Abba herega 4:1 - KITAABA WAAQA

¹ Jennaani anini laale, aka lafa tana keesa nami dabsani, ka nama qarqaaru inqamne tae bohu, arge. Nami tokoleeni worra inqarqaare, waan nami worraa dabsu suni irre worra ira qabuufi.

Abba herega 4:1 Referans Kwoze

Abba herega 3:16

Tana malele, lafa tana keesati anini waan ch'ubbu fulla d'ugaafi qajeelumti jiraachu malteti arge.

Abba herega 5:8

Hojja atini lafa toko keesati hiyyeesa dabsani d'ugaafi qajeeluma d'owani argite, imamiini. Nama gudda ch'ufa nama isa ira jiruti tissa, ammo worra lachule nama worra ira jiruti tissa.

Isaya 5:7

Worri Israeli oobru zabibu AABBO Waaqa guddati. Worri Yudaleeni mukha zabibu ka inni oobrate. Inni d'uga worra ira barbaade, ammo d'iiga jissani ch'alla irati arge. Inni qajeeluma worra ira barbaade ammo boha laalala ch'alla d'agaye.

Yakobo 5:4

Isani worra oobru isanii hojatu hori imbaamne. Aka worri isani himatu ch'aqasa! Booti worra mid'aani keesani galchu, la gurra Waaqa Aabbo gudda geete!

Matayo 26:56

Ammo wonti kunini ch'ufti aka wonti raagi jed'e, guutamtufi taate. Jennaani jari isaa ch'ufti isa lakise baqate.

Malaki 3:5

AABBO Waaqi Guddaani waan jed'u, Anini qorsumafi isaniti d'ufa, ammalle anini maruma toko worra falfala tolchu taanaani, d'iirafi nad'eeni aada male wolti yaatu taanaani, nama d'ara d'ugeesu taataanaani, ch'ubbicha nama hojattu isaati hori baasu didu taanaani, nama haad'a hiyyeesatiifi hiyyeeyi dabsu taanaani, nama keessuma ulfeesu didu taanaani, ammalle nama ch'ufa ka na insodaanne, d'uga intahuufi.

Boha 1:9

T'urini isi iti marate, ammo isiini waan iti deemtu iyyaalle. Isiini gaafa jidde aka hama lafa d'oofte; nami tokoleeni ka iraa hafi jed'eeni injiru. Nyaapi yayu isi dabsate, duuba isiini naasu AABBO Waaqaati booti.

Boha 1:2

Halkani ch'ufa boote, imimaani boqo ira yaani. Jaallowaani duri isiini qabdu ta d'ufte. Iraa hafi jettuuni tokoleeni injirtu. Golini isi ch'ufti yayu iti gargalte nyaapa iti taate.

Isaya 51:23

Anini muduunu suni worra isani dabse kara keesa isani ch'iifsise, aka awaara isani ira ejaanjate kenna.

Faaru 42:9

Anini waan Waaqa jaba na qorqoratuni jed'u, Atini maanifi na deete? Anini maanifi maro nyaapi na dabsufi akana tae boha?

Faaru 42:3

Anini halkani guyya bohe, imimaani kiyya ch'alla soorad'a, ka nyaapi kiyya hojja ch'ufa na gaafate, Waaqi kanke me? nani jed'u.

Faaru 12:5

AABBO Waaqi waan jed'u, waan hiyyeesa dabsani, d'ipatani tae ouufi, anini amma d'ufe qarqaarsa worri fed'u kennaafi.

Aayubu 35:9

Nami Hojja dabsani iniyya; worri iyye nyaapa dura nu baasa namaani jed'a.

Isaya 59:7

Isani hojja ch'ufa hameenna malattani waan suni harifatani tolchu feetani. Isani nama woma iyyakini d'iiga jissitani, fulla yaatani ch'ufati nama gaargalchitani balleesitani.

Malaki 3:18

Ammalle nama d'ugaafi ka d'ara, ka Waaqaa hojatufi ka inhojannele, gargari beekhani.

Malaki 2:13

Wonti d'ibiini isani tolchitani tana. Fulla sorio AABBO Waaqa iti baasani deemtani waatani imimaani bootani, wonti akanatiifi inni waan isani baaftanifi deebie imfud'atu.

Abba herega 7:7

Qarooni nama sobu daalle fakaata; ammalle gumbo nyaachitiini gurra nama balleesiti.

Mammaasa 28:3

Nami nama mohatu, ka hiyyeesa dabsu, bokaya tamna ka mid'aani balleesu fakaata.

Faaru 142:4

Hojja anini ufi bira millad'u, nama na qarqaare na qorqoratu inargu. Nami tokoleeni waan kiyya iyyaalu.

Faaru 80:5

Atini yayu laalefacha aka sagale nu soorachiifte, imimaani muduunu guute nu obaafte.

Faaru 69:20

Arabi na arabsani ya garaa na yake ufi na jibbaachise. Anini nama naa nahe, garaa na jabeese na kibu, barbaade d'abe,

Aayubu 16:4

Yo sila anini aka keesani jiraad'e, isanileeni aka kiyya kana jiraattani, anini waan isani jettani kana inuma jed'a. Anini sila mata isaniti irbe waan heddu isaniti haasaa.

Aayubu 6:29

Dubbini teesani ya naa geete, deebitani na indabsina, lakisa. Anini d'uga qaba, wollaala nati imurina.

Jaallaboota 4:3

Yabinini gaari sibiila d'ibba sagali qaba, duuba inni worra Israeli ganna diddama dabse, naasu male mohate. Jennaani worri Israeli AABBO Waaqati bohe qarqaarsa kad'ate.

Qaabacha Seera 28:48

Isani nyaapa keesani ka AABBO Waaqi isaniti ergu, qullafi beelafi d'eebuuni hojattani, waan ch'ufa d'abdani. Ammalle qaampara sibiila isaniti kayani, isani balleesani.

Qaabacha Seera 28:33

Gosa isani imbeenneti mid'aani isanii iti gaargaltani qotattani isani iraa saame nyaata, ka nami hojja ch'ufa isani dabse aka hama isani gaargalchu.

Bahisa 1:22

Jennaani Faraoni waan gosa isaatini jed'e, Ilma d'iira ka Ebrania ka d'alatu ch'ufa galaana Nile keesa buusa, ammo dubarti ha guddattuti, lakisa.

Bahisa 1:16

Hojja nad'eeni Ebrania deesiftani, aka daimi dubrafi d'iira gargari hubad'a; yo d'iira taate ijeesa, ammo dubra yalabaha.

Mammaasa 19:7

Hiyyeesa oboleyaani isaleeni infeetu, jaalani isaleeni hagasi ira jibbiti. Inni ato waan fed'u tahele jaalani inargatu.

Abba herega 8:9

Anini gaafa waan lafa tana irati tolchani herege, wonti anini arge, nama gari ka jabeenna qabuufi nama gari ka worra suni jalati gaargalu arge.

Yeremia 16:7

Nami tokoleeni ka deeme, nama nami iraa due d'aqe, sagale woliini nyaate lubbu iraa hambisu injiru. Nami tokoleeni ka woli nahu injiru, ato abbaafi haati namaa dootele.

Boha 1:16

Tanaafi imimaani ila na guutani. Nami garaa na jabeese ira na hambisu tokoleeni injiru. Nyaapi yayu na had'e, wonti toko ka worra kiyyaa hafe injirtu.

Aayubu 9:24

Waaqi lafa harka worra ch'ubbuti kenne nama wo qoru ch'ufa balla tolche. Yo isa intahiini eenuti tolche re?

Faaru 69:21

Gaafa anini beela qabu had'aa na nyaachisani; gaafa anini d'eebu qabu waan kurooftu na obaasani.

Faaru 142:5

Ee AABBO Waaqa, anini siti boha, atini fulla anini iti baqad'u; wonti anini lafa tana irati fed'uleeni siuma.

Mammaasa 29:2

Hojja nami d'ugaa lafa mohatu nami ingammada, ammo yo ch'ubbichi lafa mohatu nami gaargale gunguma.

Boha 1:17

Anini kad'aa harka oliqabad'e nama na qarqaaru d'abe. AABBO Waaqi garuma ch'ufani ya nyaapa nati bane, aka waan t'urae badeti na heregani.

Amosi 3:9

Dubbi tana worra maneeni hayyu Misiritiifi hayyu Ashdodi keesa jiruti hima: Gaareeni dira Samaria marsituti wolti koota, gohanna waan hamtutiifi hameenna achiti tolchani dawaad'a.

Amosi 3:10

AABBO Waaqi waan jed'u, Worri kunini waan dabsani nama saamani iraa guurataniini maneeni worraa guuta. Worri d'uga beekhe gula indeemu.