Bahisa 38:8 - KITAABA WAAQA

⁸ Inni qori guddo bisaani iti d'iqatanifi waan isiini ira ejitule sibiila diimani mid'aase. Sibiila suni dawiti nad'eeni fulla balbala Waaro Woyyuma hojattu iraa mid'aase.

Bahisa 38:8 Referans Kwoze

Luqaas 2:37

D'iirsi doonaani haga ganni isii saddeetami afuri gahuti teete; Mana Waaqa keesaa imbaatu, halkani guyya isiini Waaqa guddifte agabde Waaqa kad'atte.

1 Samueli 2:22

Duuba Elini, ka jaare hobae, waan heddu ilmaani isaa worra Israeli tolchitefi ammalle aka isiini nad'eeni balbala Waaro Woyyuma hojatu woliini raftele d'agaye.

Bahisa 40:7

Qori guddo bisaani iti d'iqatani Waarofi waan aka mesa ka sorio irati baasani kaani jiddu d'aabi bisaanini guuti.

1 Timotheo 5:5

Niiti d'iirsa inqamne, ta nama qorqoratu inqamne, ya abdi ufi Waaqa ira keyatte, halkani guyya qarqaarsa isaa kad'atti.

Yohana 13:10

Yesoni waan jed'eeni, Nami nafa d'iqate waan iti deebie d'iqatuufi inqabu, miila male, inni ya qulqullae. Isani ch'ufti qulqullo, toko male.

Zekaria 13:1

AABBO Waaqi Guddaani waan jed'u, Gaafa guyyaani suni gahe, madda ilmaani Dauditifi worra Yerusalemu dabafi t'uri iraa qulqulleesitu banani.

Faaru 26:6

AABBO Waaqa, anini harka d'iqad'e, aka ch'ubbu inqamne garsiise, waan sorio irati si baasanini mara.

Mudhii Yohaannisii 1:5

Yeso Kristoni, d'ugaani d'ugefatani, Ilmi angafa ka duisa keesaa kaasani, ka hayyu hayyoota lafa tana, eebafi nagaya isani kenninna. Inni nu jaalata, ammalle d'iiga ufitiini daba keesaa nu baase,

1 Yohona 3:7

Nami tokoleeni isani insobini, ijoolle! Nami waan qajeela tolchu ch'ufti nama d'ugaati, akuma Kristoni ka d'ugaa.

Ebrania 9:10

Wonti kunini waan nyaataniifi waan d'uganiifi aada qulqulleesa ch'alla. Tunini ch'ufti seera alaati, ta haga Waaqi waan ch'ufa garagalche imid'aasiini ch'alla jirtu.

Yohana 18:16

Ammo Petroni karra dura ala eje. Namichi kaani ka qaallichi guddaani fuula beekhu gabahe, intala karra eeddu tokooni dubbate Petro olseensise.

Matayo 26:69

Ato Petroni ch'icha dura tau, intalti hojattu qaallicha gudda toko d'ufte waan jetteeni, Atileeni Yeso Galilaya woliini jirta.

Mammaasa 8:34

Nami ch'aqasu, ka hojja ch'ufa mana kiyya dura eje balbala keesati na eegu, gammada argata.

1 Hayyoota 7:38

Huramuni ammalle qori kud'ani mid'aase, aka gaarini ch'ufti toko toko argatu. Qori suni ch'ufa, ballinni isii d'und'uma afuri, ammalle ch'ufti bisaani d'ebbe afurtama fuuti.

Bahisa 31:9

waan mesa fakaata ka sorio irati gubanifi miha isaale, qori guddo bisaani iti d'iqatanifi waan isiini ira ejitule;

Bahisa 38:7

duuba kalcho suni qube moga moga mesa suni jirtu keesa naqe, aka baataniini. Mesaani suni sanduqa mukhaani mid'aasani fakaata.

Bahisa 30:17

AABBO Waaqi waan Musani jed'e,

2 Odu duri 4:2

Inni ammalle haro gingiti sibiila diimani mid'aasani jaare, ta ballinni afaani isii d'und'uma sodoma, ta qilumani isii d'und'uma shani ta d'eerinni jiddu isii d'und'uma kud'ani.

Isaya 3:23

woya nafi namaa keesaani mullatuufi woya booftatiifi gaarbisarafi, hagogo worri matati uyifatu — waan kana ch'ufa inni worra iraa fuud'a.