Bahisa 15:15 - KITAABA WAAQA

¹⁵ Worri gugurdaani Edomuleeni imudame; worri gugurdaani Moabuleeni hollate; worri Kanaanileeni nahe waan tahu wollaale.

Bahisa 15:15 Referans Kwoze

Yoshua 5:1

Hayyooti Amori ch'ufti ta lafa Yordani ila adu jirtu, ammalle hayyooti Kanaani ta galaana d'aatu teetu, aka AABBO Waaqi galaana Yordani gosse, worri Israeli taake d'ageete jennaani maro gosa Israelitiifi aka taka inargini naate lubbuuni d'ufte.

Yoshua 2:11

Nu waan suni d'ageenne jennaani mudamne bisaani naqanne waan taanu wollaale maro teesanifi. AABBO Waaqi keesani Waaqa gubbafi lafale jiru.

Yoshua 2:9

Waan jetteeni, Anini imbeekha aka AABBO Waaqi lafa tana isanii kenne. Nami lafa tana keesa jiru ch'ufti ya isani sodaate mudame bisaani naqate waan tahu d'abe.

Qaabacha Seera 2:4

Duuba gaafasi dubbi tana worrati himi naani jed'e: Isani amma ya lafa gaareeni Edomu ta fago ta fiit'aani teesani ilmaani Esau keesa teetuti godaanu geetani.

Uumama 36:40

Gochiti Edomu tunini ch'ufti Esau iraa horte: Timna, Alva, Yethethi, Oholibama, Ela, Pinoni, Kenazi, Temani, Mibsari, Magdieli, Iramu. Ardaani gochiti tuni ch'ufti keesa teetu maqa worratiini beekhame.

Habakuki 3:7

Anini worra Kushani ka mudamefi worra Midianile ka hollate arge.

Nahumu 2:10

Ninawi yayu saamani balleesani ona tolchani! Lubbuuni nama d'ufte, onneeni namaa ch'ite, humniti namaa hollatte, fuulileeni namaa golgolaa.

Ezekieli 21:7

Yo worri si gaafate, Atini maafi teete waata sini jed'e, waan jettuuni, waan isaniti gadeematifi tae waad'a, jed'i. Gaafa wonti sunini worrati d'uftu, worri nahe holate, harki worra, iraa jige, lubbuuni worra d'ufte, jilbi worraleeni kakise wold'aa. Guyyaani ya ala hobae, kuno kana. Nami dubbi tana jed'e AABBO Waaqa gudda.

Isaya 19:1

Kunini d'aamsa waan lafa Misiri d'aamani. AABBO Waaqi hurrise dumansa gubba lafa Misiriti d'ufuu jira. Wonti harkaani boch'ani, ka worri Misiri kad'atu, isa durati holate, garaani worra Misirileeni isa durati laafa.

Isaya 13:7

Nama ch'ufa harki iraa bue, garaalleeni aka male laafa.

Faaru 68:2

Akuma aari lafaa kae baddu, innileeni worra balleesa; akuma ibidi haanch'aa bassu akasuma Waaqi ch'ubbicha balleesa.

2 Samueli 17:10

Duuba nami janni aka nyeench'aleeni insodaata wonti akanatiifi nami Israeli keesa jiru ch'ufti aka abbe nama duula jabaatifi ammalle askartini isaaleeni worra woraana jajaba beekha.

1 Samueli 14:16

Worri eeddo Saulo ka Gibea lafa Benjamini keesa jiru worra Filisti ka gara qajeele baqatu wollaale akanumati lafa maru arge.

Yoshua 14:8

Worri gaafasi na woliini yae worra kenna sodaachise, ammo anini garaa tokooni AABBO Waaqa kiyyaa saalfad'e.

Yoshua 2:24

Waan jed'aniini, D'uguma, AABBO Waaqi lafa tana ch'ufa ya harka keennati kenne. Maro teennafi worri achi jiru ch'ufti yaa mudame, waan tahu wollaale.

Qaabacha Seera 20:8

Ammalle worri gugurdaani askarti ha dubbate waan jed'uuni, Nami daafanaani wosodaatu isani keesa jira? Yo jiraate ha worra ufiti deebiuti. Yo inni deebiu baate, inni worra d'ibile garaa laafisa sodaachisa.

Uumama 36:15

Gochiti Esau iraa horte tana: angafi Esau, ka Elifazi jed'ani, abba gosa tana: Temani, Omari, Sefo, Kenazi,

Faaru 48:5

Ammo gaara suni arginaani mamani, sodaatani biraa baqatani.

Yeremia 49:23

Wonti Damaski, ka AABBO Waaqi jed'e tana: Nami dira Hamathitifi ka Arpadi keesa tau waan odu hamtu d'agayeefi ya mudame. Akuma d'awa bisaani, d'ind'isaani sodaani garaa worraa qabate, hafuura baafachu d'owarte.

Uumama 36:16

Kora, Gatamu ammalle Amaleki. Tunini ch'ufti d'aloota Esau, ta Adaani isaa d'alte.

Habakuki 3:6

Yo inni ejatu, lafti inchochooti; yo inni millatu, nami ch'ufti mudame hollata. Gaareeni haga jiru jireenna jirtu ya tarsaate; kubileeleeni haga duri jirtuleeni ya gallit'e, kubileeni duri inni ira deeme.