Amosi 1:6 - KITAABA WAAQA

⁶ AABBO Waaqi waan jed'u, Worri Gaza ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi worri gosa toko ch'ufa, haguma geetunu boojie, worra Edomuti aka tisse gurgure.

Amosi 1:6 Referans Kwoze

Amosi 1:11

AABBO Waaqi waan jed'u, Worri Edomu ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi worri oboleyaani isaani ta Israeli naasu d'abeefi woraanaani reebe. Dallansuuni worraa haga inqabdu, iraale ingaltu.

2 Odu duri 28:18

Gaafasi worri gosa Filisti dira golba gaareeni ilaadu jirufi ammalle dira Yuda bita jiru had'u jira. Worri dira Beth-Shemeshifa, Ayaloni fa, Gerothifa, Soko fa, Timna fa, Gimzo fa, ollowaani dira suni woliini, dabsate qabe, dira suni keesa qubate.

Obadia 1:11

Guyya atini koba ufi d'aabde, ka nyaapi d'ufe waan inni qabu ch'ufa fud'ate, ka ammalle sidiini fullo isaatini seente dira Yerusalemu fud'ate qoodate, atileeni worruma suni fakaatte.

Amosi 1:9

AABBO Waaqi waan jed'u, Worri Tiro ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi worri gosa toko, ta qara wold'aqani oboleesa woli taani, dabse harka worra Edomu ka nyaapa worrati kenne.

1 Samueli 6:17

Worri Filisti d'ulla worqi shanani kaani AABBO Waaqa erge, aka akasiini gati daba worraa baasani; d'ulla suni shanani dira kana shaniti erge — Ashdodi, Gaza, Ashkeloni, Gathi, Ekroni.

Yoeli 3:6

Isani ya worra Yudatifi ka Yerusalemule fageesitani gosa Grikiti gurgurtani.

Ezekieli 35:5

Isani haguma duriti nyaapuma Israeliti, ammalle nama isi harka nama woraanaani nama fit'uti lakiftani, guyya maro ch'ubbu isiitiifi worra balleesani.

Zekaria 9:5

Diri Ashkeloni waan kana arge sodaata, diri Gazaleeni arge iraa laalefata. Ekronileeni akasuma laalefate, abdiini isaa baddi. Gazaani hayyu ufii d'abe, Ashkelonileeni ona taha.

Amosi 1:3

AABBO Waaqi waan jed'u, Worri Damaski ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi worri worra Gileadi dabse, sibiilani lafati rige balleese, akuma mid'aani biila d'aanani.

Yeremia 47:1

Ato hayyuuni Misiri dira Gaza had'e imballeesini, AABBO Waaqi waan Filistia tolchani nati hime,

Huji Ergattu 8:26

Malaikaani Aabbo Filipoti dubbate waan jetteeni, kai bita deemi fulla kara Yerusalemu bahe Gaza d'aqu (karaani sunini amma injiru).

Yoeli 3:4

Maal naraa feetani worra Tirotiifi ka Sidonitiifi ka arda Filisti? Haalo na baafachu feetani? Yo isani haalo baafachu feetani, anini maro tokotu arrifad'e haalo isani baafad'a!

Amosi 1:7

Tanaafi anini amma ibida dira worraa keesa buuse, ibida suniini maneeni jajabdu ta dira suni ch'ufa guba.