Amosi 6:2 - KITAABA WAAQA

² Dira Kalne d'aqa, ilaala; duuba arti yaa, dira Hamathi gudda d'aqa; ammalle arti yaa, dira Gathi, ka lafa Filisti keesa jirule, d'aqa. Worri suni worra Yudatifi ka Israeli kana ira jajaba? Lafti worraa lafa teesani ira guddo?

Amosi 6:2 Referans Kwoze

Nahumu 3:8

Ninawi, atini dira Misiri ka Thebe jed'ani ira jirta? Innileeni galaana ufii d'aatu qaba, ka aka naabo isa marsu, ka galaana Nile jed'ani.

2 Hayyoota 18:34

Waaqi Hamathitifi ka Arpadi me re? Waaqi Sefarvaimutifi ka Henatifi ka Iva me? Waaqi suni tokoleeni ya Samaria harka kiyya jalaa baase?

Uumama 10:10

Gaafa qara lafti inni fide Babiloni, Ereku, Akadi, Kalne, lafa Shinari keesa.

2 Odu duri 26:6

Uziani kae duula d'aqe worra Filisti had'e, naabo d'akha ta dira Gathitifi Yamniatifi Ashdodi ch'abse, dira jajaba d'ibi d'aatu Ashdoditifi lafa Filisti keesa fulla d'ibileti jaare.

1 Samueli 17:4

Namichi janni guddaani toko, ka Goliathi jed'ani, ka worri isa dira Gathi jiru, olla Filistiti gad'ufe. D'eerinni isaa d'und'uma jaafi taaku toko;

2 Hayyoota 19:13

Hayyooti Hamathi, ta Arpadi, ta Sefarvaimu, ta Henatifi ta Ivaleeni ama me?

2 Hayyoota 17:30

Worri Babiloni akheekha waaqa Sukoth-Benothi mid'aafate; worri Kutha ka Nergali mid'aafate; worri Hamathi ka Ashima mid'aafate;

2 Hayyoota 17:24

Hayyuuni Ashuru worra dira Babilonitifi Kuthatifi Avatifi Hamathifiti Sefarvaimu fuud'e, dira Samaria keesati qubsise, fulla qara worri Israeli ka boojiani jiru. Worri dira suni ch'ufa fud'ate keesa tae.

1 Hayyoota 8:65

Duuba achiti, fulla Mana Waaqa suniti, Solomonifi worri Israeli ch'ufti guyya torba jila hoosa tolfatani. Nami kaarra Hamathi ta mirgale ch'ufa d'ufe, ammalle bitaa gara seera lafa Misirile ch'ufa d'ufe, artiti nami ch'ufti wolti d'ufe lafa ira dabre.

1 Samueli 17:23

Ato inni tae worraani woliini haasau, Goliathini namichi jabaani Filisti kaani, askarti isaani keesa gad'ufe, akuma qara kaani worra Israeli kaani ch'ompifate, ka Daudini d'agayu.

1 Samueli 5:8

Jennaani nama ergani hayyoota shanani ta worra Filisti wolti gadi yaamani, Sanduqa Wold'aqisa ka Waaqa Israeli maani tolchina? jed'ani gaafatani. Worri waan jed'eeni Gathiti geesa. Jennaani worri Gathiti geesa.

Yeremia 49:23

Wonti Damaski, ka AABBO Waaqi jed'e tana: Nami dira Hamathitifi ka Arpadi keesa tau waan odu hamtu d'agayeefi ya mudame. Akuma d'awa bisaani, d'ind'isaani sodaani garaa worraa qabate, hafuura baafachu d'owarte.

1 Samueli 5:10

Jennaani worri Sanduqa Wold'aqisa ufira dira Filisti d'ibi, ka Ekroni jed'aniti geese, ammo inni achini bahe jennaani biyyiti boote iyyite waan jette, Worri kunini ya Sanduqa Wold'aqisa Waaqa Israeli armaani d'ufe, aka nuufi nama keennale ch'ufa hobaasu.

2 Samueli 8:9

Hayyu Toini, ka lafa Hamathi aka Daudini askarti lafa Hadadezeri ch'ufa dabsate d'agae.