YUDAS 1:6 - Bahasa Manggarai New Testament

⁶ Nggitu kolé sanggéd malékat siot toé junggu oné watas kuasad, og kali legong osang baté ka’éngd. Mori Keraéng oké isé oné osang nendep agu langki isé dengkir leso beté-bicar.

YUDAS 1:6 Referans Kwoze

2 PÉTRUS 2:4

Danong Mori Keraéng toé momang sanggéd malékat situt pandé ndékok, maik péncar isé nggere-wa neraka, osang nendep baté pongo isé le ranté kesep cai leson beté-bicar.

ÉFÉSUS 6:12

Tili-mpoét dité, toé te dungkang manusia, maik te dungkang sanggéd mberes de jing da’at ata cau kuasa te ho’on.

MATÉUS 25:41

Agu mai kolé curup Diha agu ata situt oné racap léon: Néka ita wa ranga Dakum, oé méut niur, ngo oné api utung tédéng lén ata poli muing améngn latang te jing da’at agu haé didingn.

MATÉUS 8:29

Isé situ ciéks taéd: “Te co’og ami Lité, oé Anak de Mori Keraéng? Cala mai Dité kudut wahéng ami bebolon cai wié leson?”

2 PÉTRUS 2:9

Jari, Mori Keraéng pecing te cépé sanggéd ata nggeluk oné-mai damang agu na’a sanggéd ata da’at kudut wahéngs du leso beté-bicar.

IBRANI 10:27

Ngot ata mangan kali, géréng kaut beté-bicar de Mori Keraéng agu dila haok kéta api rabon hitut ngkewang taungs sanggéd ata lawang Hia.

YOHANÉS 8:44

Méu mai oné mai emas ata jing da’at, wiga méu nanang pandé apa ata ngoéng de emas. Hia ata mbeléd manusia pu’ung kéta du wangkan, agu hia toé mosé laing patén, ai oné hia toé mangay molor. Émé manga tombo nggopétn hia, hitu curup de run, ai hia ata nggopét, agu améd sanggéd nggopét.

WIDANG SI’ANG ONÉ HI YOHANÉS 20:10

Jing da’at hitut pandé wéléng isé, péncar nggere-oné api agu mburé hitut dila haok. Oné osang hituy dé poli okéd kaka agu nabi tangké hitu. Nitus isé tiba wahéng wié-lesod tédéng lén.

MATÉUS 10:15

Aku taé agu méu: Moro matan, du leso beté-bicar tana Sodom agu Gomora, céwé géal tanggongn itu po de bendar hitu.

ROMA 2:5

Maik ali cirang de naim hitut toé ngoéng te teser, hau pandé tambang lésu latang te weki rum du leso te toto agil agu wahéng de Mori Keraéng.

YUDAS 1:13

Isé cama ného bombang golok, tua wusan. Nenggitu kolé isé pandé wusa sanggéd da’at ata pandé ritak laing. Isé cama ného ntala mbéot. Latang te isé poli mengkekn osang nendep tédéng lén.

WIDANG SI’ANG ONÉ HI YOHANÉS 20:2

Deko liha manunggé, ular tu’a hitu, ngong Jing Da’at, agu pongo liha tédéng ca sebu ntaung.