1Tasaloonqe 3:12 - KITAABA WAAQA

¹² Aabbooni jaalala isani woli jaalattani nama d'ibile jallattani isanii guddisiina, akuma nuleeni isani jaalannu.

1Tasaloonqe 3:12 Referans Kwoze

Filipi 1:9

Kad'achaani anini isani kad'ad'u tana: aka jaalalti teesani hagasira guddatte hubacha dansaafi qalbi d'uga woliini,

Matayo 22:39

Ka lameesotiini wolfakaata: Nama ch'ufa aka ufi jaalatu jaalad'u.

1Tasaloonqe 5:15

Qorqorad'a, aka nami tokoleeni haalo woli imfuune, hojja ch'ufa waan dansa wolifi nama d'ibile tolcha.

Roomaa 13:8

Gati nama tokole imfud'atiina, gatiini isani qabdani ta jaalala woli ch'alla tahinna. Nami nama d'ibi jaalatu ch'ufti ya seera guute.

2Tasaloonqe 1:3

Nu hojja ch'ufa maro teesaniifi Waaqa galata deebisu malle, oboleyaani. Nu akasi tolchu malle, maro d'ugefachaani teesani guddo daramte, ammalle jaalalti isani woljaalattani guddatteefi.

Galatia 5:22

Ammo Lubbuuni jaalalafa, qilit'amafa, nagayafa, obsafa, naasufa, d'uga gula deemitifa, dansoomafa,

Galatia 5:6

Wonti akanatiifi yo nu Kristo Yeso keesa jiraanne, qabanqaba qabachafi qabachu baannaanile haga tokotu; wonti jabduuni d'ugefacha ta jaalalaani hojattu.

1Tasaloonqe 2:8

Maro jaalala nu isani jaalanneefi, nu kurfo jirra aka Odu Dansa ta Waaqa ch'alla isanii kenninuuniti, ammo aka jireenna keennale isanii kenninu. Nu guddo isani jaalanne!

2 Petro 1:7

jireenna Waaqa keesaniti jaalala oboleyaani darad'a; jaalala oboleyaaniti jaalala darad'a.

Matayo 7:12

Akuma aka nami waan dansa isani tolchu feetani, akasuma namale tolcha; tunini dubbi Seeratiifi ta raaga.

2 Petro 3:18

Ammo eebafi hubacha Aabbo Qarqaarsa keenna Yeso Kristo keesa guddad'a. Guddinni ka isaati, ammafi hegerile! Amini.

Yakobo 1:17

Galati dansaani ka namaa kennanifi ka namaa baasani ch'ufti gubba gadi d'ufa, fulla Waaqa, ka ifsa gubba uume. Inni injijiramu yokhaani garingalu.

1Tasaloonqe 4:1

Dubbi buufata, oboleyaani, isani aka teetani Waaqa gammachiiftani nura ya barattani. Haguma duriiti isani akasuma teetani. Amma nu isani kad'anna, maqa Aabbo Yesotiini, aka isani hagasile ira jabaattani.

Luqaas 17:5

Ergattuuni waan Aabbooni jette, D'ugefacha teenna iti nuu dari.

Faaru 115:4

Waaqi worraa waan harkaani mid'aasani, isa qarsifi worqi iraa tumani.

2 Korintho 9:10

Waaqi ka sanyi oobranifi qit'a nyaatani namaa kennu, sanyi isani feetani ch'ufa isanii kenna ammalle inni sanyi suni imbaasa, aka mid'aani guddo d'altu; maro arjooma keesanitiifi.