Aayubu 11:19 - KITAABA WAAQA

¹⁹ Bultiini tante soda womatu inqabdu, nami hedduleeni qarqaarsa si kad'ata.

Aayubu 11:19 Referans Kwoze

Isaya 60:14

Duuba ilmaani worra qara si dabse taani d'ufte si dura gajejette si guddifte, worri duri si tufate kaani miilati jige si kad'ata. Duuba dira AABBO Waaqa, Sioni, dira Waaqa qulqullo Israeli siini jed'ani.

Faaru 45:12

Worri dira Tiro woini sii d'ufa, aka si naasifatu.

Mudhii Yohaannisii 3:9

Ch'aqasi! Gumi Sheet'ana ta kiyyibde gosa Yahudi ufiini jettu suni, anini si durati jisse, aka worri si guddisu tolcha. Worri ch'ufti aka anini si jaalad'u imbeekha

Isaya 45:14

AABBO Waaqi waan Israeliini jed'u, Horiini lafa Misiritiifi ka lafa Kushi keesani tahe, worri d'ed'eeraani lafa Seba tisse isanii taha: worri suni ka sansalatani hid'aani isani gula yaa. Worri isani durati jilbifate waan jed'u, D'uguma Waaqi isani woliini jira, isa male waaqi d'ibiini injiru.

Mammaasa 19:6

Nami ch'ufti nama guddinna qabu sosobe durati ufi mid'aase akasiini naasifata; nami ch'ufti jaala nama namaa nahu tau fed'a.

Lawi 26:6

Anini lafa teesani nagaya tolche soda male gach'iiftani bultani bineensa hama lafa teesani keesaa baase woraanale balleesa.

Aayubu 11:18

Waan atini abdi guddo qabdufi, soda male nagayaani teeta. Waaqi si qorqorate hafuura sii baasa.

Faaru 4:8

Hojja anini gach'iisu anini nagayaani bula. Siuma ch'allati, ee AABBO Waaqa, nagayaani na oolcha.

Faaru 127:2

Aki nami huji sagale ira argatu jed'e ganama lafaa kae ammalle halkanile ture rafu woma imbahufi. Wonti akanatiifi AABBO Waaqi nama jaalatu, ato inni rafu liqimsa kennaafi.

Mammaasa 3:24

Yo hiribaa deebite woma insodaattu, yo raftule indamat'u.

Isaya 17:2

Dira lafa Shamu haga jiru jireenna nami keesa intau diri suni fulla loonifi reeni ooltu ta nami tokoleeni ka keesaa oofu injirre taha.

Mika 4:4

Nami ch'ufti oobru ufii keesa, mukha zabibutifi ka oda jala, soda male nagayaani taa. Nami dubbi tana jed'e AABBO Waaqa Gudda.

Sefania 3:13

Nami lafa Israeli keesati hafe waan hamtu nama intolchu, d'arale dubbate nama insobu. Worri, ka woma insodaanne, marrafi bisaani aka dansaa soorate quufa.

2 Odu duri 20:30

Duuba akanaani Yehoshefathini nagayaani lafa mohate, Waaqileeni nyaapa isaa ch'ufa ira d'owe.

Ezekieli 34:28

Gochiti Waaqa imbeenneleeni itumaa deebite worra haate insaamtu, ammalle bineensi alaalleni itumaa deebie worra nyaate infit'u. Worri nagayumani taa, nami deebie worra mudamsiisu injiru.