Bahisa 34:6 - KITAABA WAAQA

⁶ Duuba AABBO Waaqi isa dura dabre lalabe waan jed'e, Anini AABBO Waaqa Waaqa eebaafi naasu guddo qabu, ka hure indallanne, ammalle ka d'ugaafi jaalala qabu.

Bahisa 34:6 Referans Kwoze

Faaru 86:15

Ammo atini, ee AABBO Waaqa, Waaqa naasufi jaalala qabu, ka hurrise indallanne, ka hojja ch'ufa namaa nahe nama jaalatu.

Yoeli 2:13

Woya tarsaaftani laalala ingarsiisina, ammo garaa keesaniini garsiisa. AABBO Waaqa keesaniti deebia, inni eebaafi naasu qaba; obse kakhu ufii guute, hojja ch'ufa namaa nahe araraama.

Faaru 145:8

AABBO Waaqi naasufi jaalala qaba; inni hurre indallanu, jaalalti isaaleeni ind'umatu.

Nehemia 9:17

Worri waan atini tolchiteefi ch'ufa ded'e, Seera kanke guutu dide, waan mama ka atini tolchite ch'ufa wollaale. Ammalle, kiyyibe nama gudda ka tissooma lafa Misiriti worra deebisu tolfate; ammo atini Waaqa namaa araaramu, ka eebaafi naasu qabu, ka hure indallanne. Jaalalti tante guddo, tanaafi atini worra illakisini.

Yona 4:2

Waaqa kad'ate waan jed'e, Ee AABBO Waaqa, wonti kunini waan anini gaafa qara worra kiyya jiru jed'eeniti? Wonti anini hurrise kae lafa Tarshishiti baqad'eefi suni! Anini imbeekha, aka atini Waaqa eebafi naasufi obsafi jaalala haga jirtu ind'umanne qabu, ka herega ufii jijire namaa nahu.

Faaru 86:5

Atini nuu dansa, ch'ubbule nu araaramta. Ammalle nama si kad'atu ch'ufa jaalala tante ta ind'umanne garsiifta.

2 Odu duri 30:9

Yo isani AABBO Waaqati deebitani, worri duri oboleyaanifi ilmaani teesani boojieleeni worraa nahe lafa tanati worra galcha. AABBO Waaqi keesani eebaafi naasu qaba, hojja isani isati deebitani inni isani indidu.

Mika 7:18

Waaqi aka keeti injira? Ee AABBO Waaqa, atini ch'ubbu namaa araaramte wollaala gumi teeti ta hafte biraa deemtaafi. Atini haga jiru jireenna indallantu, ammo atini jaalala tante ta ind'umanne nu garsiisu feeta.

Qaabacha Seera 5:10

Ammo anini d'aloota kunki kunki ka na jaalate seera kiyya guutu jaalad'e nahaafi.

Faaru 138:2

Anini fuula kiyya mana kanke qulqullooti deefad'e gajed'e maqa kanke faarsa maro jaalala tante ta ind'umanneetiifi d'uga teeti, ammalle waan atini aka maqa keetifi dubbini tante waan ch'ufa ira jirtu nama garsiifteefi.

Faaru 116:5

AABBO Waaqi naaso, ammalle dansa; Waaqi keenna guddo nama naha.

Faaru 108:4

Jaalalti tante ta ind'umanne gubbaa geeti; d'ugaani tanteeleni dumansati ejiti.

Roomaa 2:4

Hegeri arjoomafi naasufi obsa isaa tuffatta. D'uguma arjooma Waaqa, aka inni daba ira si deebisu fed'u, inagarta.

Faaru 111:4

AABBO Waaqi huji isaa ta mama ded'u nu d'owa; inni eebaafi naasu qaba.

Faaru 112:4

Nama dansa dukana keesaa ifsaani ifsaafi, nama namaa nahu ka eeba qabu, ka d'uga gula deemu.

Faaru 57:10

Jaalalti tante ta ind'umanne gubba geeti; d'ugaani tanteeleni dumansati ejiti.

Bahisa 22:27

wonti akanatiifi wonti inni nafa qabu woya suni ch'alla; maani uyifate maanini rafa? Yo inni qarqaarsa na kad'ate, anini ind'agayaafi, wonti akanatiifi anini naaso, namaa naha.

Mika 7:20

Atini naasufi jaalala tante ta ind'umanne gumi Yakobotiifi ta Abrahamu garsiifta, akuma atini duri ababoota teennati kakhatte.

Boha 3:23

Jaalalaafi naasuuni sunini diirama ch'ufa hareeti, ammalle guyya ch'ufa injirti aka bari diirama.

Yohana 1:17

Waaqi Seera ufii Musani namaa kenne, ammo eebafi d'ugaani kara Yeso Kristotiini d'ufte.

Faaru 91:4

Inni koola isaa jala si keeyate, si d'osse, si qorqorata; d'ugaani isaleeni woraanafi wonte si taati.

Faaru 31:19

Wonti atini nama si sodaatu olkeete akami dansa! Nami ch'ufti aka atini dansa imbeekha, aka atini nama si d'ugeefatu jabeesite qorqorattule.

Isaya 12:4

Guyyaani ind'ufa, ka biyyiti sirbite akana jettu: AABBO Waaqaa galata deebisa! Qarqaarsa isaa kad'ad'a! Waan inni tolche gosa ch'ufati odeesa! Aka maqaani isaa jaba biyyati hima!

Faaru 111:8

Gorsi kunini haga jiru jireenna taha; gorsa kana d'ugaafi qajeelumani kennani.

1 Hayyoota 19:11

Jennaani AABBO Waaqi waan jed'eeni, Gadibai me, gaara gubba na dura eji. Jennaani AABBO Waaqi d'aatu isaa dabre, bubbe jabdu gaara ch'ach'absite d'akha fafalansitu gadi buuse — ammo AABBO Waaqi bubbe suni keesa injiru. Bubbeeni taani dabarte jennaani lafti chochote — ammo AABBO Waaqi chochoiti lafa suni keesale injiru.

Faaru 146:6

ka lafafi gubbafi baariinifi waan keesa jira ch'ufa uume heregatu. Inni hojja ch'ufa kakhu ufi guute;

Yakobo 5:11

Waan worri obseefi gammada qabani jenna. Isani ya obsa Ayubu d'ageetani, duuba aka Waaqi waan inni fed'u ch'ufa eege keenneefi imbeetani. Wonti akasitiifi Aabbooni guddo naasu qaba, guddo namaa naha.

Bahisa 20:5

Waan boch'ani mid'aasani kana tokole dura gajette inkad'atiini; wonti akanatiifi anini, AABBO Waaqi kanke, waan d'ibi na biraani kad'atani inoobsu. Anini ammalle nama jibbuufi d'aloota worraa ka sadeesotiifi ka afreesole gaargala itiini d'ufa.

Bahisa 33:19

Duuba AABBO Waaqi waan jed'eeni, Anini dansuma tiyya ch'ufa si garsiise si durati maqa kiyya qulqullo d'aa. Anini AABBO Waaqa, nama anini fed'u naheefi eebisa.

Qaabacha Seera 4:31

Inni Waaqa naasuti, isani lakise imballeesu, ammalle wold'aqisa inni abbooti teesani woliini tolfate kaani inded'u.

Qaabacha Seera 32:3

Anini maqa AABBO Waaqa faarse, gumiini isaaleeni guddinna isaa odeesiti.

1 Hayyoota 8:30

Kad'acha tiyyafi ta gumi tetile, hojja nu fuula armati deefanne si kad'annu, nuu d'agayi, nuu araarami.

Abba herega 8:11

Nami maanifi yoosu ch'ubbu tolcha? Maro ch'ubbu worraa hurrisani qorani wollaala iti imurreefi.

Isaya 65:16

Nami lafa suni ka eeba nama ira fed'atu, maqa Waaqa d'ugaatini naa eebisi namaani jed'a. Nami kakhu kakhatuleeni maqa Waaqa d'ugaatini kakhata. Gaargali qara lafa jiru hobae deebie inqaabatani.

Yeremia 9:24

Nami kooru fed'u ch'ufti ha waan na beekhe na hubatufi kooruti; anini d'ugaafi qaajeeluma tolcha. Woni na gammachiisa kana. Nami dubbi tana jed'e ana, AABBO Waaqa.

Yeremia 32:18

Atini nama kunki kunki jaalala garsiifte, ammo maro ch'ubbu abbooti isiitiifi ijoolle gaargalchita. Atini Waaqa guddaa, ka guddo jabeenna qabu: Waaqi guddayaani si.

Nahumu 1:3

AABBO Waaqi hurre indallanu, ammo humna jabdu qaba, ta nama wo yakeeni gaargalchu. Fulla AABBO Waaqi deemu bubbeeni kaate, dumansileeni aka awaara miila isaa jala kaa!

Uumama 24:27

waan jed'e, Maqa AABBO Waaqa, Waaqa abba kiyya Abrahamu, ha faarsani, ka kakhu abba kiyya guute. AABBO Waaqi yayu worra fiit'a abba kiyyati na qajeelche.

Henna 12:8

Tanaafi anini yo isaani dubbad'u mammaasaani woiti inhimu, ammo diideese afaanuma kiyyaani iti hima. Inni ya iluma ufitiini aka anini jiru arge. Isani akami re hojatu tiyya Musa hameenna isaa dubbatani?

2 Samueli 24:14

Daudini waan Gadini jed'e, Anini ya ufi jibbaadd'e, lubbuuni na d'ufte harka namaatiini duu imfed'u tanaafi AABBO Waaqumani, ka naasu qabu, ha waan fed'u nu tolchu.

Mammaasa 3:3

Duuba jaalalaafi d'uga illakisini mormati marad'i, qalbile keesa keeyad'i.