Amosi 6:6 - KITAABA WAAQA

⁶ Isani daad'i d'amelani d'uddani, d'ad'a urgaani ufi muudani, ammo badi ilmaani Yusufuti bohu diddani.

Amosi 6:6 Referans Kwoze

Uumama 49:22

Yusufuuni harre diidaa, ta madda d'aatu ejitu fakaata, inni bukhura sokhara gaara deemu.

1 Timotheo 5:23

Bisaani ch'alla ind'ugiini, ammo daad'i diqo toko d'ugi, aka isiini garaa kanke qarqaartu, maro atini hojja ch'ufa fayya d'abduufi.

1 Korintho 12:26

Yo mitaani toko d'ukubde, nafi ch'ufti ind'ukubsata; yo mita toko ulfeesani, nafi ch'ufti gammada argata.

Roomaa 12:15

Worra gammadu woliini gammada, worra bohu woliini boha.

Yohana 12:3

Jennaani Mariamuni kiila toko ka d'ad'a qayya dansa qabu, ka gati guddo, fuute miila Yeso dibde, rifeensa mata ufiitini iraa haat'e. Urgaani d'ad'a suni mana suni ch'ufa qabatte.

Amosi 2:8

Fulla sorio baasani iti kad'atani ch'ufati worri woya qabdo ta hiyyeesa iraa qabateeni rafe Mana Waaqa isaani keesa daad'i nama gati worraa qabu iraa d'uga.

Hosea 3:1

AABBO Waaqi waan naani jed'e, Ammalle beeni, niiti daru ta nama d'ibi jaalatu, jaalad'u. Akuma anini worra Israeli, ato worri naraa gore waaqa d'ibi mid'aani zabibu baaseefi kad'atele jaalad'e, atileeni isi akasuma jaalad'i.

Ezekieli 9:4

Beeni, dira Yerusalemu kana ch'ufa keesa deemi, nama waan hamtu dira kana keesati tolchani ch'ufaa jed'e laalefate bohu, adda isaani beesisa ira kayi.

Yeremia 30:7

Guyyaani hamaani d'ufuu jira, ka nami takaa arge ind'agayini — guyya gumiini tiyya ta Yakobo gaargaltu, ammo ha taatu worri inuma baha.

Esta 3:15

Jecha hayyuu gula dubbi tana dira Shushani keesati odeesani, worri miila sasabla orie, arda ch'ufaani gahe. Duuba hayyufi Haminiini tatani farso woliini d'ugani, ammo nami dira Shushani ch'ufti nahe waan tahu wollaale.

2 Hayyoota 15:29

Gaafa Pekani lafa Israeli mohate, Tiglath-Pilesarini, hayyuuni Ashuru, dira Iyoni fa, ka Abel-Bethi Maakafa, Yanoafa, Kedeshifa, Hazurifa ammalle lafa Gileaditifi ta Galilayatifi ta Naftalile had'e dabsate, worra lafa suni ch'ufa boojie, lafa Ashuruti galche.

Isaya 5:12

Hojja jila tolfatani, isani, kiraariifi dibbeefi fulludo d'ooftani — daad'ile d'uddani. Ammo isani waan AABBO Waaqi tolchu womatu indaartani,

Amosi 4:1

Isani nad'eeni Samaria gagabbo aka haawicha Bashani, ta nama lalaafa dabsite hiyyeeyi gaargalchitu, ta d'iirsoota ufii yaamte, Faarso nuu keenna jettuuni, dubbi tana ch'aqasa.

Isaya 28:1

Worri lafa Efraimu ke tau ya bade! Guddinni worraa, akuma daraara mata jaarole worraa ira kayani ta Farso d'udde machoofte baddu, baduu jira. Mata worraa d'ad'a urgaa dibani ammo worri achi machiini hobae ufumaa ch'iisa.