2 Samueli 5:2 - KITAABA WAAQA

² Duri gaafa Sauloni hayyu keennale atini worra Israelitini duulte, AABBO Waaqileeni atini gumi tiyya dura deemte hayyu iti tata sini jed'e.

2 Samueli 5:2 Referans Kwoze

Matayo 2:6

Ee Bethlehemu, ta lafa Yuda keesa, atini maand'aniti hayyoota Yuda keesa; si keesaa nama gosa tiyya Israeli fiduti baha.

Mika 5:4

Inni gaafa d'ufu jabeenna AABBO Waaqatifi guddinna isaatiini gumi ufii tissa. Gumiini isaaleeni nagayaani teeti, waan nami lafa keesa jiru ch'ufti guddinna isaa beekhuufi;

Ezekieli 34:23

Anini hayyu aka hojatu tiyya Daudi jiru worraa kenna, ka tisse worra qorqoratu.

Yohana 10:11

Anini tissitu dansa. Tissituuni dansaani jireenna ufi maro hooliyetiifi baafti.

2 Samueli 7:7

Anini haga worra Israeli woliini godaanu taka nama worra Israelitini deemu tokole, maafi mana hind'eesani jarani na injaarini? jed'e ingaafanne.

Isaya 40:11

Inni aka tissituuni hori tissitu gumi ufi tissu jira; ammalle ilmoole wolti guure hampaare qomati qabata, hawani isiile laanuma bobaasa.

1 Samueli 25:30

Ammalle hojja AABBO Waaqi waan dansa ch'ufa ka inni sii kakhate guute hayyu Israeli si tolche,

Isaya 55:4

Anini hayyufi abba duula isa tolche, irre tiyya isaani worra garsiise.

1 Samueli 18:13

Tanaafi Sauloni Daudi ufi biraa baase gudda askarti kuma toko tolche. Daudini askarti isa duulani d'aqe,

1 Samueli 16:1

AABBO Waaqi waan Samuelini jed'e, Atini haga yoomi Saulo boota? Eegi anini aka inni hayyu Israeli tahu dide. Amma tana buuda kanke d'ad'a iti naqi, Bethlehemu mana namicha Yese jed'ani d'aqi. Anini ilma isaa toko yayu fohad'e, aka inni hayyu tahu.

Ebrania 2:10

Aki Waaqi, ka waan ch'ufa uume qorqoratu, gaargala Yesoni argateeni isa qit'oomsu fullaa, aka ilmaani heddu guddinna isaa qoodachiisu. Wonti akanatiifi nami worra dura deeme baafama worraa kennu Yeso.

1 Samueli 18:16

Ammo nami Israelifi Yuda keesa jiru ch'ufti Daudi jaalate, waan inni nama dansa nama dura deemu tahe waan ch'ufa dabsateefi.

1 Samueli 18:5

Hojja Sauloni Daudi huji ergu ch'ufa Daudini erga suni aka dansaa guute, tanaafi Sauloni gudda askarti isa tolche dubbini tunini gumifi worra gugurda askartile gammachiifte.

Henna 27:17

abbaa duula iti tahu tolchiifi, aka gumiini tante hooliya tissitu inqamne intaane.

1 Samueli 25:28

Ammalle aabbo kiyya, wollaala anini tolche ch'ufa biraa naa deemi. AABBO Waaqi siifi d'aloota kanke hayyu tolcha, waan atini maqa isaatini nyaapa isaa ch'ufa dabsatteefi, atini haga jirtu waan hamtule intolchitu.

1 Samueli 13:14

Ammo amma tana atini dura deemte worra infiddu. Waan atini AABBO Waaqa seera isa gula deemu diddeefi, inni nama garaani isaa jaalatu barbaade, hayyu worra isaa tolcha.

1 Samueli 9:16

Bori hojja tana anini nama gosa Benjamini siti erga; Duuba atini isaa muudi, hayyu worra kiyya ka Israeli tolchi, isati worra kiyya harka worra Filisti keesaa baasa. Anini yayu gaargala worra kiyya arge boha worrale d'agaye.

2 Hayyoota 20:5

Deebii, waan Hezekia gudda gumi tiyyaatini jettu, Anini, AABBO Waaqi, Waaqi ababo kanke Daudi, yayu kad'acha tante d'agaye imimaani kanke arge. Anini si fayyise guyya sadeeso atini Mana Waaqa d'at'a.

Uumama 49:24

Ammo guubeeni isaa inchochoone, harki isaaleeni jabeenna qaba, ka Waaqi Guddaani ka Yakobo kenneefi, yokhaani ka Tissaani Jabaani Israeli tolcheefi.

1 Odu duri 11:2

Duri gaafa Sauloni hayyu keennale, atini worra Israelitini duulte; AABBO Waaqi kankeleeni atini gumi tiyya dura deemte, hayyu iti taata sini jed'e.

2 Odu duri 1:10

tanaafi amma qalbiifi beekha anini gumi tante tanaani fidu naa kenni. Yo atini qalbi naa inkenini anini akami dandae gumi tana fida?

2 Samueli 6:21

Daudini waan jed'eeni, Anini AABBO Waaqa ka abbeetifi worra keesani lakise na fohate gudda worra Israeli na tolche durati sirbu jira. Ammalle akuma kana deebie isa durati sirbe,

2 Samueli 7:8

Duuba waan hojatu tiyya Daudini jettu, Anini, AABBO Waaqi guddaani, akana sini jed'a, Anini hooliye atini tissitu keesa si fuud'e hayyu worra Israeli si tolche.