Bahisa 33:4 - KITAABA WAAQA

⁴ Biyyiti odu hamtu tana d'ageete jennaani guddo laalefatte boote, faaya ufii ka worqile naqachu didde.

Bahisa 33:4 Referans Kwoze

Henna 14:39

Musani dubbi AABBO Waaqa tana worra Israeliti hima jennaani worri guddo iyye bohe.

Ezekieli 26:16

Hayyooti lafa afaani galaana ch'ufti ta hobolo qabdu, woya isii mimid'aadufi ubaara babaricha yaafate mudamte holate ga teteete. Lubbuuni worra d'ufte worri aka male holate waan tahu d'aba.

Ezekieli 24:23

Isani matafi miila duwa yaatani yokhaani laalefatani imbootani. Maro ch'ubbu teesanitifi d'umatani wolti bootani.

Ezekieli 24:17

Nami si ind'agayini, Boha tante d'ofad'i aka nama nami iraa due taate sureefi miila duwa indeemini; yokhaani fuula d'ofate, sagale nami boha nyaatu inyaatini.

Henna 14:1

Halkani suni ch'ufa biyyiti iyyite boote

Zekaria 7:5

Waan atini nama lafatifi qaaloleeni jettu, Gaafa isani jia shaneesotiifi ka torbeeso ufi agabsitani ganna torbatama bootani, isani d'uguma naa jettani akasi taatani?

Zekaria 7:3

gaafi tanale qaalolefi raagoota gaafatani: Nu waan Mana Waaqaa balleesanifi, aka nu ganna heddu jia shaneeso keesa taane, ufi agabsine bohu ya malle?

Yona 3:6

Hayyuuni Ninawi qonqo tana d'ageennaani barch'uma isaa ka hayyuma iraa kae, woya isaa ta hayyuma baafate, ch'arqi naqate daara keesa tae.

Hosea 7:14

Worri garaa tokooni na inkad'anne, ammo sire gubbati lafaani ufi d'ae, aka nama Waaqa imbeenne iyya. Ammalle hojja mid'aanifi daad'i Waaqa kad'atanile, ufi murani aka worra Waaqa imbeenne ufi tolchani, akasiini naraa gorani.

Isaya 32:11

Isani qara machi keesa, ka woma iyyane, teetani, ammo ammatana mudama, holad'a! Woya baafad'a, ch'arqi hid'aanati marad'a.

Aayubu 2:12

Ato fulla isaa ingahiini fagootu argani, fuula wollaalani. Duuba eege, isa hubannaani, laalefatani aka male bohani woya tatarsaasani biyye matati ufi naqani.

Aayubu 1:20

Jennaani Ayubuni aka male laalefate woya ufii tarsaase, mata haadate, lafaani ufi d'ae waan jed'e,

Kitaaba Izra'aa 9:3

Anini waan kana d'ageennaani aka hama laalefad'e woya tiyya tarsaase rifeensafi areeda ufiraa bubuqise gatae, aka hama mata qabad'e bohe.

2 Hayyoota 19:1

Hayyu Hezekiani, akuma qonqo worra kaani d'agayeeni laalefate woya ufi tatarsaase, ch'arqi naqate, Mana AABBO Waaqa d'aqe.

1 Hayyoota 21:27

Eliyaani dubbi tana buufate jennaani, Ahabuni woya ufi tarsaase, baafate, ch'arqi naqate. Inni sagalele nyaachu dide, woya ch'arqi sunini bule, fuula yakate, miira hamaate, ufuma dedeeme.

2 Samueli 19:24

Jennaani Mefiboshethini, akhaakhuni Saulo, hayyu argu d'ufe. Inni haguma hayyuuni Yerusalemuu deeme, taka miila d'iqate areeda haadate woyale imich'anne, haga hayyuuni nagayaani galuti.

Lawi 10:6

Jennaani Musani waan Harunifi ilmaani isaa Eleazarifi ithamarini jed'e mata keesani filachu illakisina, yokhaani woya teesani tarsaaftani laalala ingarsiisina. Yo isani akasi tolchitani indootani, ammalle AABBO Waaqi gumi ch'ufati dallana. Ammo obleyaani teesani ta Israeli ha worra Waaqi ibidaani fit'e kani jette bootu.

Bahisa 33:6

Duuba worri Israeli, eegi gaara Sinaiti godaane, deebie faaya ufii innaqanne.

1 Samueli 6:19

Waan worri Beth-Shemeshi nami torbatama Sanduqa Wold'aqisa keesa laaleefi AABBO Waaqi worra suni fit'e. Duuba biyyiti guddo boote waan AABBO Waaqi nama hagana gahu hobaaseefi.