1Tasaloonqe 1:3 - KITAABA WAAQA

³ Wonti akanatiifi nu Waaqafi Abba keenna durati qaabanna, aka isani d'ugefacha teesani hujiini hojattani, aka jaalalti teesani huji guddo isani tolchisiifte, ammalle aka abdiini teesani Aabbo Yeso Kristo keesa jabdu.

1Tasaloonqe 1:3 Referans Kwoze

1 Korintho 13:13

Duuba ammatana wonti kunini sadeenu inteeti: d'ugefachaafi abdifi jaalala; ammo ta waan ch'ufa ira jirtu jaalala.

Mudhii Yohaannisii 2:19

Anini waan atini tolchitu imbeekha, jaalalafi d'ugefachaafi hujifi obsa kanke imbeekha. Ammalle aka hujiini tante ta eege ta qara ira jirtu imbeekha.

Galatia 5:6

Wonti akanatiifi yo nu Kristo Yeso keesa jiraanne, qabanqaba qabachafi qabachu baannaanile haga tokotu; wonti jabduuni d'ugefacha ta jaalalaani hojattu.

2Tasaloonqe 1:11

Wonti nu hojja ch'ufa Waaqa isanii kad'annuufi tana. Nu Waaqa keenna isanii kad'anna, aka isani jireenna inni iti isani yaame argattani. Jabeenna isaatiini inni yaada dansa ka isani feetani isanii kenne huji teesani dansa ta d'ugefacha guutinna.

1 Yohona 5:3

Jaalalti Waaqa tana: aka seera isaa guunnu. Seeri isaleeni nama ind'ibu,

Galatia 6:9

Tanaafi waan dansa tolchu dad'abu himmalle; wonti akanatiifi yo nu indad'amne, hojjaani nu murannu ind'ufti.

Roomaa 15:13

Waaqi, ka abdi namaa kennu, gammadafi nagaya isanii kennina maro d'ugefacha teesani ta isani isa d'ugefattaniifi, aka abdiini teesani jabeenna Lubbu Qulqullotiini iti daramtu.

1 Yohona 3:3

Nami abdi tana Kristo keesa qabu ch'ufti akuma inni qulqullo ufile qulqullaa.

1Tasaloonqe 3:6

Timotheoni amma ya fulla teesani nuti deebie, ya Odu Dansa ta d'ugefachaafi jaalala teesani nutiini gale. Inni ya aka isani hojja ch'ufa waan keenna dansa hereddani nuti hime, ammalle akuma nu isani argu feenu isanileeni nu argu feetani.

1 Yohona 3:18

Ijoolle tiyya! Jaalalti teenna dubbi afaani ch'alla intahiini; ammo jaalala d'uga tahu malte, ta huji dansaani ufi mulliftu

Ebrania 10:36

Isani obsu maltani, aka fed'i Waaqa tolchitani, waan inni kakhate argattani.

1 Korintho 15:58

Tanaafi oboleyaani tiyya, jabaad'a, ejad'a. Huji Aabbo hojja ch'ufa hojad'a, jabeesa; wonti akanatiifi isani imbeetani, hujiini Aabbo ta isani hojattani dandeete lafati inhaftu.

2Tasaloonqe 1:3

Nu hojja ch'ufa maro teesaniifi Waaqa galata deebisu malle, oboleyaani. Nu akasi tolchu malle, maro d'ugefachaani teesani guddo daramte, ammalle jaalalti isani woljaalattani guddatteefi.

1 Yohona 3:21

Tanaafi jaallani tiyya yo heregi keenna wollaala nuti imurini, nu Waaqa durati woma insodaannu.

1 Petro 3:4

Ammo mid'aagumti teesani ta garaa keesa tahinna, mid'aaguma lubbu laanafi obsa ta injaare; tunini Waaqa durati waan guddo.

Ebrania 11:17

D'ugefachaani Abrahamuuni ilma ufi Isaaqo aka sorio qallu fed'e, gaafa Waaqi Abrahamu ilaalate. Waaqi Abrahamuti kakhate, ammo inni kurfo jira aka ilma ufi tokocha aka sorio qallu.

Ebrania 6:15

Abrahamuuni obse jennaani waan Waaqi iti kakhate argate.

1 Timotheo 2:3

Wonti kunini dansa, ammalle Waaqa Qarqaarsa keenna gammachiifti.

Galatia 5:13

Oboleyaani tiyya, isani aka balchaa taataniifi isani yaamani. Ammo d'araani nafa keesani balchooma dabsatte isani imohatiini. Ammo jaalalti woli isani hojachiisiina.

Galatia 1:4

Aka d'aloota hama kana keesaa nu baasu Kristoni maro daba keennatifi ufi baase, fed'i Waaqa Abba keennati guute.

Roomaa 16:6

Mariamu, ta guddo isani hojatte, nagaya d'aama.

Roomaa 15:4

Wonti akanatiifi waan t'aafi keesati t'aafani ch'ufa aka nu barsiisaniifi t'aafani, aka nu abdi maro jabeennaafi obsa t'aafiini nuu kennitu argannu.

Roomaa 12:12

Abdiini teesani gammada isanii kennina, gaargala argattani obsaa, hojja ch'ufa Waaqa yaamad'a.

Roomaa 2:7

Nami gari waan dansa tolcheti guddinnaafi ulfinnafi jireenna ind'umanne barbaadata: nama akana kana Waaqi jireenna hegeri kennaafi.

Huji Ergattu 10:31

Waan naani jed'e, Kornelio, kad'acha tante ya d'agayani, ammalle aki atini biyya wo kennitu la fuula Waaqa dura gahe, akasiini amma ya si qaabatani.

Huji Ergattu 3:19

Tanaafi daba iraa deebia, Waaqaati fuula deefad'a, aka inni daba isani iraa d'iqu,

Yohana 14:15

Yo na jaalatani, seera kiyya inguutani.

Faaru solomoni 8:7

Bisaaleeni jaalala suni ind'aanfani, lagileeni infud'atu. Ammo yo nami jaalala horini bita iti game, tufumafi ch'eera argata.

Abba herega 2:26

Waaqi qaroomafi beekhumafi gammada nama isa gammachiisuu keenna; ammo inni nama daba hojachiise, aka waan inni argateefi waan olkeyatu nama Waaqa gammachiisuu kennani. Tunileeni woma imbaatu, seeruma nama qilleensa gussuuti.

Uumama 29:20

Yakobooni Raheli jed'e, ganna torba isaa hojate, ammo ganni suni womale iti infakaanne waan inni guddo isi jaalateefi.

Ebrania 13:21

Waaqi nagayaa waan dansa ka isani feetani ch'ufa isanii kenniina, aka fed'i isaa tolchitani; ammalle inni Yeso Kristo keesa waan isaa gammachiisa nu tolchisiisiina. Guddinni haga hegeri gara Kristo ha tahu! Amini.

Ebrania 4:11

Tanaafi nu haga dandeennu jabaachu malle, aka boqota suni argannu. Nuuni tokoleeni, aka worri suni ch'aqasu dide boqota argachu dad'abe, tahu himmalle.

2 Korintho 2:17

Nu aka worra dubbi Waaqaatiini daldalu injirru; ammo maro Waaqi nu ergeefi, nu aka nama d'uga dubbanna fuula isaa durati, aka hojattu Kristo.

Roomaa 16:26

Ammo amma waan d'ossani suni ya mullisani t'aafi raagoota gula; ammalle seera Waaqa ka haga jiru jireenna tau gula ya gosa ch'ufa beesisani, aka nami ch'ufti d'ugefate ch'aqasu.

Yohana 15:10

Yo isani seera kiyya guuttani jaalala tiyya keesa teetani, akuma anini seera Abba kiyya guute jaalala isaa keesa tau.

Mudhii Yohaannisii 3:10

Waan atini aka anini, Obsi siini jed'e, obsiteefi, anini gaargala lafa ch'ufati d'ufe nama lafa ch'ufa ilaalatu duraa si baasa.

1 Timotheo 1:14

Ammalle Aabbooni eeba ufi guddise naa kenne, d'ugefachaafi jaalala ta Kristo Yeso keesati teenna taate woliini.