Efessoon 4:31 - KITAABA WAAQA

³¹ Garaa hameennafi, d'araafi dalansu ch'ufa lakisa. Iti deebitani woli loltani woli inarabsina! Ammalle wolinjibiina!

Efessoon 4:31 Referans Kwoze

Kolosai 3:8

Ammo amma waan kana ch'ufa lakisu maltani: dalansufi d'araafi woljibiti. Arabaafi murach'aani tokoleeni afaani keesani keesaa imbahiini.

Abba herega 7:9

Miira guddad'i; haalo wolfuud'itiini daalluma.

1 Petro 2:1

Hameenna ch'ufa lakisa; nama insobina, inkiyyibiina, wolinqot'isiina, wolinarabsiina!

Yakobo 1:19

Waan kana qaabad'a, oboleyaani tiyya! Nami ch'ufti ha hure wo d'agaye, laanuma dubbate, miira guddatu.

Kolosai 3:19

D'iirsole, nad'eeni teesani jaalad'a, gaargalchitani imitisiina.

Yakobo 3:14

Ammo yo garaa keesani keesa d'iibi hamtuufi ufi jaalala qabaattani, ufi saaddani d'uga ind'areesiina.

Efessoon 4:26

Yo dalantani, dalansuuni teesani daba keesa isani inseensisiini; dalansuuni aduuni isaniti ind'iini.

1 Yohona 3:12

Aka Kaini tahu himmalle; inni goli Sheet'ana tahe, oboleesa ufi ijeese. Kaini maafi isa ijeese? Maro wonti oboleesi isaa tolche qajeela taate, ta inni tolche hameenna taateefi.

Faaru 101:5

Anini nama d'ossaani hameenna nama d'ibi dubbatu imballeesa; anini nama kiyyibe ufi guddisu inoobsu.

Yakobo 4:11

Hamtu wolindubbatiina, oboleyaani tiyya. Nami hamtu oboleesa ufi dubbate yokhaani isa qoru ya waan hamtu Seeraa dubbate qore. Yo Seera qortani, isani nama Seera guutuuniti, ammo ka Seera qoru.

Mammaasa 26:20

Qoraani male, ibidi ind'aama; fulla hamti injirrele wold'abi injiru.

Tiitoo 1:7

Maro inni huji Waaqa harka qabuufi inni wollaala qabaachu himmalle. Kiyyibe miira indiqaatiini, farso d'uge namaani woldide insabdaiini.

1 Timotheo 3:11

Nad'eeni worraleeni ha adaba dansa qabaattuuti, isiini nama inhamaatiini; ha qalbi dansaafi d'uga qabaattuuti waan ch'ufa keesati.

2 Korintho 12:20

Anini insodaad'a aka yo ani achiini bahe isani aka anini fed'u injirtani, anileeni hegeri aka isani feetani injiru. Hegeri anini woldidiisafi qotefi dalansufi ufi jaalachafi arabaafi woli hamachafi ufi g guddisiitifi hameenna arga.

1 Korintho 14:20

Herega keesani keesa aka ijoolle intahiina, oboleyaani tiyya; waan hameennati ijoolle taha, ammo herega keesani keesati nama gudda taha.

Mammaasa 29:22

Nami miira diqa, ka yoosu dallanu, wold'abisaafi woldidaani d'ufa.

Mammaasa 14:17

Nami miira diqa dallane waan daalleeni tolchitu tolcha; ammo nami qarooni obsuumani taa.

Mammaasa 10:18

Nami hameenna garaa qabu d'ossu d'articha, ammo nami dubbi nyaatte dubbatu daalle.

Mammaasa 10:12

Jibbi hameennaani d'ufa, ammo jaalalti hameenna d'ossiti.

1 Timotheo 5:13

Ammalle isiini aka woma inhojanne baratte mana ch'ufa iraa yaate waan hasau, himmalini hasoofte ufuma teteete. Tanaafi aka kiyya nad'eeni kaima fuud'u malani, aka ilmaani d'alte worra ufi qorqoratte, aka nyaapi keenna qoomni argate waan hamtu nuuni injenne.

Galatia 5:20

falfalumafi waan harkaani boch'ani kad'atani. Nami nyaapa wolti tahe wolhad'e, wolqot'isani, wolti dalanani, ufo tahani, gargari woli qoodani,

1 Korintho 5:8

Koota, amma sagale jila teenna nyaanna, qit'a bukho dullati qabu inyaannu, ka dabaafi hameenna qabu; ammo qit'a bukho inqamne, qit'a qulqullo ka d'ugaa nyaanna.

Roomaa 3:14

Afaani worraa ya dubbi hamtuuni guutamani.

Mammaasa 25:23

Akuma bubbeeni mirgaa bokayaani d'uftu, hamti nami nama hammaatuleeni dallansuuni d'ufti.

Mammaasa 18:8

Hamti afaaniti guddo mioofti-tanaafi nami liqimse garaati qabata!

Faaru 140:11

Nami d'araani nama himatu ha lafa keesaa baduti; hameenni ha worra nama ijeesu d'aqabe balleesuti.

Faaru 64:3

Worri aka goraade araba ufii qare, dubbi hamtu aka t'iya abbira.

Faaru 50:20

Isani oboleyaani teesanile himatani, hameenna worraale dubbatani.

Faaru 15:3

ka waan tokoleeni nama iyyakine, ka jaala isaa waan hamtu intolchine ka yokhaani olla ufi iyyakine,

2 Samueli 19:27

gara kanke d'aqe hamtu tiyya siti haasae, ammo atini malaika Waaqa fakaatta, waan atini feetu tolchi.

Uumama 37:4

Oboleyaani isaa aka abbaani isaa worra ch'ufa ira isa jaalatu arginaani isa jibbite dubbi hamtu iti dubbatte.

Uumama 27:41

Wonti Esauuni Yakobo jibbeefi waan abbaani isaa isa eebiseefi. Inni herege waan ufiini jed'e, Guyyaani abba kiyya ya gabaabate, anini gaafa inni due Yakobo inuma ijeesa.

Uumama 4:8

Jennaani Kainiini waan oboleesa isaa Habiliini jed'e, Oobru nu yaasi. Achi geennaani Kainiini oboleesa isaa Habiliti garagale d'ae ijeese.

Mudhii Yohaannisii 12:10

Jennaani anini qonqo guddo ta akana jettu d'agaye: Amma baafami Waaqaa yayu d'ufe! Waaqi ya irre ufi aka hayyu garsiise! Kristoni isaa ya jabeenna ufi garsiise! Wonti akanatiifi nama oboleyaani teenna himatu, ka halkani guyya Waaqa dura eje worraa himatu, la gubbaa gadi gatani.

1 Yohona 3:15

Nami oboleesa ufi jibbu ya nama ijeese; isani imbeetani aka nami nama ijeesu jireenna hegeri ufi keesa inqamne.

Tiitoo 2:3

Akasuma jaarole nad'eenileeni, Aka nad'eeni jireenna qulqullo qabdu taha jed'iini. Nama hamattani yokhaani tisse farsole intahiina jed'iini. Waan dansa barsiisu malte

2 Timotheo 2:23

Ammo hasaa daalluma ka nama woma imbeenne lagad'u; wonti kunini woldidiisaani d'ufti, imbeeta.

1 Timotheo 3:3

inni nama machau ka namaani woldidu intahiini, ammo nama laana ka nagaya fed'u ha tahuti, nama hori jaalatu intahiini;

Huji Ergattu 21:30

Nami dira suni ch'ufti iti kae, nami ch'ufti orie, Paulo qabani, Mana Waaqa keesaa hirkisani. Maro tokotu balbalti ch'ufamte.

Yeremia 6:28

Worri ch'ufti ya mata jabaate, na dide; mata jabeenni worraa akuma sibiila diimatifi guraacha jira. Worri ch'ufti nama waan hamtu tolche, fulla ch'ufaa yae nama nyaatu.

Mammaasa 29:9

Yo nami qarooni daalle himatu, daalleeni lalabe koble isa arabsa.

Mammaasa 19:12

Dallansuuni hayyuu itansu nyeench'a fakaati, ammo naasuuni isaa akuma bokaya roobuti.

2 Samueli 19:43

Worri Israeli waan worra Yudatini jed'e, Ato inni gosa teesanile taate, isani gosa toko ch'alla, nu gosa kud'ani; tanaafi Daudileni isani ira nuti aana. Isani maanifi nu tufattani? Nami qara waan galisa hayyu dubbate nuuniti? Ammo worri Yuda haga worra Israeli ira miira hamate, oowe, dubbi jajabdu dubbate.

2 Samueli 13:22

Absalomunileeni waan Amnonini oboleeti isaa buufatefi, jibba isaa jabeenna, afaanileeni isaani dubbachu dide.

Uumama 37:21

Reubeniini mari worra d'agaye isa lubbu baasu fed'e waan jed'e, Koota lubbu inijeemnu,

2 Timotheo 3:3

arja tahu didani, naasu lakisani, maqa wolt'ureesani, woldidani, wolhad'ani, waan dansa jibbani;

Yeremia 9:4

Nami ch'ufti ha jaala ufi ufira eegu, nami tokoleeni oboleesa ufi ind'ugeefatini; wonti akanatiifi oboleesi ch'ufti akuma Yakobo nama sobe, nami ch'ufti jaala ufi arabsa.

Faaru 37:8

Dallante ufi ingaargalchini; wonti sunini gaargala sitiini d'ufti.

Efessoon 4:22

Tanaafi jireenna keesani dullacha duri, ka waan isani duri taatani isani tolche — jireenna duri ka d'araani hamtuuni balleesite baafad'a.

Efessoon 4:25

Iti deebitani inkiyyibiina duuba! Nami ch'ufti ha oboleesa ufiti d'uga dubbatuuti; wonti akanatiifi nuuni ch'ufti nafa Kristo keesati mita.