Bahisa 32:10 - KITAABA WAAQA

¹⁰ Duuba amma na lakisi; anini gugubad'e dallane, d'aqe worra balleesa; ammo sifi d'aloota kanke gosa guddo tolcha.

Bahisa 32:10 Referans Kwoze

Qaabacha Seera 9:14

Na lakisi, aka anini maqa worra balleese, nami deebie inqaabanne. Duuba anini si fuud'e, abba gosa guddo worra ira jabduu si tolcha.

Henna 14:12

Anini ch'iisa d'ukuba hama worrati buuse worra balleese, ammo anini sii abba gosa guddo worra ira irre qabdu si tolcha!

Qaabacha Seera 9:19

Anini dallansu hamtu AABBO Waaqaa, ka inni diquma isani imballeesini guddo sodaad'e, ammo AABBO Waaqi ammalle na d'agaye.

Henna 16:22

Ammo Musafi Harunini lafati gajejed'ani waan jed'ani, Ee Waaqa, ka lubbu nama ch'ufa harkaa qabdu, hojja nami toko ch'ubbu tolche atini gumi ch'ufati dallanta?

Bahisa 32:19

Akuma ollati gad'iaateeni, Musani biyya korma worqi ka mid'aasani kaani durati sirbitu arge jennaani aka hama dallane, gaara jalati d'akha harkaa qabu kaani lafaani d'ae lachu ch'a ch'abse.

Bahisa 32:11

Ammo Musani AABBO Waaqa isaa kad'ate waan jed'e, AABBO Waaqa atini maafi worra kanke ka atini lafa Misiri keesaa irre tante guddooni baafte akana iti dallanta?

Bahisa 22:24

ammalle anini guddo dallane lola keesati harka kiyyaani isani balleese, nad'eeni teesanileeni haad'a hiyyeesaa taate ilmaani teesanileeni hiyyeeyi taati.

Yakobo 5:16

Tanaafi daba keesani wolti himad'a, Waaqa woli kad'ad'a, aka fayyitani. Kad'achaani nama d'ugaa waan jabdu, guddo wo baati.

Yeremia 15:1

Jennaani AABBO Waaqi waan nani jed'e, Ato Musafi Samuelileeni arma ejaanjani na kad'atinile, anini worra kanaa inahu. Gumi tana fuula kiyya duraa fageesi, ha yaatuti.

Yeremia 14:11

AABBO Waaqi waan nani jed'e, Worra kana qarqaari nani injed'ini.

Bahisa 33:3

Isani lafa aananifi dammi aka lolaa yauti godaantani, Ammo anini isani woliini indeemu, wonti akanatiifi isani guddo mataa jajabo, hegeri anini karafati isani balleesa.

Henna 16:21

Worra kana ira fagaad'a, anini amuma tana worra balleesa.

Faaru 106:23

Gaafa Waaqi gumi tiyya imballeesa jed'e, hojattuuni isa Musani, ka inni fohate, olkae Waaqa dura eje, dallansu Waaqaa ta sila worra suni balleesitu, ira d'owe.

Yeremia 7:16

AABBO Waaqi waan jed'e, Yeremia, gumi tanaa inkad'atiini. Worraa jette boote Waaqa inkad'atiini; worraa jette na insobatiini, anini si inch'aqasu.

Yeremia 11:14

Yeremia, worra kana jette na inkad'atiini. Yo worri gaargala seene na kad'atele, anini worra inch'aqasu.

Ezekieli 20:13

Ammo lafa gamooji suni keesaleti worri na dide, aadaafi seera kiyya, ka nama isa guutu ch'ufa jireesu, dide. Ammalle worri guyya Sabatole t'ureese balleese; tanaafi anini worrati dallane, lafa aloo keesati worra balleesa, jed'e.

Uumama 12:2

Anini ilmaani guddo sii kenna, ta gosa guddo taatu. Anini si eebise maqa dansa sii kenna, aka maqa kanketiini namaa eebisani.