Danieli 9:18 - KITAABA WAAQA

¹⁸ Ee Waaqa, nu d'agayi nu ilaali, gaargala nu keesa jirufi d'iba dira maqa kanke qabu argi. Nu d'uga qamna jenne si inkad'annu, ammo maro naasu tante guddotifi si kad'anna.

Danieli 9:18 Referans Kwoze

Isaya 37:17

Amma, ee AABBO Waaqa, nu d'agayi, waan harkaa nu qaba kana argi, araba Senakeribuni sii Waaqa gudda arabsu kana ch'ufa d'agayi.

Yeremia 36:7

Hegeri worri AABBO Waaqa kad'ate hameenna duri iraa deebiafa, wonti akanatiifi AABBO Waaqi yayu worra kana aka male iti dallane.

Yeremia 25:29

Anini badi worra kana diruma maqa kiyya qabu kanaani iti keeyad'a. Isani waan gaargala kana jalaa baatani seetani? Hiyo jalaa imbaatani; wonti akanatiifi nama lafa keesa jiru ch'ufa anini woraana iti kaasa. Nami dubbi tana jed'e ana, AABBO Waaqa gudda.

2 Hayyoota 19:16

Ama, Ee AABBO Waaqa, waan harkaa na qaba kana argi, araba Senakeribuni si Waaqa gudda arabsu kana ch'ufa d'agayi.

Ezekieli 36:32

Worra Israeli, anini waan kana ch'ufa isanii jed'e intolchu, beekha. Wonti anini fed'u aka isani waan hamtu tolchitani kaani iraa ch'eertani, ch'eeri keesani mullatu. Nami dubbi tana jed'e ana, AABBO Waaqa.

Yeremia 15:16

Atini naani dubbannaani anini dubbi tante ch'ufa ch'aqase fud'ad'e. Ee AABBO Waaqa gudda, anini keetuma, tanaafi garaani kiyya dubbi tante maache iraa gammade.

Yeremia 14:7

Gumiini tiyya nati iyyite waan jettu, Ato ch'ubbu teenna gula gaargali kunini nuti d'ufeele, ee AABBO Waaqa, maro maqa keetiti jed'i nu qarqaari. Nu maro heddu dudda siti galle, si biraa yaane siti ch'ubbamne.

1 Korintho 1:2

Gara gumi Waaqa ta Korintho jirtu ta yaamani worra Waaqa tolchani, ta maro Kristo Yesotiifi worra isaa taate, ammalle gara nama lafa ch'ufa ka maqa Aabbo Yeso Kristo yaamatu: Inni Abba keennafi ka worraati.

Yeremia 37:20

Amma tana ee hayyicha, anini si kad'ad'a, na d'agayi, mana Yonathani, ka hid'aansa suniti na indeebisiini yo atini achiti na deebifte anini indua.

Yeremia 14:9

Atini maafi nama nami tassa iti d'ufe fakaatte, aka askarti nama qarqaaru indandeenne taate? Ee AABBO Waaqa, atini numa woliini jirta! Nu gumi teeti, nu illakisini!

Isaya 64:6

Nu ch'ufti nama dabaati, hujiini teenna dansaleeni ch'arqi t'uriti fakaati. Maro daba keennatifi nu baala mukha ka qanch'oorate, qilleensi fud'ate, fakaanna.

1 Hayyoota 8:29

Halkani guyya Mana kana ka atini fohatte, iti na kad'ad'a jette tissi. Hojja anini fuula Mana kanati deefad'e si kad'ad'u na ch'aqasi.

Bahisa 3:7

Duuba AABBO Waaqi waan jed'e, Anini yayu gaargala worra kiyya ka lafa Misiri keesa tau arge, boha worri nama worra hojachiisu iraa bohu d'agaye, d'iba worra kiyya hubad'e.

Isaya 64:12

AABBO Waaqa, wonti kunini ch'ufti si ind'ibdu? Atini maafi afaani qabate gaargala hagana gahu kana nuti lakifte?

Faaru 116:1

Anini AABBO Waaqa jaalad'a, waan inni na ch'aqase, kad'acha tiyya naa d'agayeefi.

Danieli 9:7

Atini, ee Aabbo, hojja ch'ufa waan d'uga tolchita ammo nu hojja ch'ufa ch'eera ufitini d'ufna. Nu worri Yuda, ka Yerusalemu, ammalle worri Israeli ka maro worri hamaate si lakiseefi atini lafa ch'ufa keesa firfirsite ch'ufti.

Henna 6:27

Ammalle AABBO Waaqi waan jed'e, Akanaani maqa kiyyaani gumi Israeli eebisani, aninileni worra eebisa.

Faaru 25:6

Ee AABBO Waaqa, naasufi jaalala tante ta ind'umanne, ta atini haguma duriti na garsiifte qaabad'i.

Isaya 43:7

Worri gumi tiyya, ta anini uume akasiini guddinna ira argad'e.

Ezekieli 36:22

Tanaafi amma tana waan atini worra Israelitini jettu, AABBO Waaqi guddaani waan jed'u, anini waan amma tolchu kana isani worra Israeliti jed'e intolchu, ammo maro maqa kiyya, ka isani fulla yaatani ch'ufati balleesitanifi, tolcha.