Bahisa 32:14 - KITAABA WAAQA

¹⁴ Jennaani Waaqi herega jijirate balleesa worra imballeesa jed'e taani hanqate.

Bahisa 32:14 Referans Kwoze

Yona 3:10

Waaqi waan worri tolcheefi ammalle aka worri kara isaani hama kaani iraa deebiele arginaani herega ufii jijire, worraa nahe, badi sila worra balleesu taani lakise.

Yeremia 26:13

Kara gula yaatani kana lakisa, Finna keesani jijirad'a, AABBO Waaqa keesani saalfad'a. Yo isani akasi taatani, inni herega qara dira kanaani balleese jed'e kaani illakisa.

Faaru 106:45

Maro worraatifi inni wold'aqisa inni tolche qaabate, maro jaalala ufii guddotifi worraa araarame,

Yeremia 18:8

ammo yo duuba gochiti sunini eege Hameenna ufi iraa deebite, anini waan qara intolche jed'e illakisa.

1 Odu duri 21:15

Jennaani inni malaika ufi, ta dira Yerusalemu balleesitu, erge, ammo eege herega jijirate waan malaikaani jed'e, Laki, ta qaraatu ya geete, yaala bahi! Yo suni malaikaani oobdi Arauna, ka gosa Yebusi, d'aatu ejiti.

2 Samueli 24:16

Malaikaani Waaqaa Yerusalemu balleesiti kurfefate, jennaani, AABBO Waaqa herega badi ka namaani balleesu suni jijirate, waan malaika worra hobaasu jirtuuni jed'e, Laki! ta qaraatu ya geete, yaalabai! Yo suni malaikaani oobdi Arauna, ka gosa Yebusi, d'aatu ejiti.

Yona 4:2

Waaqa kad'ate waan jed'e, Ee AABBO Waaqa, wonti kunini waan anini gaafa qara worra kiyya jiru jed'eeniti? Wonti anini hurrise kae lafa Tarshishiti baqad'eefi suni! Anini imbeekha, aka atini Waaqa eebafi naasufi obsafi jaalala haga jirtu ind'umanne qabu, ka herega ufii jijire namaa nahu.

Yoeli 2:13

Woya tarsaaftani laalala ingarsiisina, ammo garaa keesaniini garsiisa. AABBO Waaqa keesaniti deebia, inni eebaafi naasu qaba; obse kakhu ufii guute, hojja ch'ufa namaa nahe araraama.

Yeremia 26:19

Hayyu Yuda ka Hezekia jed'anifi gumiini Yuda ya Mikaya ijeefte? Hezekiani AABBO Waaqa sodaate, qarqaarsa inkad'anne? AABBO Waaqi badi qara worra balleesu fed'u illakimne? Nu diquma badi hamtu ufiini ind'ufini.

Qaabacha Seera 32:26

Anini sila worra hobaase aka nami tokoleeni worra inqaabanne.

Bahisa 33:13

Amma yo akasi taate, mari tante nati himi, aka anini si hojad'e akuma kaani si gammachiisu. Gosa atini fohatte nama kanke tolfatte tanale qaabad'u.

1 Samueli 15:11

Anini waan Saulo hayyu tolcheefi guddo gaabe. Inni naraa gore naa saalfachu dide. Samuelini dubbi suni ira guddo laalefate halkani suni ch'ufa AABBO Waaqati boha bule.

Uumama 6:6

waan qara worra duri lafa irati mid'aaseefi gaabe. Inni guddo iraa laalefate

Henna 14:20

AABBO Waaqi waan jed'eeni, Anini yayu worra araarame, kad'a tante gula.

Qaabacha Seera 10:10

Anini akuma gaafa qara kaani guyyaafi halkani afurtama gaara ira tae. AABBO Waaqi ammalle na ch'aqase, badi qara isani balleesu fed'e lakise.

Qaabacha Seera 32:36

AABBO Waaqi hojja aka irreeni gumi isaa laafte argu worra baasa; ammalle hojja laafinna worra isaa hojattu argu innahaafi.

Jaallaboota 2:18

Hojja AABBO Waaqi jaallaba worraa kenne ch'ufa, inni jaallaba suni qarqaare, worra, haga jaallabi sunini jiru, harka nyaapaa keesaa baase. AABBO Waaqi worraa nahe, waan worra guddo dabsani worri gaargale boheefi.

Faaru 106:23

Gaafa Waaqi gumi tiyya imballeesa jed'e, hojattuuni isa Musani, ka inni fohate, olkae Waaqa dura eje, dallansu Waaqaa ta sila worra suni balleesitu, ira d'owe.

Amosi 7:3

AABBO Waaqi herega isaa garagalfate waan jed'e, Wonti atini agarte sunini intaatu.

Amosi 7:6

Ammalle AABBO Waaqi herega ufii garagalfate waan jed'e, Wonti atini agarte kunileeni intaatu.