo bouti jira.

Yeremia 40:1

Eegi abbaani duula Nebusaradanini Ramati na gad'iise, AABBO Waaqi nani dubbate. Qara duri sansalatani na hid'aani, worra Yerusalemutifi ka Yuda ka boojiani Babiloni geesani kaani ch'ufa woliini achi na geesani.

2 Korintho 3:12

Maro abdi tana qamnuufi nu guddo garaa jabaanna.

Kolosai 4:3

Nule Waaqa kad'ad'a, aka inni balbala nu bane nu dubbi isaa odeesine waan d'ossa Kristo himnu. Maro waan sunitiifi anini hid'aansa keesa jira.

Filemoni 1:9

Ammo waan anini si jaalad'uufi, wo si kad'ad'a. Anini waan kana ato Paulo nama maro isaatiifi hid'aansa keesa jiru taatele, inuma jed'a.