Bahisa 33:16 - KITAABA WAAQA

¹⁶ Eegi atini nu woliini indeemne, nami d'ibileeni akami aka atini anaafi worra kankele iraa gammade si beekha? Waheli atini nu wahelchitu gosa taani d'ibiini gargara nuu baasa.

Bahisa 33:16 Referans Kwoze

Qaabacha Seera 4:7

Gochiti tokoleeni ta, ato haga feetu jabdu taatele, waaqa aka AABBO Waaqa keenna jiru, ka hojja isiini gaargala qabdu worrati gadi d'iaate qarqaaru qabdu injirtu. Inni hojja nu qarqaarsa isa kad'annu ch'ufa, nu d'agaya.

Henna 14:14

worri nama lafa tana keesa tauti hima. Worri kunini qara yayu d'agaye, ee AABBO, aka atini nu woliini jirtu, ammalle aka dansaa hojja dumansi kanke nura tau, ammalle aka atini baaldo dumansa keesa guyya nu dura deemte, goola ibida keesa halkani nu dura deemtu si arga.

1 Hayyoota 8:53

Atini worra suni gosa ch'ufa keesaa fohate, gumi tante tolfate, aka atini gaafa ababoota teenna lafa Misiri keesa baafte Musati d'aamate, worrati himi jetteeni kaani.

Matayo 1:23

Ilaala, intalti dubra garaachoofte ilma deeti. Maqa isa Imanueli baasani. Akasi jechaani Waaqi nu woliini jira jechu.

Bahisa 34:10

AABBO Waaqa waan Musani jed'e, Anini amma wold'aqisa worra Israeli woliini tolfad'a. Ammalle anini gumi tante durati waan mama ka ka durile ira jira lafa ch'ufa keesa yokhaani gosa ch'ufa durati tolcha. Ammalle gochiti d'ibiini ta d'aatu tante jirtuleeni waan nama bakhasa, ka anini AABBO Waaqi si tolchu kana inagarti.

2 Korintho 6:17

Tanaafi Aabbooni waan jed'u, Worra lakisa, biraa yaa. Waan t'uri qaba intuqiina, yoosi anini isani fud'ad'a.

2 Samueli 7:23

Gochiti lafa gubbaa jirtu, ta aka gosa Israeli, ta atini tissooma jalaa baafte nama kanke tolfate injirtu. Wonti mama guddooni ta atini worraa tolchite yayu gurra kanke lafa ch'ufaani qit'eesite. Atini gosa d'ibifi waaqa worrale, ato worri atini lafa Misiriti baafte kanke tolfate d'ufu jiru, duraa gussite.

Bahisa 8:22

Anini ammo guyya suni arda Gosheni, ka worri kiyya keesa jiru, illakisa, aka tiiteeni tokoleeni achi ind'umne. Akanaani aka anini, AABBO Waaqi, lafa tana keesa jiru beeta.

Faaru 147:20

Inni waan kana gosa d'ibii intolchine, wonti akanatiifi isiini seera isaa imbeetu, AABBO Waaqa faarsa!

Qaabacha Seera 4:34

Waaqi tokoleeni, ka taka deeme nama lafa d'ibi keesaa fuud'e nama ufii tolfate, aka AABBO Waaqi keesani isani lafa Misiri keesaa fuud'e injira? Ila teesani durati inni irre isaatiifi jabeenna isaatini gaargala lolaatiini d'ufe, waan taka nami arge ind'agayinifi waan mama tolche, waan nama sodaachisa heddu tolche.

Henna 23:9

Fiit'e gaara gubba anini worra arge; kubilele iraa worra doofad'e. Worri gosa koba godaantu, ta herega gosa d'ibi keesa injirre.

Lawi 20:24

Ammo anini, lafa aananifi dammi aka lolaa yau tana fud'ad'a, d'aala isaniini jed'e. Anini AABBO Waaqa keesani, ka gosa ch'ufa keesaa koba isani baase.

Lawi 20:26

Isani qulqullooftani nama kiyya tahu maltani, wonti akanatiifi anini AABBO Waaqa qulqullo. Ammalle anini gosa d'ibi keesaa koba isani baase, aka isani nama kiyya taatani.

Bahisa 34:9

waan jed'e, Aabbo, yo atini d'uguma na maachite, anini si kad'ad'a, nu woliini deemi. Worri kunini mataa jajaba, ammo ha taatuti, amma atini dabafi ch'ubbu teenna hamtu ch'ufa nuu araarami, gumi tante nu tolfad'u.