Ebrania 5:7 - KITAABA WAAQA

⁷ Gaafa lafa jiru, Yesoni qonqo guddofi imimaaniini aka male Waaqa kad'ate, ka dandae duisa keesaa isa baasu. Waan inni Waaqa sodaateefi Waaqi isa d'agaye.

Ebrania 5:7 Referans Kwoze

Yohana 17:1

Yesoni dubbi tana jennaani gubba olmillate waan jed'e, Aabbo, hojjaani ya geete. Ilma kanke guddisi, aka Ilmi si guddisu.

Matayo 27:46

Saa sagali geennaani, Yesoni qonqo guddooni iye waan jed'e, Eli, Eli, lama sabakthani? Akasi jechaani, Waaqa kiyya, Waaqa kiyya, maafi na lakifte? jecha.

Mariko 15:34

Ammalle saa sagali geennaani, Yesoni qonqo guddooni iye waan jed'e, Eli, Eli, lama sabakthani? Akasi jechaani, Waaqa kiyya, Waaqa kiyya, maafi na lakifta?

Ebrania 12:28

Tanaafi galata deebisu malle, waan nu finna inchochoone argannuufi. Galata deebimne, kara inni fed'uuni Waaqa kad'achu malle, saalafi soda keesa;

Yohana 11:35

Jennaani Yesoni bohe.

Matayo 27:50

Yesoni ammalle qonqo guddooni iye, hafuura baafate due.

Mariko 15:37

Yesoni qonqo guddooni lalabe, hafuura baafate ch'iche.

Faaru 22:24

Inni hiyyeesa illakisu, yokhaani gaargala worraale argu indidu. Ammalle duraa ind'okhatu, ammo hojja worri qarqaarsa iti bohu ind'agayaafi.

Ebrania 2:14

Waan ijoolleeni suni nama nafafi d'iiga qabu taateefi, Yesoleeni aka worraa tahe nafa argate. Wonti inni akasi tolcheefi, aka duisa isatiini Sheet'ana, ka duisa ira jabeenna qabu dabsatu.

Luqaas 23:46

Yesoni qonqo guddooni lalabe waan jed'e, Aabbo, lubbu tiyya harka kanketi lakisa! Akasi jed'e ch'iche.

Faaru 69:1

Ee Waaqa, na baasi! Bisaani ya mormati naa ch'iisani;

Isaya 53:11

Eegi guddo gaargale inni deebie gammada argate, aka gaargali isaa sunini wo namaa bahu beekha. Hojattuuni tiyya dansaani, ta guddo na gammachiiftu, ch'ubbu nama heddu fud'ata, aninileeni maro isaatiifi worraa araarama.

Ebrania 13:20

Waaqi la Aabbo keenna Yeso duisa keesaa Kaase. Inni d'iiga ufitiini Tissitu Guddo hooliye tissu tahe, ka wold'aqisa hegeri beesisaniini.

1 Timotheo 3:16

Nami tokoleeni dandae aka aadaani teenna d'ossa qabdu imormu! Inni nafa namatiini d'ufe, aka inni qajeela Lubbuuni himte, malaikaleeni isa agarte. Gosa ch'ufati waan isaa odeesani, lafa keesati isa d'ugefatani, guddinnaani gubbati olfuud'ani.

Isaya 49:8

AABBO Waaqi waan gumi ufitini jed'u, hojja guyyaani isani baasani gahu, anini isanii nahe, kad'acha teesani isanii d'agaye isani tisse isani qorqorad'e, kara keesanini gosa ch'ufa wold'aqisa woliini tolfad'a. Lafa teesani ta amma badde ona taate tana keesa deebise isani qubachiisa.

Lawi 2:2

qaalole ilmaani Harunitini d'ufuti. Qaallichi ha mid'aani daakhani sunifi d'ad'afi hit'aanale ch'ufa harka guutate, waan mesa fakaata irati gubuti, aka wonti kunini ch'ufti qaabacha waan AABBO Waaqaa baasani taate, ch'inch'aani isii akasiini AABBO Waaqa gammachiiftu.

2 Yohona 1:7

Nami nama sobu hedduuni ka Yeso Kristoni fakaata nama intaane jed'u, ya lafa d'ufe nami akana kunini nama soba, inni nyaapa Kristoti.

1 Yohona 4:3

Ammo lubbuuni Yeso mormitu gara Waaqati ind'umne. Lubbuuni tunini gara Nyaapa Kristoti d'ufte; aka isiini d'uftu ya d'ageetani, amma ya d'ufte, lafa jirti.

Galatia 4:4

Ammo hojjaani geennaani, Waaqi Ilma isaa erge. Haad'a namati isa d'ale, Seera Yahudi keesaa d'alate,

Yohana 11:42

Ammalle aka atini guyya ch'ufa na d'ageetu ani imbeekha, ammo maro gumi arma marsite ch'iiftu tanaafi anini waan kana jed'a, aka isiini aka atini na ergite d'ugefattu.

Roomaa 8:3

Waan seeri maro laafinna nafatiifi tolchu dad'abe, Waaqi ya tolche. Inni daba nafa nama keesa jiru wollaala iti mure, Ilma ufi erge, ka nafa namatiini d'ufe sorio daba balleesitu tahe.

Isaya 53:3

Isa tufatani didani, inni gaargalaafi d'ukubsachale obse. Nami isa ilaalu injiru, nuleeni isa tufanne womatu indarre.

Faaru 88:1

Ee AABBO Waaqa qarqaarsa kiyya, anini guyya ch'ufa si yaamad'e, halkani ch'ufa si dura d'ufe si kad'ad'a.

Yohana 1:14

Dubbini nama taate, jiddu teenna teete, nu guddinna isaa agarre, akuma guddinna Ilma tokocha ka gara Abbati bahe, ka eebafi d'ugaani guutame.

Ebrania 10:5

Maro waan kanatifi Kristoni, ato diquma lafa ind'ufiini, waan Waaqaani jed'e, Atini soriofi waan sii baasani imfeetu, ammo atini ya nafa naa kurfeesite.

Ebrania 10:10

Maro Yeso Kristoni waan Waaqi, Tolchi jed'eeni ch'ufa tolcheefi, sorioni nafa isaa yayu maro tokotu daba ch'ufa nura d'it'e.

Ebrania 11:7

D'ugefachati Nuhu gorsa Waaqa ka ilaani ingarre, ka hegeri taha, d'ugefachiise. inni dubbi Waaqa ch'aqase, hobolo ta keesati isaafi worri isaa bahe ijaare. Kara kanaani inni wollaala lafati mure, d'uga d'ugefachaani d'uftu argate.