Bahisa 19:17 - KITAABA WAAQA

¹⁷ Musani nama ch'ufa worra keesaa yaame gara Waaqa geese. Duuba worri golba gaara Sinai ejaanje.

Bahisa 19:17 Referans Kwoze

Qaabacha Seera 4:10

waan guyya isani AABBO Waaqa keesani gaara Sinaiti dura ejitani iti hima. Inni gaafasi waan naani jed'e, Biyya wolti baasi, anini worra waan anini jed'uuni d'agayu fed'a, aka worri waan anini jed'uuni kana barate, jabeese, ilmaani worrale aka isiini na sodaatu barsiisu.

Qaabacha Seera 5:5

Anini gaafasi jiddu teesanifi ta AABBO Waaqa eje, aka waan inni jed'u isaniti himu, waan isani ibida sodaatani gaara olkoru diddanifi. AABBO Waaqi waan jed'e,

Huji Ergattu 7:38

Inni sunuma ka gaafa gumiini Israeli lafa alo keesa jiruti malaika woliini gumi suni keesa jiru. Inni ababoota teennale woliini jira gaafa malaikaani gaara Sinai gubbati isani dubbate, ammalle isumati dubbi Waaqa ta jireenna nu barsiise.

Bahisa 19:13

Waan seera suni dabre gaara t'uqe, nama taanaani, hori taanaani, ka harkaani inqabanne gamati d'akhaani yokhaani t'iyaani ijeesani. Ammo yo magalata d'aani, nami ha gaarati d'iaatu.

Bahisa 19:16

Diirama guyya sadeeso baldooni dumansaa gaara ira mullatte, angaasu argani, mandisule d'agayani, ammalle magalata lalabani d'aani. Nami olla suni keesa jiru ch'ufti nahe hollate.

Bahisa 19:18

Aari gaara suni duuche, wonti akanatiifi AABBO Waaqi ibida keesa gaara suniti d'ufe, aari sunini aka aara boola faara iti gubani olbahe; jennaani gaari sunini aka jaba chochoe.

Lawi 9:5

Worri waan Musani kootani jed'eeni kaani ch'ufa Waaro Woyyuma duraani d'ufe, gumiini ch'ufti achiti wolti baate, AABBO Waaqa dura ejite.

Qaabacha Seera 4:11

Ilmaani teesani iti hima, aka isani duri d'at'ani hunda gaara aarii dumansa d'osse bobai ibida waaqati eje jala ejaanjitani.