YUDAS 1:7 - Bahasa Manggarai New Testament

⁷ Cama ného hitu, Sodom agu Gomora agu sanggéd béndar baling maid, ata poli loma ata agu léor belek da’at, poli tanggong wahéng oné api tédéng lén luing langga latang te sanggén ata.

YUDAS 1:7 Referans Kwoze

2 PÉTRUS 2:6

Danong Mori Keraéng wahéng agu pandé ampus le api béndar Sodom agu Gomora, kudut ciri toming latang te isét lopé-lapét nggere-musin tai.

LUKAS 17:29

Maik du leso hi Lot ngo pé’ang oné mai béo Sodomn, cain usang api agu usang mburé éta mai awang, pandé mempo taung isé.

MATÉUS 25:41

Agu mai kolé curup Diha agu ata situt oné racap léon: Néka ita wa ranga Dakum, oé méut niur, ngo oné api utung tédéng lén ata poli muing améngn latang te jing da’at agu haé didingn.

1 KORINTUS 6:9

Toé baé le méu ko, te ata situt toé agil, toé manga osangd oné adak de Mori Keraéng? Néka wéléng! Loma ata, io pina-naéng, ngoéng ata, ata rona ngoéng taud cama ata ronad,

2 PÉTRUS 3:7

Ali rewengN hitu kolé, tinu agu na’a Liha awang agu tana te ho’on caing leso beté-bicar, du ampusd Liha sanggéd ata da’at oné api.

MATÉUS 11:24

Maik Aku taé agu méu: du leso beté-bicar, mendo de bendar Sodom céwé géald itu po mendo de méu.”

MATÉUS 10:15

Aku taé agu méu: Moro matan, du leso beté-bicar tana Sodom agu Gomora, céwé géal tanggongn itu po de bendar hitu.

2 TÉSALONIKA 1:7

Agu latang te méu ata rémé ta’ong susa – nenggitu kolé latang te ami - Mori Keraéng te téing cembes oné méu du leso wa’un Mori Yésus éta-mai Surga agu toto wekin, cama laing agu sanggéd malékat situt manga kuasa méséd oné api hitut dila haok.

2 TÉSALONIKA 1:8

Mori Yésus téing susa oné isét toé imbi Mori Keraéngs, agu toé lorong Keréba Di’a.

2 PÉTRUS 2:2

Dodg ata poli lut mosé de guru tangké situt kuasa le belek da’at. Landing le pandé da’at disé, Salang Molor hitu loéry lata.