Ebrania 10:22 - KITAABA WAAQA

²² Koota yoosi, Waaqati d'iaanna, garaa d'ugatiifi ka d'ugefachatiini, garaa herega hameenna ira qulqulleesaniifi nafa bisaani qullooni d'iqaniini.

Ebrania 10:22 Referans Kwoze

Ezekieli 36:25

Anini bisaani qullo isaniti fifit'e, akasiini waaqoota d'ara ka isani kad'atanifi waan hamtu isani ufiini t'ureesitani ch'ufa isani iraa qulqulleesa.

Yohana 3:5

Yesoni waan jed'eeni, D'uguma, waan anini siini jed'u, Yo nami bisaanifi Lubbuuni d'alate male, dandae Finna Waaqa inargatu.

1 Petro 3:21

Bisaani kunini waan batiso agarsiisaati, ta amma isani baaftu, t'uri nafa ira ind'iit'u, ammo kakhu qalbi dansaani Waaqati kakhataniini isani baafti. Batisooni maro kaisa Yeso Kristotiifi isani baafti,

Efessoon 5:26

Inni aka gumi ufi qulqulleesu waan kana tolche, dubbi ufitiini, eegi bisaaniini d'iqe,

1 Korintho 6:11

Isaniini garileeni duri akasi. Ammo amma ya isani d'iqani, ya isani qulqulleesani, ya maqa Aabbo Yeso Kristotiifi Lubbu Waaqa keennatiini Waaqaani wolti araaramtani.

Ebrania 7:19

Seeri Musa dandae woma tokole inqit'eesu. Amma abdi d'ibiini ya d'ufani, ta Waaqati nu d'ieesitu.

2 Korintho 7:1

Kakhu tana ch'ufa nuu khakhatani, jaalaani tiyya! Tanaafi waan nafafi lubbu t'ureesa laganna, qulqulloomne soda Waaqaa keesa tau malle.

Ebrania 4:16

Tanaafi jabaanne, barch'uma Waaqati d'ufu male, fulla eebiti jirtu. Achiti naasufi eeba arganna, ta hojja nu d'iba qabaanne nu qarqaartu.

Ebrania 12:24

Isani la Yesoti d'uftani, ka wold'aqisa haraa tolche, ammalle la d'iiga fifit'ani, ka d'iiga Habili ira waan dansa himuti d'uftani.

Tiitoo 3:5

inni nu baase. Maro huji dansa nu hojannefiniti, ammo maro naasu isaatiifi nu baase, Lubbu Qulqullooni nu d'iqe, isiini d'aloota hareesafi jireenna haraa nuu kennite.

Faaru 73:28

Ammo anini gama kiyyaani, yo Waaqati d'iaad'e, guddo ira naa jirti; nami anini iti baqad'u AABBO Waaqa gudda; waan atini tolchite anini biyyati odeesa.

1 Petro 1:2

Maro fed'i Aabbo Waaqatiifi isani fohatani, aka Lubbu isaatiini gumi qulqullo taatani, Yeso Kristo ee jettani guuttani, d'iiga isatiini qulqulloftani. Eebafi nagaya guddisa argad'a.

Efessoon 3:12

Isa keesa waan nu isaa d'ugefanneefi, fuula Waaqa dura d'ufu indandeenna, ch'eerafi soda male.

Yakobo 4:8

Waaqati d'iaad'a, innileeni isaniti d'iaata. Harka keesani diqad'a, worra daba! Garaa keesani diqad'a, kiyyibdoole!

Ebrania 9:19

Qaraa fiit'e Musani Seera kitaaba Seera keesati t'aafani nama ch'ufati hime. Jennaani d'iiga yabiyetiifi ka korbeeyitifi bisaani fuud'e, kitaaba Seeratiifi nama ch'ufati qumbiifi butu diimtuuni fifit'e.

Matayo 3:11

Anini bisaaniini isani batisa, aka akasiini isani daba iraa deebiti garsiiftani; ammo nami faana tiyya d'ufu nara jaba; seemsa kope isaa anini qabachu himmalle. Inni Lubbu Qulqullofi ibidaani isani batisa.

Ezekieli 16:9

Jennaani anini bisaani fuud'e, d'iiga siraa d'iqe, d'ad'a si ibse.

Yeremia 24:7

Anini herega worri aka anini AABBO Waaqa beekhuni worraa kenna, duuba worri gumi tiyya tahe, aninileeni Waaqa worraa taha; wonti akanatiifi worri garaa tokooni nati deebia.

Lawi 8:6

Musani Harunifi ilmaani isaa gumi durati gayaame bisaani d'iqachiise.

Yakobo 1:6

Yo kad'ate inni d'ugefachu male, diqole rinch'ich'u himmalle; wonti akanatiifi nami rinch'ich'u ch'ufti aka d'awa galaana ka bubbeeni d'ooftu jira.

Mammaasa 23:26

Ilma kiyya, na ch'aqasi, faana tiyya iraa ingorini.

Faaru 119:7

Anini ato aada tante barad'u, garaa qulqullooni sii faarsa.

Faaru 51:10

Ee Waaqa, garaa qulqullo naa kenni, lubbu hareeti sira gara ingalle na keesa kai.

Henna 8:7

Bisaani qulqulleesanini iti fifit'i, waan jettuuni, rifeensa nafa keesani haadad'a woya teesanile miich'ad'a, aka akanaani qulqullooftani.

Lawi 14:7

Inni d'iiga ha maro torba namicha d'ukuba goga ira qulqulleesaniti fifit'e ya qulqullae jed'e simpirre jirtu taani diidati gad'iisu.

Ebrania 11:28

D'ugefachaani inni jila Pasaka tolche, d'iiga balbalati fifit'e, aka malaikaani nama hobaaftu angafa d'iira ka gosa Israeli intund'e.

Ebrania 10:19

Tanaafi oboleyaani tiyya, nu Fulla Fulla Ch'ufa Ira Qulqullo, maro d'iiga Yesotiifi, soda male seenu indandeenna.

Zekaria 13:1

AABBO Waaqi Guddaani waan jed'u, Gaafa guyyaani suni gahe, madda ilmaani Dauditifi worra Yerusalemu dabafi t'uri iraa qulqulleesitu banani.

Isaya 29:13

Aabbo Waaqi waan jed'u, worri kunini afaanini na sosobe si kad'anna nani jed'a, ammo garaani isaani gara kiyya injiru. Aadaani worraa woma nami ufiini ga baase tolfatu, ka namu mataani barate.

1 Odu duri 28:9

Amma atinileeni, ilma kiyya Solomoni, Waaqa abba kanketi beekhi, garaa tokofi qalbi tokooni isaa hojad'i. Inni heregaafi fed'i teenna ch'ufa imbeekha, yo barbaadde isa inuma agarta; yo atini isa iraa gorte, inni haga jiru jireenna si abaare si lakisa.

Bahisa 29:4

Ammalle Harunifi ilmaani isaa fulla balbala Waaro Woyyumatiini kooti, bisaani d'iqiifi.

Ebrania 9:10

Wonti kunini waan nyaataniifi waan d'uganiifi aada qulqulleesa ch'alla. Tunini ch'ufti seera alaati, ta haga Waaqi waan ch'ufa garagalche imid'aasiini ch'alla jirtu.

1 Timotheo 4:2

Barsiisaani tunini soba nama d'aratiifi ka heregi worra aka waan ibidaani gubani jiru iraa d'ufti.

Yeremia 30:21

Nama worraani deemuti gosa worraa keesaa d'alata, nami worra fiduleeni worruma keesa d'alata. Nama suni hojja anini yaamu, inni nati ga d'ufa, wonti akanatiifi nami yaamicha male d'ufu injiru worri gumi tiyya tahe, aninileeni Waaqa worraa taha. Nami dubbi tana jed'e ana, AABBO Waaqa.

Yeremia 3:10

Eegi waan kana ch'ufale, Yudaani, oboleetini Israeli hamtuni taani, garaa tokooni nati indeebine, ammo na sosobde. Nami dubbi tana jed'e ana, AABBO Waaqa.

Isaya 52:15

Ammo ammatana gochiti hedduuni waan isa mamte, hayyootileeni waan dubbatu d'abde afaani qabatti. Worri waan takaa imbeekhini arge hubata.

Faaru 119:145

Ee AABBO Waaqa, anini garaa tokooni si yaamad'e; na jalaa owaad'i duuba anini aada tante guuta!

Mudhii Yohaannisii 1:5

Yeso Kristoni, d'ugaani d'ugefatani, Ilmi angafa ka duisa keesaa kaasani, ka hayyu hayyoota lafa tana, eebafi nagaya isani kenninna. Inni nu jaalata, ammalle d'iiga ufitiini daba keesaa nu baase,

Efessoon 6:5

Tissele, abbooti teesani, sodaafi holachani ch'aqasa, akuma waan Kristo hojattani garaa tokooni hojad'afi.

Huji Ergattu 8:21

Atini waan kana keesa diqole qooda inqabdu, garaani kanke fuula Waaqa durati dansaniti.

Yohana 8:9

Worri d'ageennaani namu toko tokooni kae yae, qara jaaroleeni yaate, kaimilleeni gula yae. Yesoni koba hafe ka niitileeni achuma ejitu.

Faaru 119:80

Seera kanke aka dansaa na guuchisiisi aka anini inch'eerfanne.

Faaru 119:69

Nami kiyyibaani ya d'ara dubbate gurra na balleese ammo anini garaa kiyya ch'ufaani seera kanke guuta.

Faaru 119:58

Anini garaa tokooni si kad'ad'a, akuma atini nati kakhate naa nahi!

Faaru 119:34

Waan seera keeti na hubachiisi, duuba anini gula deeme, garaa kiyya ch'ufaani jabeesa.

Faaru 119:10

Qalbi tiyya ch'ufaani anini si barbaada; seera kanke iraa goru na d'owi.

Faaru 119:2

Ayyaana isa ka dubbi Waaqaa guute, garaa ufii ch'ufaani isa gula deemu.

Faaru 111:1

AABBO Waaqaa faarsa! Anini gumi Waaqaa durati garaa kiyya ch'ufaani AABBO Waaqaa galata deebisa.

Faaru 94:15

D'ugaani gaadisa korati deebite, nami d'uga qajeelani ch'ufti isi gula deema.

Faaru 84:11

AABBO Waaqi aka aduu nuu tahe, aka wonte nu qorqorate, nu qarqaare, guddinna nuu kenne, nu eebise. Inni nama d'uga gula deemu waan dansaa tokole ind'owu.

Faaru 32:11

Isani worri d'uga, maro waan AABBO Waaqi tolcheteefi gammada qilit'ama. Isani worri isaa saalfatu gammadaa sirba!

Faaru 9:1

Ee AABBO Waaqa, anini garaa tokooni si faarse, waan mama ka atini tolchite ch'ufa odeesa.

1 Odu duri 29:17

Anini imbeekha, aka atini onne nama ch'ufa ilaalte nama d'uga iraa gammaddu. Fed'ifi garaa tokooni anini waan kana ch'ufa sii baase, ammalle anini aka gumiini tante tunini gammadani waan kana ch'ufa sii baaftu ya arge.

1 Hayyoota 15:3

Inni akuma abba isaa daba tolche, AABBO Waaqa isaa garaa tokooni aka ababo isaa Daudi gula indeemne.

Lawi 16:4

Inni ha nafa d'iqate woya qaallu keeyatu; ubaara booftatifi hid'a booftatifi gurda booftatifi sure booftale.

Luqaas 1:1

Ee Theofilo: Nami hedduuni odu waan jiddu teennati tolchani yayu haga dandaani t'aafe.

Huji Ergattu 22:16

Ammatana maani eedda? Kai, batifami, daba kanke d'iqad'u, maqa isaa yaamad'u naani jed'e.

Ebrania 6:11

Fed'iini teenna guddooni, aka isani owa amma qabdani kana, haga muumme teetanini, aka wonti isani heregatani ch'ufti isanii taatu.

Ebrania 10:1

Seeri Yahudi fakeenna dansa ka waan d'ugaatiniti. Ammo inni gandidu waan dansa ka hegeri d'ufu ch'alla. Sorio takati ganna ch'ufa qalani baasani. Seeri yoosi akami dandae, sorio tanaani, worra Waaqati d'ufu qulqulleesa?