Bahisa 6:1 - KITAABA WAAQA

¹ Jennaani AABBO Waaqi waan Musani jed'e, Amma waan anini Farao tolchu ingarta; inni irrumaani gosa Israeli lafa keesaa baasa, yokhaani irree jabduuni lafa ufii keesaa worra baasa.

Bahisa 6:1 Referans Kwoze

Bahisa 12:33

Worri Misiri worra Israelitini, Hurrisa lafa teenna keesaa baha, yokhaani nu ch'ufti indoona jed'eeni.

Faaru 136:12

Irree isaa jabdufi harka isaa jabaani; jaalalti isaa haga jirtu ind'umatu.

Bahisa 12:39

Worri qit'a bukho inqamne ka lafa Misiri keesaa fud'ate kaani d'aabate; wonti akanatiifi worra lafa Misiri keesaa, ato worri inkurfefatiinu, gussani, yo qit'a bukhefatanifi yo woreega fud'atanile d'abani.

Bahisa 12:31

Halkanuma suni Faraoni Musafi Haruniti nama erge waan jed'eeni, Kaa, lafa tiyya keesaa yaa, lafa tiyya keesa intaiina, isanifi worri Israeli ch'ufti aka baantani AABBO Waaqa kad'achu d'aqa.

Qaabacha Seera 32:39

Me amma ilaala, Waaqi d'uga ana, ka d'ibiini injiru. Anini ijeese jireesa, madeese fayyisa, nami tokoleeni na indabsatu.

Bahisa 11:1

Jennaani AABBO Waaqi waan Musani jed'e, Anini gaargala toko d'ibi Faraofi lafa Misiritiini d'ufa. Eegi suni inni isani gad'iisa. Yo isani gad'iisele, ufira isani gussa.

Isaya 63:12

AABBO Waaqi, ka irre isaa guddooni waan jabdu Musa tolchisise, bisaani baariini gargari kute, gumi isaa bisaani qile taakisiise, akasiini haga jiru jireenna gurra baafate, me? AABBO Waaqi worra dura deeme, worrileeni aka farda lafa aloo ka ingufanne yae.

Faaru 89:13

Atini akami jabeenna qabda, irreeni tante akami jabdu!

Faaru 12:5

AABBO Waaqi waan jed'u, waan hiyyeesa dabsani, d'ipatani tae ouufi, anini amma d'ufe qarqaarsa worri fed'u kennaafi.

2 Odu duri 20:17

Isani worra inhad'ina, ammo kurfo eegad'a, aka Waaqi isani dabsachiisu inagartani. Isani worra Yudatifi ka Yerusalemu, sodaatani imudamina. Kaa, nyaapa fuula keesa yaa, AABBO Waaqi isani woliini jira.

2 Hayyoota 7:19

ammo namichi hayyuuni deemu kaani waan jed'e, Dubbini sunini intaatu, ato AABBO Waaqi amuma tana bokaya buusele! Jed'e morme Elishani waan jed'eeni, Atini waan suni iluma teetiini garta, ammo woma insooratu.

2 Hayyoota 7:2

Namichi hayyuuni deemu waan Elishani jed'e, Dubbini sunini intaatu, ato AABBO Waaqi amuma tana bokaya buusele! Elishani waan jed'eeni, Atini waan suni iluma teetiini garta, ammo woma insooratu.

Qaabacha Seera 4:34

Waaqi tokoleeni, ka taka deeme nama lafa d'ibi keesaa fuud'e nama ufii tolfate, aka AABBO Waaqi keesani isani lafa Misiri keesaa fuud'e injira? Ila teesani durati inni irre isaatiifi jabeenna isaatini gaargala lolaatiini d'ufe, waan taka nami arge ind'agayinifi waan mama tolche, waan nama sodaachisa heddu tolche.

Henna 23:23

Qud'aami falfala yokhaani tolchi aka d'ibi ka worra Israeliti tolchani injiru. Amma tana biyyiti waan Israeli dubbate waan jettu, waan Waaqi worraa tolche, me ilaala!

Bahisa 14:13

Musani waan jed'eeni, Insodaatina, jabaad'a, aka AABBO Waaqi isani baasu arra laala; wonti akanatiifi worri Misiri ka arra agartani kana deebitani haga jiru jireennale ingartani.

Bahisa 13:3

Musani waan gumiini Israelitini jed'e, Guyya kana ka isani lafa Misiri boola tissooma keesaa baatani, ka AABBO Waaqi harka ufitiini lafa suni keesaa isani baase qaabad'a; qit'a bukho qabu inyaatina.

Huji Ergattu 13:17

Waaqi gosa Israeli ababoota teenna fohate gosa jabdu tolche, gaafa worri aka keesuma lafa Misiri keesa tau. Inni harka jabaani lafa suni keesa worra baase,

Bahisa 7:4

Anini gaargala gudda worra Misiriti buuse, duuba gosa tiyya ta Israeli dura deeme lafa suni keesaa baasa.

Bahisa 7:5

Eegi anini gaargala gudda worra Misiriti buuse gosa tiyya ta Israeli dura deeme lafa keesaa baase, worri Misiri aka anini AABBO Waaqa aka d'ugaa beekha.

Bahisa 15:6

Harki kanke mirgichi, AABBO Waaqa, jabeenna gudda dabsatuuni qaba; inni nyaapa gargari herood'a.

Bahisa 13:9

Amma wonti kunini ha akheekha isanii taate, aka harkaafi adda teesani iraa mullatu, ammalle ha qaabacha jiddu teesani jirtu taatu, aka dubbini AABBO Waaqa garaa keesani keesaa imbaane; wonti akanatiifi AABBO Waaqi harka isaa jabaani lafa Misiri keesaa isani baase.

Bahisa 13:14

Eegi tana, yo ilmaani teesani, Wonti kunini maani? jette isani gaafate, waan jettaniini, AABBO Waaqi irre isaa guddooni lafa Misiri ta nu tisse keesati taane harka ufitiini keesaa nu baase jed'aani.

Bahisa 13:16

Wonti kunini ha akheekha isanii taate, aka beesisa harkaafi adda teesani iraa mullatu; wonti akanatiifi AABBO Waaqi lafa Misiri keesaa harka isaa jabaani nu baase.

Henna 11:23

AABBO Waaqi waan Musani jed'e, Harka kiyya gababa seeta? Duuba atini amuma tana aka dubbini guutamte yokhaani inguutamne agarta!

Faaru 12:6

Waan Waaqi kakhatu d'ugefachu malani; kakhuuni isaa sunini qulqullo, aka qarsi maro torba ibida keesati bassani jirti.