Amosi 5:15 - KITAABA WAAQA

¹⁵ Waan hamtu jibba, waan dansa jaalad'a, fulla gaadisa korati d'uga jabeesa. Hegeri AABBO Waaqi worra gosa Yusufu, ka armati hafe, innahaafi.

Amosi 5:15 Referans Kwoze

Roomaa 12:9

Jaalalti ha waan d'ugaa taatuuti. Waan hamtu jibba, waan dansa jabeesa.

3 Yohona 1:11

Jaala kiyya, waan hamtu gula indeemini, ammo waan dansa gula deemi. Nami waan dansa tolchu ch'ufti ka Waaqaati; ka waan hamtu tolchu Waaqa ingarre.

Yoeli 2:14

Hegeri AABBO Waaqi keesani garagale, isani eebise mid'aani guddo isanii keenna. Duuba isani mid'aanifi daad'i isaa baaftani.

Faaru 97:10

AABBO Waaqi nama waan hamtu jibbu injaalata; inni lubbu gumi isaa jabeese qorqorate, harka worra ch'ubbuu jalaa baasa.

Roomaa 8:7

Tanaafi nami waan nafa heregu nyaapa Waaqaa taha; inni Seera Waaqa inguutu, guutule indandau.

Mika 5:3

Tanaafi AABBO Waaqi gumi ufii harka nyaapa worraati lakisa, haga isiini dau geete ilma deetuuti. Jennaani worra gosa isaa ka boojiani worra isaani ka Israeliti deebisani.

Bahisa 32:30

Boriyya diirama Musani waan biyyaani jed'e, Isani yayu ch'ubbu hamtu tolchitani. Ammo anini ammalle gaara kore gara AABBO Waaqa d'aqa; hegeri araarama dabafi ch'ubbu teesani iraa argad'afa.

Yona 3:9

Hegeri Waaqi herega ufii jijire, dallansu ufii hamtu galfate badu nu d'owa fa!

Amosi 5:24

Fulla sirba suni, d'ugaani ha aka lola yaatu, qajeelumtileeni ha aka galaani hojja ch'ufa yau yaatu.

Faaru 36:4

Inni hojja sire gubba ch'iisule waan hamtu malata; wonti inni tolchu tokoleeni dansaaniti, inni waan hamtu tokole indidu.

1 Hayyoota 20:31

Hojattuuni isaa gara isaa d'at'e waan jetteeni, Me ilaali, hayyooti Israeli naasu qabdi d'ageenne, tanaafi nu woya ch'arqi naqanne, haada mormati mamaranne gara isaa d'anna, gaafiini inni lubbu si baasafa.

Roomaa 7:22

Garaa kiyya keesati Seeri Waaqa na gammachiisa.

Mika 2:12

Ammo anini, ee Yakobo, isani worra Israeli ka hafe wolti yaama. Anini aka ree moonati galchani wolti isani galcha. Yokhaani aka ree wolti baate d'eedu, nami deebie lafa teesani akuma duri kaani guuta.

Amosi 6:12

Fardi bule ira ingulufa? Galaana qotiyoni inqotani? Hiyo! Ammo isani ya d'uga garagalchitani had'aa tolchitani, ammalle qajeeluma balleesitani daba tolchitani.

Amosi 5:10

Isani nama fulla gaadisati d'uga dubbatu injibbitani, nama waan ch'ufa keesa d'uga gadi baasu imfeetani.

Amosi 5:6

AABBO Waaqa barbaada, injiraattani. Yo isani barbaadu baatani, inni aka ibida worra Yusufuti d'ufe guba. Ibidi suni worra Betheli gube, nama d'aamfule d'abani.

Yeremia 31:7

AABBO Waaqi waan jed'u, Maro Yakobotiifi gammadani sirba, maro gosa gosa ch'ufa ira guddotifi lalaba, faaru teesani d'aad'a. AABBO Waaqi ya gumi ufi baase, nama hafele ch'ufa ya baase jed'a.

Faaru 119:104

Anini qarooma seera kanke ira argad'e, tanaafi waan hamtu ch'ufa jibba.

Faaru 37:27

Waan hamtu ira deebii, waan dansa tolchi, duuba akanaani d'alooti kanke haga jiru jireenna lafa tana keesa taa;

Faaru 34:14

ch'ubbu ira deebii, waan dansaa tolchi; garaa kanke ch'ufaani nagaya barbaadi.

2 Hayyoota 19:4

Hayyuuni Ashuru yayu namicha gudda hojattu isaa, Waaqa gudda arabsi jed'e erge. AABBO Waaqi kanke ha araba kana d'agaye worra isa arabsu kana gaargalchuti. Tanaafi atini amma worra keenna ka hafu Waaqa kad'ad'i.

2 Hayyoota 15:29

Gaafa Pekani lafa Israeli mohate, Tiglath-Pilesarini, hayyuuni Ashuru, dira Iyoni fa, ka Abel-Bethi Maakafa, Yanoafa, Kedeshifa, Hazurifa ammalle lafa Gileaditifi ta Galilayatifi ta Naftalile had'e dabsate, worra lafa suni ch'ufa boojie, lafa Ashuruti galche.

2 Hayyoota 13:7

Yehoahazini askarti shantama ta fardatifi gaari kud'anifi askarti miilaani yaatu ta kuma kud'ani male askarti d'ibi inqabu; wonti akanatiifi askarti taani ch'ufa worra Shamuti hobaase d'ukeese ira ejaanjate.

2 Samueli 16:12

Hegeri AABBO Waaqi gaargale kiyya arge fulla abaarsa isaa kana na eebisa.

Faaru 80:1

Ee tissitu Israeli, nu d'agayi; ee atini ka gumi tante tissitu, nu ch'aqasi. Atini ka waan lubbu qaba ka koola gubbaa barch'uma kanke ira teetu,

Danieli 2:49

Kad'acha Danieli gula, hayyichi huji lafa Babiloni ch'ufa harka Shadrakafi Meshekifi Abednego kenne; ammo Danieli hayyuma birati hafe.

Amosi 7:3

AABBO Waaqi herega isaa garagalfate waan jed'e, Wonti atini agarte sunini intaatu.

Yona 1:6

Jennaani namichi huji hobolo suni ch'ufa harkaa qabu d'ufe, artiti isa arge waan jed'eeni, Isii abbo, atini maafi ufumaa rafta? Kai, waaqa kanke yaamad'i, hegeri inni nuu nahe lubbu nu baasa.

Sefania 2:3

AABBO Waaqa barbaada, isani worri balchichi, ka seera isaa guutu. Waan qajeela barbaada, AABBO Waaqa durati ufi balchoomsa. Hegeri guyya dallansu AABBO Waaqa duraa baatanifa.

Malaki 3:18

Ammalle nama d'ugaafi ka d'ara, ka Waaqaa hojatufi ka inhojannele, gargari beekhani.

Yeremia 18:8

ammo yo duuba gochiti sunini eege Hameenna ufi iraa deebite, anini waan qara intolche jed'e illakisa.

Yeremia 22:3

Wonti AABBO Waaqi jed'u tana, waan d'ugaatifi ka qajeela tolcha; nama dabsani harka nama dabsu jalaa baasa. Nama gosa d'ibitifi hiyyeeyifi nad'eeni hiyyeeyile gaargalchitani indabsina; ammalle fulla qulqullo tanati nama woma iyyakini infit'ina.

Ezekieli 45:9

AABBO Waaqi guddaani waan jed'e, Hayyoota Israeli, isani bara heddu ch'ubbu tolchitani! Ule isani nama d'aantanifi daba isani nama dabsatani suni lakisa. Waan d'ugaatifi ka qajeela tolcha. Deebitani gumi tiyya lafa isaani keesaa ingussina, nami dubbi tana isaniini jechu jiru ana, AABBO Waaqa gudda.

Mika 3:2

ammo waan dansa jibbitani hamtu jaalattani. Isani worra kiyya jira goga iraa qaltani fooni lafe iraa ch'irtani.