8 Guyya Sabato qaabad'u, qulqullo tolfad'u.
Jila tiyya ch'ufa jabeesa fulla iti na kad'atanile ulfeesa. Anini AABBO Waaqa.
Isani nami ch'ufti abbaafi haad'a teesani saalfachu maltani, ammalle Sabato tiyyale jabeesu maltani. Anini AABBO, Waaqa keesani.
Duuba Waaqi guyya torbeeso eebise guyya jaba tolche; wonti akanatiifi Waaqi gaafasi huji uumama ch'ufa hobaase boqote.
Guyya jaa hojad'a, ammo guyyaani torbeeso guyya Sbato, ka huji lakisani boqatani wolti bahani Waaqa kad'atani. Sabatoni ta AABBO Waaqa fulla isani jirtani ch'ufati.
Guyya Sabato jabeesa, fulla iti na yaamatanile ulfeesa. Anini AABBO Waaqa.
Guyya jaa huji teesani tolfad'a, ammo guyya torbeeso boqod'a, aka loonifi harreeni teesanileeni boqotte, tisse teesanifi keessumaani teesanileeni boqottu.
Guyya torbeeso Waaqi huji ufii ch'ufa hobaamnaani boqote.
Guyya Sabato qaabad'u, qulqullo tolfad'u. Akuma anini AABBO Waaqi kanke siini jed'e,
Atini aada Sabato qulqullo worra barsiifte, hojattu tante Musani aadaafi Seera worraa kennite.
Bara suni anini worra Yuda ka guyya Sabato zabibu ch'ach'arase mid'aanifi daad'ifi zabibufi odafi waan d'ibile harreleti fae Yerusalemu geesu arge; duuba anini worra gorse waan jed'eeni, guyya Sabato woma ingurgurina.
Anini nama guyya Sabato jabeese guute, akasiini t'ureesu didu, ka waan hamtu tolchu didu, ineebisaafi.
Maneeni teesani keesale woma fuutani imbaatina, yokhaani guyya Sabatole huji tokole inhojatiina; ammo guyya Sabato qulqullo tolcha, akuma anini duri ababoota teesaniti hime.
Ammo AABBO Waaqi waan jed'u, yo isani seera kiyya guutani, guyya Sabato woma baatani fullo dira kanatini olseenu baatani, ammalle Sabato guyya qulqullo tolchitani guyya suni huji hojachu diddani;
AABBO Waaqi waan Musani jed'e,
Musani gumi worra Israeli ch'ufa wolti yaame waan jed'eeni, Wonti AABBO Waaqi tolcha isaniini jed'e tana.
Guyya toko ato worri Israeli lafa aloo keesa jiru, namicha toko ka guyya Sabato qoraani ch'absatu argani.
AABBO Waaqi waan jed'u, yo isani guyya Sabato aka guyya qulqullo hereddani huji teesani guyya suni tolchu diddani guyya kiyya qulqullo sunini dansa jettani ulfeesitani imaltufi hujifi haasaa woma imbaane guyya suni lakiftani,
Hojja duu infeene guyya Sabato wo baatani fullo Yerusalemutini oli inseenina.
Ammalle guyya Sabato guyya jila jaba tolcha, aka guyyaani kunini akheekha wold'aqisa nu woliini tolfanne tae, aka anini AABBO, Waaqa keesani, isani qaabsisu.
