Ebrania 8:8 - KITAABA WAAQA

⁸ Ammo Waaqi wollaala gumi isaa irati arge waan jed'e, Aabbooni waan jed'u, Guyyaani ind'ufa, ka anini wold'aqisa haraa gosa Israelitiifi ta Yuda woliini tolfad'u.

Ebrania 8:8 Referans Kwoze

Ebrania 12:24

Isani la Yesoti d'uftani, ka wold'aqisa haraa tolche, ammalle la d'iiga fifit'ani, ka d'iiga Habili ira waan dansa himuti d'uftani.

Yeremia 32:40

Anini wold'aqisa jiru jireenna worra woliini tolfad'a. Waan dansa worraa tolchu illakisu, ammalle ufi sodaachisa, aka worri garaa tokooni na gula yae haga jiru naraa ingorre.

Ebrania 9:15

Maro waan kanatifi Kristoni nama wold'aqisa haraa kurfeesu tahe, aka worri Waaqi yaame eeba hegeri ta Waaqi kakhate argatu. Wonti woni kuni taatuufi, maro duisi jiruufi ka wollaala wold'aqisa qara jalati tolchani, keesaa nama baasu jiruufi.

2 Korintho 3:6

isati nu dandeesise aka wold'aqisa hareesa kanaani hojannu, wold'aqisi kuni waan seera t'aafaniitiniti ammo waan Lubbuuti. Seeri t'aafani duisaani d'ufa, ammo Lubbuuni nama jireesiti.

1 Korintho 11:25

Akasuma eegi sagale nyaatani inni mudunu fuud'e waan jed'e, Mudunuuni tunini wold'aqisa haraa ka d'iiga kiyya beesisu. Yo d'uddani ch'ufa naa qaabad'a jed'e.

Luqaas 22:20

Akasuma eegi gololfatani mudunu fuud'e waan jed'eeni, Mudunuuni tunini ta d'iiga kiyya, ka isanii jissani, ka wold'aqisa haraa.]

Ezekieli 37:26

Anini wold'aqisa nagaya, ka haga jiru jireenna jiru, worraani woliini tolfad'a. Anini worra jabeese, daraarse deebanse, Mana kiyya ka haga jiru jireenna tau lafa worra keesati jaarad'a.

Yeremia 31:38

AABBO Waaqi waan jed'u, Guyyaani ind'ufa, ka dira Yerusalemu ch'ufa deebiani naa jaarani, haguma doofi Hananeliti iti keeyatani Fullo mogaati d'aabani.

Isaya 55:3

Gumi tiyya, na ch'aqasa, nati koota; nati koota, jireenna argattani! Anini wold'aqisa haguma jiru jireenna jiru isani woliini tolfad'e eeba duri Dauditi kakhad'e isanii kenna.

Mariko 14:24

Inni waan jed'e, Kunini d'iiga kiyya, ka wold'aqisa, ka nama hedduu jige.

Yeremia 31:27

Anini, AABBO Waaqi, waan jed'u, Guyyaani ind'ufa, ka anini lafa Israelitiifi ta Yudale namaafi saani guutu.

Yeremia 30:3

wonti akanatiifi guyyaani ind'ufa, ka anini gumi tiyya worra Israelitiifi ka Yuda lafa worra iti boojiani keesaa galche, lafa anini duri ababoota worrati d'aala kenneti deebisu. Nami dubbi tana jed'e ana, AABBO Waaqa.

Yeremia 23:7

AABBO Waaqi waan jed'u, Guyyaani ind'ufa, ka nami deebie maqa AABBO Waaqa jiru, ka gumi Israeli lafa Misiri keesa baaseni, inkakhanne.

Yeremia 23:5

AABBO Waaqi waan jed'u, Guyyaani ind'ufa, ka anini d'aloota Daudi keesa nama d'uga toko fohad'e hayyu tolchu. Hayyichi sunini kara dansaani nama fidde, waan d'ugaatifi ka qajeela lafa ch'ufa keesati tolcha.

Luqaas 17:22

Jennaani inni waan jara ufiitini jed'e, taka tana isani guyya toko ka bara Ilmi Nama lafa jiru kaani argu feetani d'araatani, ammo inargitani.

Matayo 26:28

Kunini d'iiga kiyya ka wold'aqisa haraa, ka nama hedduu jissani, aka daba nama araaramani.

Qaabacha Seera 29:14

Nami AABBO Waaqi wold'aqisa kana woliini tolfate isani ch'allaniti.

Ebrania 7:22

Maro Yesotiifi, aka wold'aqisa ch'ufa ira dansa qamnu, ufi beenna.

Ebrania 8:6

Ammo Yesoni ya huji qaalluma ta ta worra iraa jirtu argate, akuma wold'aqisi inni Waaqafi nama jidduti tolcheleeni ira dansa. Wonti akanatiifi wold'aqisi sunini kakhu waan ira dansa qaba.

Ebrania 8:13

Waan wold'aqisa haraa dubbannaani Waaqi ka qara la dulloomse wonti dulloomatte ch'ich'ite ch'ufti yoosu baddi.

Luqaas 5:38

Ammo farsooni hareetiini gorjo hareeti malte.