1 Samueli 2:6 - KITAABA WAAQA

⁶ AABBO Waaqi ijeese jireesa; inni nama fulla ekhera geese ammalle gadeebisa.

1 Samueli 2:6 Referans Kwoze

Qaabacha Seera 32:39

Me amma ilaala, Waaqi d'uga ana, ka d'ibiini injiru. Anini ijeese jireesa, madeese fayyisa, nami tokoleeni na indabsatu.

Isaya 26:19

Worri keenna ka duri due injiraata, reefi worraa inkaa. Nami due awaala ufi keesa jiru ch'ufti kae gammadaani sirba. Akuma fit'eesi lafa godde jiisu, akasuma AABBO Waaqi nama duri due kaasa.

2 Hayyoota 5:7

Hayyichi Israeli tatabe suni soome jennaani laalefate, woya tatarsaase waan jed'e, Hayyichi Shamu akami nama kana fayyisi nani jed'a? Inni Waaqa na seha, ka nama ijeese yokhaani jireesu? Wonti kunini aka inni dubbi naraa barbaadu diiduma keesa garsiifti.

Mudhii Yohaannisii 1:18

Anini ka jiru! Duri la due ammo amma haga hegerile injira. Fura duisatiifi ka awaalale harkaa qaba.

Aayubu 5:18

Waaqi si madeese ammalle qorsa sii mat'ansa inni wo si tolche harkuma ufiitini si fayyisa.

Yohana 11:25

Yesoni waan jed'eeni, Ka kaasufi ka jiraachisu ana; nami na d'ugefatu, yo duele, injiraata.

Matayo 12:40

Akuma Yonani guyya sadifi halkani sadi garaa qurt'umi keesa tae, akasuma Ilmi Namaleeni guyya sadifi halkani sadi boola keesa taa.

Faaru 116:3

Gaargali duaa na marse sodaani awaala na qabate, jennaani mudame lubbuuni na d'ufte.

1 Samueli 20:3

Ammo Daudini waan jed'eeni, Abbe imbeekha aka atini na jaalatu, tanaafi inni waan na tolchu fed'u kana siti himu dide, aka atini hameenna iraa ingarre. Anini maqa AABBO Waaqa jirutini kakhad'a, aka dooti diqole fago nara injirre!

Faaru 68:20

Waaqi keenna Waaqa nama baasu; inni AABBO, Aabbo keenna, ka duisa keesaa nu baasu.

Abba herega 3:3

guyya ijeesanifi guyya fayyisani; guyya ch'ach'absanifi guyya ijaarani;

Ezekieli 37:3

Inni waan nani jed'e, Namicha, lafeleeni tunini deebite jiraate nama intaati? Anini waan jed'eeni, Ee AABBO Waaqa gudda, tana sumati beekha!

Ezekieli 37:12

Tanaafi fagi, waan atini worra kiyya ka Israelitini jettu, Anini, AABBO Waaqi guddaani, awaala keesani bane reefa keesani keesaa fuud'e, lafa Israeliti isani deebisa.

1 Hayyoota 17:22

Duuba AABBO Waaqi kad'acha Eliyaa d'agaye, lubbu gurba suniti deebise, gurbaani jireennati deebie.

Faaru 30:4

Isani worri AABBO Waaqa d'ugeefatu ch'ufti isa faarsa, waan Waaqi qulqullooni tolche qaabad'a, galata deebisaafi.

Faaru 71:20

Atini yayu d'ipufi gaargala nati ergite, ammo siumati ammalle irre tiyya naa deebise, boola duaa keesaa na fuud'a.