Bahisa 3:1 - KITAABA WAAQA

¹ Gaafa toko ka Musani ree sodda isaa Yethro qaallu Midiani tissu, inni ree suni lafa aloo keesa gama ila adu fach'aase, reeni suni gaara qulqullo Sinaitiini baate.

Bahisa 3:1 Referans Kwoze

1 Hayyoota 19:8

Eliyaani kae nyaate d'uge, akanaani jajabaate, bulti afurtama gara gaara qulqullo Sinai jed'ani miilaani deeme.

Bahisa 17:6

Anini achiti d'akha gaara Sinai ira tau ira eje isani eega; duuba atini d'akha suni d'ai, bisaaniti keesa baha, bisaani suni ha biyyiti d'uduti. Duuba Musani ila jaarole Israeli durati waan suni tolche.

Henna 10:29

Musani waan Hobabu ilma Yethro, ka gosa Midiani, ka sodda isaatini jed'e, Nu yayu lafa AABBO Waaqi, isanii kenna jed'e taaniti godaanu geenne. Inni yayu kakhate, aka gumi Israeli tana horsiisu, tanaafi atinileeni nu woliini kooti, woliini horraa.

Malaki 4:4

Isani waan hojattuuni tiyya Musani duri isani barsiise, aadaafi seera anini worra Israeliti jed'e gaara Sinai irati isaa kenne, qaabad'a.

Jaallaboota 4:11

Duuba hojuma suni Heberini, ka gosa Keni, waaro ufi, d'aatu Kadeshi mukha gudda toko birati, fulla Saananimu d'aabate, inni qara worra gosa Keni kaani, ka ilmaani Hobabu, ka sodda Musa, biraa godaane.

Bahisa 19:11

Duuba iftani kurfo taha; wonti akanatiifi guyya suni, ka nami ch'ufti argu, anini gaara Sinai gubbaa d'ufa.

Luqaas 2:8

Arda suni keesa tissituuni halkaniini hori tissaa bulti.

Faaru 106:19

Worri gaara Sinaiti korma worqi mid'aafate, waaqa sibiila ka tumani suni kad'ate.

Qaabacha Seera 4:10

waan guyya isani AABBO Waaqa keesani gaara Sinaiti dura ejitani iti hima. Inni gaafasi waan naani jed'e, Biyya wolti baasi, anini worra waan anini jed'uuni d'agayu fed'a, aka worri waan anini jed'uuni kana barate, jabeese, ilmaani worrale aka isiini na sodaatu barsiisu.

Qaabacha Seera 1:6

Gaafa nu gaara Sinai jiru AABBO Waaqi keenna waan nuuni jed'e, Isani ya fulla gaara kana guddo teetani.

Bahisa 24:13

Musafi nami isa qarqaaru, ka Yoshua jed'ani, kurfefatani, duuba Musani, gaara qulqullo olkore.

Bahisa 19:3

Duuba Musani gaara kore Waaqa argu d'aqe. Achiti AABBO Waaqi isaani dubbate waan jed'eeni, Waan atini worra Yakobo ka gosa Israelitini jettu,

Bahisa 3:5

Jennaani Waaqi waan jed'eeni, Gadi ind'iaatiini, kobe baafad'u fullaani atini ejitu sunini qulqullo.

Bahisa 2:16

Jennaani dubarti qaallu Midiani torba eela suni d'ufte bisaani keesa toote naanigati nat'e ree obaafte.

Amosi 1:1

Tunini dubbi namicha hori tissu toko ka Amosi jed'ani, ka dira Tekoa. Ganna lama, ka gaafa lafti chochoote dura, ka Uziani hayyu Yuda, ka ammalle Yeroboamuni, ilmi Yoashi, hayyu Israeli, Amosiini dubbi tana, ta waan Israeli dubbattu, daayyani arge.

Bahisa 4:27

AABBO Waaqi waan Harunini jed'e, Beeni, lafa alooti d'aqi, Musa argi. Inni kae deeme, Musa fulla gaara qulqullooti arge d'ungate.

Bahisa 2:21

Duuba Musani worra namicha suni gale jennaani jaarsi suni intala isaa ta Zipora jed'ani Musaa kenne, inni isi fuud'e.

Bahisa 2:18

Isiini worrati gallaani abbaani isii Reueliini waan jed'eeni, Arra eesa akana yoosu hure galtani?

Huji Ergattu 7:30

Eegi ganna afurtama, diida gaara Sinai keesati, malaikaani Aabbo Musati mullatte, gurbi bobeetu toko keesa.

Bahisa 3:12

Waaqi waan jed'eeni, Anini wahela sii taha, aka anini si ergu waan kanaani beeta: eegi atini worra kana lafa Misiri keesaa baafte, isani gaaruma kana irati Waaqa kad'attani.

Bahisa 4:18

Jennaani Musani gara sodda isaa Yethro deebie waan jed'eeni, Aabba, amma gadi na lakisi, gara fiit'a tiyya ta Misiri jirtu taani deebie aka isiini jirtu taani laalu fed'a. Yethrooni, Ya eebise, nagayaani deemi jed'eeni.

Bahisa 18:12

Duuba soddaani Musa Yethrooni, hori sorio gubani baasanifi sorio d'ibile Waaqaa baase; Harunifi jaaroleeni Israeli ch'ufti d'ufte sagale sorio ta soddaani Musaa baase suni Waaqa durati nyaatani.

Bahisa 19:2

Worri Refidimu kae lafa aloo ta Sinaitiini baanaani achiti gaara jalati qubate.

Bahisa 33:6

Duuba worri Israeli, eegi gaara Sinaiti godaane, deebie faaya ufii innaqanne.

Qaabacha Seera 1:2

Godaanti gaara Sinaitifi ta Kadesh-Barnea jiddu guyya kud'ani toko fud'atti, yo kara gaareeni ka lafa Edomutiini godaanani.

Henna 10:33

Gumiini Israeli gaara qulqullo Sinaiti kaate, godaana guyya sadi godaante. Sanduqi Wold'aqisa AABBO Waaqa hojja ch'ufa worra dura deeme, aka fulla qutuma worraa laalu.

1 Samueli 16:11

Jennaani inni waan jed'eeni, Ilmaani d'ibi qabda, tana male? Yeseni waan jed'eeni, Maand'icha tokoti hafe ka tikha hooliye jiru. Samuelini waan jed'eeni, Isa gayyaami, haga inni d'ufuti nu sorio imbaafnu.

1 Hayyoota 19:19

Eliyaani kae iti d'aabate, Elisha ilma Shafathi, ka tae qotiyoni lafa qotu jiruni bahe; karaaba t'indi kud'ani tokoti isa dura yaa, ammo inni ka eegeetini qotu jira. Eliyaani woya ufi ufira fuud'e Elishati uyise.