1Tasaloonqe 5:15 - KITAABA WAAQA

¹⁵ Qorqorad'a, aka nami tokoleeni haalo woli imfuune, hojja ch'ufa waan dansa wolifi nama d'ibile tolcha.

1Tasaloonqe 5:15 Referans Kwoze

1 Petro 3:9

Nama waan hamtu isani tolche waan hamtu intolchiina; nama isani abaare inabaariina, ammo eebisaafi; wonti akanatiifi Waaqi, gaafa isani yaame, Eeba isanii kenna jed'e.

Galatia 6:10

Tanaafi haga qoomni qamnu nama ch'ufaa waan dansa tolchu malle, keesuma worra d'ugefacha aka teenna qabu.

3 Yohona 1:11

Jaala kiyya, waan hamtu gula indeemini, ammo waan dansa gula deemi. Nami waan dansa tolchu ch'ufti ka Waaqaati; ka waan hamtu tolchu Waaqa ingarre.

Lawi 19:18

Nama haalo fuutani yokhaani haalo imbafatina ammo aka ufi jaalattani nama ch'ufa jaalad'a. Anni AABBO Waaqa.

Ebrania 12:14

Jabaad'a, aka nama ch'ufa nagayaani woliini teetani, jireenna qulqullo barbaaddani; wonti akanatiifi nami tokoleeni, qulqullooma male, Aabbo inargu.

1 Petro 1:22

Eegi isani amma d'uga guuttani, suniini ufi qulqulleesitani, ammalle oboleyaani teesani aka dansa jaalattani, garaa keesani ch'ufaani aka dansa woli jaalad'a.

2 Timotheo 2:24

Hojattuuni Aabbo woldidu himmalle. Inni nama ch'ufaa nahu male, barsiiftu dansaafi ta obsa qabdu,

1 Timotheo 6:11

Ammo atini, nami Waaqa, waan kana ch'ufa lagad'u. Waan d'ugaafi ta Waaqi fed'ufi d'ugefachaafi jaalalafi obsafi laana deemiti barbaadi.

Faaru 38:20

Nami anini waan dansaa tolche ya nati gaargale nyaapa nati tahe, waan anini d'uga gula deemufi.

Tiitoo 3:2

Hameenna nama tokole indubbatiina, ammo hojja ch'ufa nagayafi jaalafi adaba dansaani nama ch'ufa woliini taa jed'iini.

1Tasaloonqe 2:12

Isani jabeesine, isani qarqaare, jireenna Waaqa isani yaame finnafi jabeenna isaa isanii qoodu gammachiisu, keesa taa jenne.

Efessoon 5:15

Tanaafi deema teesani keesa aka dansa ufi qorqorad'a. Aka nama woma imbeenne intahiina, aka nama qaro taha.

1 Korintho 14:1

Jaalala barbaadu maltani. Abdi teesani kenniti Lubbu gubba keyachu maltani, keesuma kenniti dubbi Waaqaatiini hasaani.

1 Korintho 6:7

Wolhimachaani isani himatani tunini aka isani laaftani haga hanqattani agarsiisa. Yo sila isaniti wollaalaani, ira isani injirtu? Yo sila isani dura woi saamani ira isanii injirtu?

Roomaa 14:19

Tanaafi nu hojja ch'ufa waan nagaya nu kennaafi ta woli jabeesiti barbaadu malle.

Roomaa 12:9

Jaalalti ha waan d'ugaa taatuuti. Waan hamtu jibba, waan dansa jabeesa.

Luqaas 6:35

Ammo nyaapa keesani jaalad'a, waan dansa tolchaafi; ergisaafi, ammo woma iraa ineegatiina. Duuba waan guddo argattani, ilmaani Waaqa Gubba Jiru taatani. Wonti akanatiifi inni worra galata imbeenneefi worra dabale inahafi.

Matayo 5:39

Ammo waan anini isaniini jed'u, nama waan hamtu isani tolchu haalo infuud'iina. Yo boqo mirgiti si d'abanaasani bitatile iti garagalfad'u.

Mammaasa 25:21

Yo nyaapi kanke beelaa d'eebu qabaate, beelaa d'eebu baasi.

Mammaasa 24:29

Ammalle Anini woma inni naa tolche isale tolche, akasiini haalo baafad'a, injed'ini.

Mammaasa 24:17

Yo nyaapi kanke gufate jige gaargala keesa seenu ingammadiini.

Mammaasa 20:22

Anini haalo ufumaani baafad'a injed'ini, AABBUMA Waaqati ufi lakisi, ha inni si qarqaaruti.

1 Samueli 24:13

Atini mammaasa, ch'ubbuuni ch'ubbicha ira baati jed'u beeta? Anini woma si intolchu.

Qaabacha Seera 16:20

Waan d'ibi lakisa, d'uga ch'alla gula deema, aka lafa AABBO Waaqi keesani isanii kennu fud'attani iti qubattani.

Uumama 45:24

Oboleyaani isaa deema kaate jennaani d'aamate waan jed'e, Karaati woli indidina.

1 Petro 2:17

Nama ch'ufa ch'eera, oboleyaani ta d'ugefatte jaalad'a, Waaqa sodaad'a, hayyulee ch'eera.

Efessoon 5:33

Ammo isanile imbaanti: d'iirti ch'ufti niiti ufii aka ufi jaalattu jaalachu malte; nad'eenileeni d'iirsole ufiiti ha saalfattu.

1 Korintho 16:10

Yo Timotheoni isaniini bahe, isa bulcha, maro inni akuma anini Aabbo hojad'u hojatuufi.

Mudhii Yohaannisii 22:9

Ammo isiini waan naani jette, Lakisi, anini akuma keetiifi akuma oboleyaani tante ta raagootatiifi akuma nama dubbi kitaaba kana keesa jiru guutu ch'ufa hojattu. Waaqa guddisi!

Mammaasa 17:13

Yo nami waan dansa waan hamtuni deebise, hameenni haguma jiru mana isaa keesaa imbahu.

Mudhii Yohaannisii 19:10

Anini miila isiti jige isii guddise, ammo isiini waan naani jette, Lakisi, anini hojattuma aka keetiiti, ammalle aka oboleyaani teeti, worra d'uga Yesoni mullise jabeesu ch'ufa. Waaqa guddisi! Wonti akanatiifi d'uga Yesoni mulliseti raagoota dubbachiisa.

1Tasaloonqe 5:21

Waan ch'ufa laalad'a: waan dansa olkeyad'a,

Huji Ergattu 16:28

Ammo Pauloni qonqo olfud'ate iye waan jed'eeni, Woma ufi intolchiini, nuuni ch'ufti arma jira.