Boha 2:11 - KITAABA WAAQA

¹¹ Ilti ya bohaani na luluqaate, garaani kiyyaleni ya aka male gaargale, ammalle waan gosa tiyya balleesanifi laalalti ya garaa na yakite. Ijoolleefi daimi didiqaleeni gagagabe kara dira keesati jijige.

Boha 2:11 Referans Kwoze

Boha 1:20

Ee AABBO Waaqa gaargala kiyya laali, d'ipu lubbu tiyya argi! Maro daba kiyyatiifi garaani kiyya yayu aka hamtu laalefate: Alalleti yayu nama fit'ani; mana keesaleti nami ya hobae.

Boha 1:16

Tanaafi imimaani ila na guutani. Nami garaa na jabeese ira na hambisu tokoleeni injiru. Nyaapi yayu na had'e, wonti toko ka worra kiyyaa hafe injirtu.

Aayubu 16:13

gama ch'ufaa na had'a — t'iyiti sunini na woraante na madeesiti; ato akasile taate, inni diqole na innahu.

Yeremia 4:19

Anini waan kana aka takaa inargini laalefad'e, dandae inoobsu! Onneeni tiyya teete na keesati buubdi, dandae afaani inqabad'u! Anini magalata d'aanifi iyyanna worra woli had'u d'agaya.

Isaya 22:4

Amma na lakisi aka anini worra kiyya ka due laalefad'e bohu. Garaa na jabeesite iraa na inhambisini.

Faaru 22:14

Irreeni tiyya aka bisaani lafati jissani bade, lafeleeni tiyyaleeni mitta keesaa yaate. Onneeni tiyyaleeni aka haanch'a na keesati bat'e.

Faaru 6:7

Anini dandae woma inargu, ilti tiyya ya boha nyaapi kiyya na bocheeni iitofte.

Luqaas 23:29

Wonti akanatiifi guyyaani ind'ufa, ka nami ayyaana maseenatifi ka nad'eeni taka d'alte ilmaani inhoosisini jed'u.

Yeremia 44:7

Tanaafi AABBO Waaqi, guddaani Israeli, waan jed'u, Isani maafi waan hamtu akana tana ufitini d'uftani d'iirafi nad'eenifi ijoolleefi daimale balleesitani, daara ufi d'owartani?

Yeremia 14:17

AABBO Waaqi waan nani jed'e, Waan atini worraani jettu, Ilti tiyya ha halkanifi guyya imimaanini guutamte boote lakisu diddu; wonti akanatiifi gumi tiyya ya aka hama madeesani aka takaa inargini d'ukubsachisani.

Yeremia 8:19

Me ch'aqasa! Lafa ch'ufa keesa anini qonqo gumi tiyya ta, AABBO Waaqi Sioni keesa injiru? Hayyuuni Sioni achi injiru? jettu d'agaya. AABBO Waaqi, hayyuuni worraa, waan jed'u, Isani maafi na dallansiiftani waaqa harkaani boch'ani kad'attani akheekha woma keesa injirre durati gajettani?

Faaru 69:3

Anini ya boha d'aqe ufi jibbaad'e, qarqaarsale d'abe, lubbuleeni ya na gogodde. Anini ya sii barbaada d'aqe, ilti na godde.

Faaru 31:9

Ee AABBO Waaqa, anini gaargala qaba, naa nahi. Anini yayu bohaa d'aqe ilti na bobeete, ya ufi jibbaad'e.

1 Samueli 30:4

Daudifi jari isaa aka male bohani haga dad'abani ufi jibbaataniti lakisu didani.

Isaya 38:14

Qonqooni tiyya laafte qallatte qonqo sabalisa fakaate. Waan anini hojja ch'ufa tae Waaqa ilaalufi ilti na aarte. Aabbo, gaargala kana ch'ufa keesaa na baasi.

Aayubu 30:27

D'ipufi heregi ya lafaa na hobaase; guyya ch'ufa gaargalumati nati d'ufa.

Faaru 38:8

Anini yayu laafe ufi jibbaad'e lafati na ch'arasani; gaarani kiyya na hamaate tae, d'ukubsad'e waad'a.

Faaru 119:82

Ato anini tae aka atini na qarqaartu eegu, ilti na gogodde; duuba anini waan sini jed'u, Atini yoomi d'ufte na qarqaarta?

Boha 5:17

Wonti garaani keenna hamaate ilti teenna duudefi,

Isaya 51:20

Nami kanke kara ch'ufa keesati gagagabe aka hiddi t'ururaani qabani taha. AABBO Waaqi yayu worrati dallane worra balleese.

Boha 1:11

Nami isi keesa jiru waate waan nyaatu barbaade; worri hori qara olkeeyate waan nyaatuni aka indoone jijirate waan jed'e, Ee AABBO, badi teenna ilaali.