2Tasaloonqe 2:16 - KITAABA WAAQA

¹⁶ Aabbo Yeso Kristofi Waaqi Abba keenna, ka nu jaalate eeba ufitiifi jannooma hegerifi abdi dansa nuu kenne,

2Tasaloonqe 2:16 Referans Kwoze

Yohana 3:16

Wonti akanatiifi Waaqi guddo lafa jaalate, tanaafi Ilma ufi tokocha namaa kenne, aka nami isa d'ugefatu tokoleeni imbanne, ammo jireenna hegeri argatu.

Tiitoo 1:2

ta jireenna hegeri abdattu barsiiftu worra barsiisu. Waaqi, ka d'ara indubbanne, ya jireenna kana duru nuu kakhate,

1Tasaloonqe 3:11

Waaqa Abba keennafi Aabbo Yesoni kara nu hariinna, aka nu gara keesani d'umnu!

Mudhii Yohaannisii 1:5

Yeso Kristoni, d'ugaani d'ugefatani, Ilmi angafa ka duisa keesaa kaasani, ka hayyu hayyoota lafa tana, eebafi nagaya isani kenninna. Inni nu jaalata, ammalle d'iiga ufitiini daba keesaa nu baase,

Kolosai 1:23

Tanaafi isanileeni d'ugefacha keesa jabaattani dura yau maltani, aka yayaba Oduuni Dansaani isanii kennite iraa inchochoone, ammalle aka abdi gaafa Odu Dansa d'ageetani argattani iraa ingorre. Oduuni Dansaani ta nama lafa ch'ufati odeesani tana; anini Pauloleeni ya hojattu isii tahe.

Efessoon 5:25

D'iirsole, akuma Kristoni gumi ufi jaalate nafa ufi kenneefi, isanileeni akasuma nad'eeni teesani jaaladlad'a.

Efessoon 5:2

Jaalala keesa yaa, akuma Kristoni nu jaalate jireenna ufii nuu baase, sorio dansa fooleeni isii Waaqa gammachiiftu nuu tahe.

Roomaa 5:8

Ammo Waaqi ya jaalala ufi nu agarsiise; ato nu daba keesa jirru Kristoni nuu jed'e due!

Roomaa 4:16

Wonti kakhuuni d'ugefacha qabaachu malteefi, aka kakhuuni suni tola taate, ilmaani Abrahamu ch'ufa geetu, ilmaani seera guutu ch'allaaniti ammo ta aka Abrahamuuni d'ugefate d'ugefatele. Wonti akasiitifi Abrahamuuni abba nuu ch'ufaati.

Roomaa 4:4

Nami huji hojatu hori nyaata; horiini suni galataaniti, ammo waan inni hojate argate.

Huji Ergattu 18:27

Inni Akaya d'aqu feenaani, oboleyaani tatabe iti kennite aka jari Yeso isa bulchu. Achini baanaani inni guddo worra maro eeba Waaqatiifi d'ugefate qarqaare.

Huji Ergattu 15:11

Nuleeni akuma worraa aka eeba Aabbo Yesotiini baafamnu d'ugefanna.

Yohana 16:22

Tanaafi isani amma lalala qabdani, ammo anini deebieti isani arga, garaani keesani ingammada, gammada keesani kana nami dandae isani ira imfud'atu.

Yohana 15:13

Nami tokoleeni jaalala hagana ira inqabu, ta nami maro jaalaani ufitiifi duu.

Yohana 15:9

Akuma Abbaani na jaalatu, anileeni isani jaalad'a; jaalala tiyya keesa taa.

Yohana 13:1

Ato jilti Pasaka jed'ani ingahiini, Yesoni aka hojjaani inni lafa keesaa kae gara Abbati galu d'iaatte beekhe. Inni haguma qara jara ufi ka lafa tana gubba woliini tae guddo jaalate, jaalalti sunileeni muumme inqabdu.

Yohana 4:14

ammo nami bisaani anini kennu d'ugu haga jiru jireennale deebie ind'eebotu. Wonti akanatiifi bisaani anini kennu suni isa keesa maddani burqa tahani, haga jiru jireennale deebie ind'eebotu.

Luqaas 16:25

Ammo Abrahamuuni waan jed'eeni, Gurba, qaabad'u, atini jireenna kanke keesati waan dansa argatte, Lazaroni waan hamtu argate; amma isa armati qorqoratani ammo atini gaargalu jirta.

Isaya 61:7

Ch'eerafi fokoni teesani ya hobaate. Lafa teesani keesa teetani hormaata keesani maro lama isanii darani, gammadi keesanileeni ka jiru jireennaa taha.

Isaya 51:11

Nami atini baafte, gammadaani dira Yerusalemuti deebie sirbe qilit'ama. Worri haga jiru gammada, deebie bohe ilaalefatu.

Isaya 35:10

Worri Waaqi baase sunini sirbe gammade Yerusalemuti gala. Worri haga jiru jireenna gammada, laalefachaafi booti worra biraa baqatti.

Faaru 103:17

Ammo nama AABBO Waaqa sodaatu jaalalti isaa haga jirtu biraa indeemtu, dansumti isaaleeni haga jirtu ch'ufa,

Mudhii Yohaannisii 22:5

Halkani deebiani injirani, ifsefi adu imfed'ani; wonti akanatiifi Aabbo Waaqati ifse worraa taha, duuba aka hayyoota haga hegeri lafa fidani.

Mudhii Yohaannisii 3:9

Ch'aqasi! Gumi Sheet'ana ta kiyyibde gosa Yahudi ufiini jettu suni, anini si durati jisse, aka worri si guddisu tolcha. Worri ch'ufti aka anini si jaalad'u imbeekha

1 Yohona 3:16

Aki nu jaalala beennu kana: Kristoni jireenna ufi nuu baase. Nuleeni duuba jireenna keenna oboleyaani teenna baasu malle.

Ebrania 7:19

Seeri Musa dandae woma tokole inqit'eesu. Amma abdi d'ibiini ya d'ufani, ta Waaqati nu d'ieesitu.

Tiitoo 2:13

Ato Guyya eeba ka nu abdannu eegannu, guyya guddinni Waaqa Guddafi Qarqaarsa keenna Yeso Kristoni mullatu.

Kolosai 1:5

Gaafa dubbini d'uga, Oduuni Dansaani, gara keesani qara d'ufte, abdi isiini qabdu ya d'ageetani. Tanaafi d'ugefachaafi jaalalti teesani waan isani abdattani keesa jirti, ta gubba isanii olkayani.

Roomaa 1:7

Tanaafi anini gara gumi Rumi keesa jirtu ta Waaqi jaalate nama ufi tolfateti t'aafa: Waaqa Abba keennatiifi Aabbo Yeso Kristoni nagaya isanii kennina.

2Tasaloonqe 2:13

Hojja ch'ufa maro teesaniifi Waaqaa galata deebisu malle, isani oboleyaani Aabbooni jaalatu. Wonti akanatiifi Waaqi haguma qara isani fohate, aka baafamtani, waan Lubbuuni isani qulqulleesite isani d'uga fud'attaniifi.

1Tasaloonqe 1:3

Wonti akanatiifi nu Waaqafi Abba keenna durati qaabanna, aka isani d'ugefacha teesani hujiini hojattani, aka jaalalti teesani huji guddo isani tolchisiifte, ammalle aka abdiini teesani Aabbo Yeso Kristo keesa jabdu.