1 Hayyoota 8:1 - KITAABA WAAQA

¹ Jennaani Solomonini jaarole Israeli, ta mata gosa ch'ufa, Yerusalemuti ufiti yaame, aka Sanduqa Wold'aqisa AABBO Waaqa, dira Daudi, ka Sioni jed'ani, fuud'ani, Mana Waaqatini d'ufani.

1 Hayyoota 8:1 Referans Kwoze

1 Odu duri 15:25

Jennaani Daudifi jaarole Israelitiifi jari gugurda askarti mana Obed-Edomu d'aqani, Sanduqa Wold'aqisa arti fuud'ani, guddo gammadani.

1 Petro 2:6

Wonti akanatiifi t'aafiini waan jettu: Anini d'akha gati guddo qabu fohad'e, aka fiit'e mana tahu Sioni keesa kaya: Nama isa d'ugefatu tokole inch'eersani.

Isaya 46:13

Anini guyya dabsacha ya gad'ieese. Guyyaani sunini fago injiru. Baafami kiyya inturu. Anini Yerusalemu baase, achiti worra Israeli gurra iti tolcha.

Isaya 28:16

Ammo wonti AABBO Waaqi guddaani isaniini jed'u tana: Anini Sioni keesa yayaba d'akha jaba inchochone kaya. Yayaba suni ira anini d'akha jaba dubbi tana irati t'aafani kaya: D'ugefachaani jabduuni obsa qabdi.

Faaru 102:21

Duuba akasiini maqa isaa Sioni keesati odeesani, gaafa lafafi gochiti ch'ufti wolti baate AABBO Waaqa kad'atu, Yerusalemu keesati isaa faarsani.

Faaru 9:11

AABBO Waaqa, ka Sioni keesa barch'uma isaa ka hayyuma gubba tau, faarsa! Waan inni tolchele gosa ch'ufati hima!

Kitaaba Izra'aa 3:1

Jia torbeeso eegi nami Israeli ch'ufti dira ufiti qubate, Yerusalemuti wolti bahani.

2 Odu duri 30:1

Gumiini jila Pasaka, guyya isii ka jia qara, tolfachu dad'abde, wonti akanatiifi qaaloleeni hedduuni ufi inqulqulleesine, ammalle nami hedduuni Yerusalemuti wolti imbaane. Tanaafi hayyu Hezekiafi jaaroleefi gumiini Yerusalemu ch'ufti wold'aqani, aka jia lameeso tolfatani; duuba hayyichi qonqo suni nama Israelitiifi ka Yuda ch'ufati erge. Inni ammalle tatabe gara worra gosa Efraimutifi ka Manaseleti erge waan jed'eeni, koota, jila Pasaka Mana Waaqa ka Yerusalemuti tolfad'a, AABBO Waaqa Israeli guddisa.

1 Odu duri 28:1

Daudini worra gugurda Israeli ch'ufa Yerusalemuti wolti yaame. Jennaani jara gugurda gosatifi jara gugurda hayyu hojatufi jaarole gosatifi jari mihaafi hori hayyuutifi ilmaani isaa qorqoratu — akasi jechaani nama mana hayyu keesa hojatu ch'ufafi worra gugurda askartitifi nami jajabaani ch'ufti — Yerusalemuti wolti bahe.

1 Odu duri 15:29

Ato Sanduqa suni diratini yaanu, intalti Saulo Mikalini qaa manatini millate aka Daudini AABBO Waaqa durati sirbe ch'ech'eu agarte, jennaani isa tufate.

1 Odu duri 15:3

Duuba Daudini worra Israeli ch'ufa Yerusalemuti wolti yaame, aka Sanduqa Wold'aqisa fulla inni kurfeesefiti geesani.

1 Odu duri 11:7

Waan Daudini dira jajaba suni qubateefi dira sunini dira Daudi jed'ani.

1 Hayyoota 3:15

Jennaani Solomonini damaqe oljed'e tae, aka dubbini suni oobju hubate. Inni Yerusalemu d'aqe, Sanduqa Wold'aqisa AABBO Waaqa dura eje, sorio gubanifi sorio wold'ageeti AABBO Waaqaa baase. Eegi suni hojattu isaa ch'ufa wolti yaame jila tolcheefi.

2 Samueli 6:6

Worri fulla oobdi ta Nakonitini bahe jennaani karaabdi gugufate, Uzani saame, Sanduqa Wold'aqisa gaari irati qabe.

Yoshua 24:1

Jennaani Yoshuani gosa Israeli ch'ufa Shekemuti wolti yaame, jaarole, worra gugurda, makalootafi jaallaboota ch'ufa; duuba worri Waaqa durati artiti wolti bahe.

Yoshua 23:2

Duuba inni worra Israeli ch'ufa, jaarolee worra gugurda, Makalootafi jaallaboota worraa wolti yaame waan jed'eeni, Anini amma ya jaare fulla gahe:

Henna 1:4

Hojja huji suni hojattani, nama balbala toko mataa gosa ch'ufa keesa, ka isani wahelchu, fohad'a.

1 Hayyoota 2:10

Daudini due jennaani isa diruma isaa keesati awaalani.