Bahisa 3:15 - KITAABA WAAQA

¹⁵ Ammalle Waaqi waan Musani jed'e, Dubbi tana worra Israeliti himi waan jettuuni, AABBO, Waaqa ababoota teesani, Waaqa Abrahamu, ka Isaaqo, ka Yakobo, ya gara keesani na erge. Haga jiru jireenna maqaani kiyya kana, maquma kanaani d'aloota ch'ufti na yaama.

Bahisa 3:15 Referans Kwoze

Ebrania 13:8

Yeso Kristoni sunuma, ka kale, ka arra, ka haga jiru jireenna.

Malaki 3:6

Anini AABBO Waaqa, ka injijiramne. Tanaafi, ee ilmaani Yakobo, isani qara inhobaane.

Hosea 12:5

Waaqi suni AABBO Waaqa, Waaqa Gudda — maqaani isaani kad'atani AABBO Waaqa.

Mika 4:5

Gochiti ch'ufti Waaqa ufii kad'atte gula yaati, ammo nu gama keenna AABBO Waaqa keenna haga jiru jireenna kad'anne gula yaana.

Bahisa 3:6

Anini Waaqa abba keetiti, Waaqa Abrahamuti, ka Isaaqoti, ka Yakobooti. Jennaani Musani Waaqa laalu sodaate fuula d'ofate.

Isaya 9:6

Daimi ya nuu d'alate! Ilma ya nuu kennani! Isati hayyu keenna taha. Maqaani isaani yaamani: Abba mala dansaa, Waaqa Guddaya, Abba jiru jireenna, Hayyu Nagaya.

Faaru 102:12

Ammo Ee AABBO Waaqa, atini hayyu haga jiru jireennati! Gurri kanke haguma jiru imbaddu.

Faaru 135:13

Ee AABBO Waaqa, maqaani kanke haga jiru jireenna imbadu, d'alooti ch'ufti gurra kanke inqaabata.

Huji Ergattu 7:32

Anini Waaqa ababoota teetiti, Waaqa Abrahamutiifi ka Isaaqoti ka Yakoboti. Jennaani Musani ilaalu sodaate holate.

Qaabacha Seera 1:11

AABBO Waaqi, Waaqi ababoota teesani, hagasile ira maro kuma isani daraarse isani deebansinna, akuma inni intolcha jed'e kakhate!

Bahisa 4:5

Ammalle AABBO Waaqi waan jed'eeni, Yo atini waan kana tolchite, Israeliini ind'ugeefatti, aka AABBO Waaqi, Waaqi ababoota isaani, Waaqa Abrahamu, ka Isaaqofi ka Yakoboleeni siti mullate.

Isaya 63:12

AABBO Waaqi, ka irre isaa guddooni waan jabdu Musa tolchisise, bisaani baariini gargari kute, gumi isaa bisaani qile taakisiise, akasiini haga jiru jireenna gurra baafate, me? AABBO Waaqi worra dura deeme, worrileeni aka farda lafa aloo ka ingufanne yae.

Faaru 72:19

Maqa isaa dansa haga jiru jireenna ha faarsani! Guddinni isaa ha lafa ch'ufa guututi. Amini! Amini!

Faaru 72:17

Maqaani hayyu haga jiru imbadiini; guuri isaa haga aduuni jirtu ha jiraatuuti. Gochiti ch'ufti ha isa faarsite, Waaqa kad'ate, Nu eebisi jettuti, worri hayyule ha eebisuti.

2 Odu duri 28:9

Duuba raaga AABBO Waaqa tokoti jira, ka Odedi jed'ani, ka worri isaa Samaria. Inni duula Israeli ka Samariati galu jiru fuula keesa d'ufe waan jed'eeni, AABBO, Waaqi ababoota teesani, ya worra Yudati dallane worra harka keesaniti kenne, ammo amma tana inni aka isani worra qaqaltani suni layu d'agaye.

Matayo 22:32

Anini Waaqa Abrahamutiifi Waaqa Isaaqotiifi Waaqa Yakoboti. Akasi jechuuni, inni Waaqa worra jiruuti, ka worra duetiiniti.

Qaabacha Seera 4:1

Jennaani Musani waan biyyaani jed'e, seerafi waan anini isaani barsiise ch'ufa jabeesa guuta, aka lafa AABBO Waaqi, ababoota teesaniini, isanii kennu fud'attani.

Qaabacha Seera 1:35

Waan jed'e, Isaniini tokoleeni, nami d'aloota ch'ubbu kana keesa jiru lafa gabbo dansa anini abbooti teesani kakhad'e inargattani.

Huji Ergattu 3:13

Waaqa Abrahamutiifi ka Isaaqotiifi ka Yakobotiifi Waaqa aabbooti teennati jabeenna Hojattu isaa Yesoti kenne. Isani harka jara gugurdati isa kennitani Pilato durati isa mormattani, eegi Pilatoni isa lakisu fed'ele.

Ebrania 11:16

Taatule lafa ira dansa barbaadani, lafa gubbaa jirtu. Maro waan kanatifi yo worri Waaqaani, Waaqa keenna jed'u, inni inch'eerfatu, waan inni dira worra mid'aaseefi.

Uumama 24:12

Inni Waaqa kad'ate waan jed'e, Ee AABBO Waaqa, Waaqa abba kiyya Abrahamuu, arra naa eebisi, abba kiyya Abrahamuu nahi.

Bahisa 3:13

Jennaani Musani waan Waaqaani jed'e, Yo anini gara gosa Israeli d'aqe, Waaqi abba keesaniti isaniti na erge jed'eeni, worri na gaafate, Maqaani isaa eenu? naani jed'e, anini duuba eenu jed'aani?

Bahisa 4:1

Jennaani Musani waan jed'eeni, Ammo yo worri na d'ugeefate yokhaani na ch'aqasu dide, AABBO Waaqi siti imullanne naani jed'e, ani maal taha?

Bahisa 6:2

Waaqi waan Musani jed'e, Anini AABBO Waaqa.

Bahisa 15:2

AABBO Waaqi irre jabdu na qorqorattu; inni ya na baase. Waan inni Waaqa abba kiyyatiifi anini isa faarsa. Waan inni Waaqa abba kiyyatiifi anini isa guddisa.

Bahisa 15:3

AABBO Waaqi abba duulaati; maqaani isaa AABBO Waaqa.

Faaru 30:4

Isani worri AABBO Waaqa d'ugeefatu ch'ufti isa faarsa, waan Waaqi qulqullooni tolche qaabad'a, galata deebisaafi.

Mammaasa 18:10

AABBO Waaqi doofi jabdu nami d'ugaa d'eete iti bahu fakaata.

Isaya 26:8

Nu fed'i tante guunne, si d'aabanne, si male waan d'ibi infeenu,

Isaya 42:8

Anini AABBO, maqaani kiyya sunuma! Anini guddinna kiyya waaqa d'ibii inkennu. Faaru nani faarsani waaqoota d'araatiini infaarsani.

Yeremia 33:2

AABBO Waaqi ka lafa uume mid'aase jabeese, ka maqaani isaa AABBO Waaqa, waan nani jed'e,

Danieli 2:23

Anini si faarseti si guddisa, ee Waaqa ababoota tiyya; atini yayu qaroomafi jabeenna naa kennite kad'acha tiyyale d'ageete, waan nu hayyuti himnu nu garsiifte.

1 Odu duri 16:16

wold'aqisa inni Abrahamuuni tolfateefi kakhu inni Isaaqo kakhate.

1 Odu duri 29:18

Ee AABBO Waaqa ababoota teenna Abrahamutifi Isaaqotifi ka Israeli, herega akana kana qalbi gumi teeti keesa kayi, guyya ch'ufa qalbilbi sii saalfatu worraa kenni.

Faaru 30:5

Dallansuuni isaa yoosu badi, ammo eebiti isaa haga jirtu imbaddu. Halkani imbohani, ammo hojja lafti bariite ingammadani.

Faaru 68:5

Waaqi ka mana ufii qulqullooti galu, inni abba hiyyeeyi tahe haawaani isiile qorqorata.

Faaru 102:13

Atini kaate, Sioni naata; hojaani ya geete ta isii nahu malani; hojaani suni tana.

Hosea 12:6

Tanaafi isani ammatana Waaqa keesani d'ugeefad'a, iti deebia; jaalalaafi d'uga jabeesa, biraa indeemina, obsaa, waan Waaqi keesani tolchu eega.