1 Yohona 1:3 - KITAABA WAAQA

³ Nu waan argine d'ageenne isanileti himna, aka isanileeni wold'aqisa nu Abbaafi Ilma isaa Yeso Kristo iraa qamnu argattani.

1 Yohona 1:3 Referans Kwoze

1 Korintho 1:9

Waaqa ka wold'aqisa Ilma isaa Yeso Kristo Aabbo keennati isani yaame d'ugefachu malani.

Yohana 17:3

Ammalle jireenni hegeri kana: aka atini Waaqa tokocha d'uga si beekhani, Yeso Kristole ka atini ergite beekhani.

Huji Ergattu 4:20

Wonti akanatiifi nu waan d'ageenne argine kana d'ossu indandeenu.

Yohana 17:21

Wonti ani kad'ad'u, aka worri ch'ufti takaa tahu, akuma Aabbo, atini na keesa jirtu, anileeni si keesa jiru, aka akasuma worrileeni nu keesa jiraatu. Ammalle aka nami lafa, aka atini na ergite d'ugefatu.

Filipi 2:1

Jireenni keesani ka Kristo keesaa isani jabeesa mo? Jaalalti isaa garaa keesani jabeesiti? Lubbuuni wold'aqisa qabdu? Woli naatu?

2 Korintho 13:14

Eebiti Aabbo keenna Yeso Kristo, jaalalti ta Waaqa wold'aqisi Lubbu Qulqulloleeni ha nuu ch'ufa woliini tau.

1 Yohona 1:7

Ammo yo akuma inni ifse keesa jiru nuleeni ifise keesa jiraanne wold'aqisa qamna; ammalle d'iigi Yeso, Ilma Waaqa daba keenna ch'ufa nura d'iqe qulqulleesa.

1 Yohona 1:1

Nu waan Dubbi jireenna ta haguma duriiti jirtu t'aamna: nu ya gurra keennaani d'ageenne, ila teennaani agarre dawanne, harka keennaani tunne.

Ebrania 3:14

Nuuni ch'ufti Kristoni woli wahela, yo nu d'ugefacha teenna haga muumme jabeesine qabanne.

Filipi 3:10

Anini Kristo beekhe jabeenna kaisa isaa ch'alla argachu fed'a; gaargala isaa argad'e duisa isaa keesa aka isaa tahu fed'a,

1 Petro 5:1

Anini jaarole gumi ta jiddu teesani jirtu kad'ad'a, anileeni jaarsa. Anini gaargala Kristo ila tiyyaani arge, duuba guddinna eegi tana mullisani qooda keesaa qaba. Anini isani kad'ad'a:

Ebrania 3:1

Oboleyaani tiyya ta Kristiana, Waaqi ya isanile yaame! Yeso ka Waaqi erge, aka Qaallu Gudda d'ugefacha teenna tahu, ilaala.

Kolosai 1:13

Inni ya jabeenna dukana keesaa nu baase, nagayaani finna Ilma isaatiini nu gahe.

Huji Ergattu 20:27

Anini fed'i Waaqa tokole isani ind'ossine.

1 Yohona 1:5

D'aamsi nu Ilma isaa ira d'ageenne isaniti himnu kana: Waaqi ifsa, isa keesa dukanti tokoleeni injirtu.

Ebrania 2:12

Inni waan jed'u, Ee Waaqa, anini waan kanke oboleyaani tiyyati dubbad'e, gumi isaani ch'ufa durati maqa kanke faarsa.

1 Timotheo 6:2

Tisseleeni abbooti ufi ta Kristiana intufatiini maro worri oboleyaantifi. Ammo ha aka dansa hojattufi, wonti akanatiifi hujiini worraa, abbooti worraa ta d'ugefate ta worra jaalatu suni wo baati. Waan kana nama barsiisi, odeesi.

Filipi 1:7

Isani hojja ch'ufa qalbi tiyya keesa jirtani! Tanaafi anini hojja ch'ufa waan keesani akasi heregu male. Isaniini ch'ufti ya eeba Waaqi naa kenne tana qoodattani, ana ka amma hid'aansa keesa jiruufi gaafa anini duri diida jirule, aka Odu Dansa suniifi dubbad'e isi jabeesu.

Efessoon 3:6

Wonti d'ossani tana: maro Odu Dansatiifi gochiti d'ibileeni, akuma Yahudiini argatte, eeba Waaqa argatti; worri ch'ufti mita nafa tokoti, kakhu Waaqi Kristo Yeso keesati tolchele inargata.

1 Korintho 1:30

Ammo Waaqi ya Kristo Yesoni takaa isani tolche, ammalle ya Kristo qarooma keenna tolche; maro isaatiifi nu Waaqaani wolti araaramne, ya gumi Waaqaa taane, ya balcha taane.

1Tasaloonqe 1:10

Ilma isaa ka gubba gadi d'ufu eegattani, Ilma isaa Yeso, ka inni duisa keesaa kaase, dalansu Waaqa ta hegeri d'uftu duraa nu baasu.

1 Korintho 15:1

Amma oboleyaani tiyya, Odu Dansa anini duri isaniti odeese ta isani fud'attani jabaattaniini isani qaabsiisu fed'a.

Roomaa 15:27

Worrumati fed'e tolche, ammo sila hiyyeeyi suni qarqaaru malani. Wonti akanatiifi Yahudiini ya eeba lubbu gosa d'ibi kennite, tanaafi gochiti d'ibileeni waan qabduuni Yahudi qarqaaru malte.

Huji Ergattu 13:41

Ilaala, isani ka nama tuffattani! Mama, bada! Anini huji toko bara keesani kana keesa tolcha, huji isani ind'ugefanne, ato nami isaniti odeesele! jettu.

Huji Ergattu 13:32

Nu Odu Dansa isaniti odeesina, aka kakhu suni ta ababooti teennati kakhatani,

Huji Ergattu 2:42

Guyya ch'ufa ergattu ira wo baratani, woldeenna woliini tolchani, qit'a Waaqa ch'absani, woliini nyaatani Waaqa woliini kad'atani.

Yohana 17:25

Ee Aabbo d'uga, nami lafa qara si imbeekhu, ammo anini si beekha, jari kunileeni aka atini na ergite beekha.

Yohana 17:11

Anini amma tana lafa keesa intau, ammo jari kunini lafa keesa taa; anini gara kanke d'ufa. Ee Aabbo qulqullo jabeenna kanke ka atini naa kennite sunini worra qorqorad'i aka worri akuma kenna taka tahu.

Faaru 22:22

Anini waan atini tolchite gosa tiyyati hime gumi isaani durati si faarsa:

Isaya 66:19

aka nami worra gaargalchu anuma beekha. Ammo anini worra nama haga gari lakise, gosafi lafa fago, ta gurra kiyyaafi jabeennaafi guddinna kiyya ind'aagayiniti erga: lafti suni Tarshishi, Libia, Ludi ta nami isii t'iyole ammalle Tubalifi Yavani. Duuba gosa tana keesa worri guddinna kiyya odeesa.

Faaru 2:7

Hayyichi waan jed'u, Anini waan AABBO Waaqi jed'e, biyyati hima. Inni waan nani jed'e, Atini ilma kiyya, anini ya arra abba sii tahe.

Yohana 19:35

Nami waan kana arge la d'ugeese, dubbini isaa d'uga. Aka d'uga dubbatule inni imbeekha, aka isanileeni d'ugefattani.

2 Petro 1:16

Wonti akanatiifi nu odu duri ta woma keesa injirre gula, aka Aabbo Yeso Kristoni jabeennaani d'ufu, isaniti inhimne. Iluma teennaani guddinna isaa agarre!

Henna 10:32

Hojja atini nu woliini godaante eeba AABBO Waaqi nu kennu ch'ufa woliini qoodanna.

Aayubu 13:1

Anini waan kana ch'ufa ya ila tiyyaani arge, gurra kiyyaani d'agaye hubad'e.