Ebrania 8:9 - KITAABA WAAQA

⁹ Aka wold'aqisa anini ababoota worraa woliini tolchetiiniti, gaafa anini worra harka qabe lafa Misiri keesaa baase. Worri wold'aqisa anini worra woliini tolche injabeesine; tanaafi anini waan worraa iyaalle, Tunini dubbi Aabbo Waaqi jed'e.

Ebrania 8:9 Referans Kwoze

Yeremia 31:32

Wold'aqisi sunini wold'aqisa duri anini ababoota worraa gaafa anini harka kiyyaani worra fuud'e lafa Misiri keesaa baase woliini tolfad'eeni takaaniti. Ato anini d'iirsa worra fakaad'ele, worri wold'aqisa suni injabeesine.

Galatia 4:24

Waan kana aka mammaasa hima: nad'eeni lamaani wold'aqisa lama, toko Hajiri ta gaara Sinai ira d'ufte, d'alooti isii tissele.

Mariko 8:23

Namicha balla harka qabe, olla keesaa alati baase, ila isaa hanch'ufa iti tufe, harka ira kaye, Woma garta? jed'e gaafate.

Huji Ergattu 13:11

Ammatana ilaali, harki Aabbo si gubbaa jira; ila d'abda, haga bulti diqo toko lafa ingartu. Maro tokotu ilti isaa sapupoofte, lafti iti dukanoofte, inni deeme nama ule isaa qabu barbaade.

Huji Ergattu 9:8

Sauloni lafaa kae, ila banannaani woma argu dad'abe, harka qabaniifi Damaskiini d'ufani.

Malaki 2:13

Wonti d'ibiini isani tolchitani tana. Fulla sorio AABBO Waaqa iti baasani deemtani waatani imimaani bootani, wonti akanatiifi inni waan isani baaftanifi deebie imfud'atu.

Amosi 5:22

Ato isani waan gubani sorio na baaftanifi mid'aani keesani na baaftanile anini imfud'ad'u. Hori isani gabbiftani na baaftanile ani imfud'ad'u.

Ezekieli 16:59

AABBO Waaqi guddaani waan jed'u, Waan atini kakhu khakhate deete, wold'aqisa nu woliini tolfanne ch'absiteefi, anini amma woma si male si tolcha.

Ezekieli 16:8

Ammalle guyya d'ibi anini si d'aatu banaani, aka atini guddatte fuud'aa geete si arge. Duuba anini woya tiyya siti uyise qulla te d'osse, fuud'e niiti si tolfad'e. Tunini waan AABBO Waaqi guddaani jed'e.

Isaya 63:9

inni gaargala ch'ufa keesaa worra baase. Nami worra baase malaikaniti, AABBO Waaqa. Jaalalaafi naasu isaatini inni worra baase. Inni qara duri hojja ch'ufa worra qarqaare,

Isaya 40:11

Inni aka tissituuni hori tissitu gumi ufi tissu jira; ammalle ilmoole wolti guure hampaare qomati qabata, hawani isiile laanuma bobaasa.

Faaru solomoni 8:5

Tunini enu ta lafa aloo keesa jaala ufiti hirkate gad'uftu? Anini mukha mapeera fulla atini iti d'alate jala si kaase.

Faaru 105:43

Duuba akanaani inni gumi inni fohate baase dura deeme worrileeni gammade sirbe.

Faaru 78:57

isati garagale, akuma abbooti worraa isa dide, akuma guubeeni dabde qonyatu tahe.

Faaru 77:20

Atini Musafi Haruni gudda gumii teeti tolchite, tissitu worra taate worraani deemte.

Aayubu 8:20

Ammo Waaqi nama wollaala inqamne lafa imbuusu, nama ch'ubbu qabule inqarqaaru.

Qaabacha Seera 29:25

Duuba nami d'ibiini waan jed'u, wonti inni akasi taheefi, gumi AABBO Waaqati wold'aqisa qara Waaqa ababoota worra gaafa inni worra lafa Misiri keesa baase woliini tolfatani ch'abse.

Qaabacha Seera 29:12

Wonti arra asi d'uftaniifi, aka wold'aqisa AABBO Waaqi keesani isanii woliini tolfatu fud'attani,

Qaabacha Seera 29:1

Tunini dubbi wold'aqisa ta AABBO Waaqi Musani, lafa Moabu keesati, worra Israeliti himi jed'e; dubbini wold'aqisa tunini dubbi AABBO Waaqi gaara Sinaiti dubbateniti ta d'ibi.

Bahisa 34:10

AABBO Waaqa waan Musani jed'e, Anini amma wold'aqisa worra Israeli woliini tolfad'a. Ammalle anini gumi tante durati waan mama ka ka durile ira jira lafa ch'ufa keesa yokhaani gosa ch'ufa durati tolcha. Ammalle gochiti d'ibiini ta d'aatu tante jirtuleeni waan nama bakhasa, ka anini AABBO Waaqi si tolchu kana inagarti.

Uumama 19:16

Lutuuni waan tahu wollaale ufumaa ejinaani AABBO Waaqi naheefi, isaafi niiti isaatiifi dubra isaa lamaani harka qabe fuud'e lafa Sodoma keesaa baase.

Isaya 41:13

Anini AABBO, Waaqa keesani; harka mirgicha isani qabe, waan isaniini jed'u, Insodaatina, isani qarqaara.

Boha 4:16

AABBO Waaqi worra firfirse, deebie qaabachu dide. Ammalle dubbi qaaloleefi raagoota, tufate.

Isaya 51:18

Nami siini deemu injiru, worra kanke keesa nami harka sii qabu injiru.

Bahisa 32:8

worri yayu hurrise kara aada tiyya ta anini kenneefi iraa garagale worqi bassani tume jibicha mid'aase waaqa tolfate kad'ate sorio baaseefi waan woliini jed'e, Kuni waaqa keenna ka lafa Misiri keesaa nuu baase.

Huji Ergattu 7:36

inni waan mamatiifi akheekha lafa Misiri keesati fulla galaana Shamutiifi ammalle ganna afurtama lafa gamooji keesaleti tolche, akasiini worra baase.