YUDAS 1:4 - Bahasa Manggarai New Testament

⁴ Ai toé pété ceha kolé te manga ata hunus kaut ngo oné bahi-réha méu, ngong isé siot poli wérét danong te tiba wahéngs. Isé situ dé ata lopé-lapét, pandé toé belar widang de Mori Keraéng, kudut redok belek da’at disé, agu capu kéta lisé te cay kali Ata Pu’un kuasa, ngong hi Yésus Kristus Mori dité.

YUDAS 1:4 Referans Kwoze

GALATIA 2:4

Bo tu’ung manga denet oné-mai asé-ka’é tangké situt rodo ci-cop ngo oné weki serani. Get disé émé bonés kudut pandé caka lélo ngoéng di’a dité ata paéng oné nai ca anggit agu hi Kristus Yésus. Ali hitu isé ngancéng pandé mendi ités.

2 PÉTRUS 2:10

Céwén kéta isé siot lorong belek da’at situt pandé rinék wekid agu lengga adak de Mori Keraéng. Guru tangké situ mésé kéta naid agu toé rantang te pandé da’at, wiga toé kéta ngangit te loér sanggéd cao-ca situt mengit.

1 YOHANÉS 2:22

Céing weli ata nggopét hitu? Ngong hia hitut poli wéwa te Mori Yésus toé Mésiasy. Hia dé ata bali di Kristus: hia pali hi Ema agu hi Anak.

1 PETRUS 2:16

Mosé koém ného ata toé mendi, maik néka papé mosé toé mendi hitu latang te tadu sanggéd da’at, maik mosé koém ného mendi de Mori Keraéng.

1 PETRUS 2:8

Hia ciri watu te timpok isé, ai isé toé lorong reweng de Mori Keraéngs. Hitu muing wérétd isé le Mori Keraéng.

2 TIMOTIUS 3:6

Ai oné-mai isé situ mangas ata junuk kaut ngo oné mbaru data bana agu serénté iné-wai ata les ata penong le ndékok agu kuasa le do tarad belek da’at.

GALATIA 5:13

Asé ka’én, bo tu’ung méu poli pilés kudut céla. Maik néka papé le méu céla hitu latang te pandé ndékok, maik nahé méu momang agu keturu cama taus.

2 PÉTRUS 3:7

Ali rewengN hitu kolé, tinu agu na’a Liha awang agu tana te ho’on caing leso beté-bicar, du ampusd Liha sanggéd ata da’at oné api.

YUDAS 1:15

Mai disé kudut bicar sanggén ata agu Mori Keraéng téing wahéng oné sanggéd ata pandé da’at. Morin kolé te wahéngs sanggéd ata ndékok agu ata itang landing le curup loér.”

1 PETRUS 4:18

Ai manga poli tulis oné Surak Nggeluk: “Émé isét molor kaut toé émongn te haéng selamak, Apan kolé isét toé imbi agu isét ndékok!”

ÉFÉSUS 4:14

Ité toé ciri ného anak koé kolét, hitut lingu-langu le bombang toing disét joak, ai toing disé situt penong joak pandé wéléng ata.

TOMBO PÉTÉ GORI DE RASUL-RASUL 15:24

Polig lami dengéd, rodo manga pisa taus ata oné mai ami, ata toé manga dumpu pedé oné mai amid, poli pandé simpung agu pandé gégé-goa nai de méu ali toing disé.

TOMBO PÉTÉ GORI DE RASUL-RASUL 11:23

Du cain hi Barnabas agu ita widang de Mori Keraéng latangt isé, nisang kéta nain. Hia toing isé, kudut sanggéd isé mai wa mai nain junggu oné Mori Keraéng,

YOHANÉS 17:3

Ho’oy mosé tédéng lén hitu, ngong isé pecing Ité, Mori hitut ca kanang kali ata tu’ungn, agu pecing hi Yésus Kristus ata wuat tu’ung Litéy.

MATÉUS 13:25

Maik du toko taung ata, mais ata balin, wécak wini ri’i oné beréha gandum situ, poli hitu ngo gi.

WIDANG SI’ANG ONÉ HI YOHANÉS 15:4

Céing ata toé hiang Ite yo Mori, agu toé bong ngasang Dité? Ité kali ata nggeluk! Sanggéd wa’u te mai suju agu io Ités, ai si’ang keta agiln sanggéd beté-bicar Dité.”

2 TIMOTÉUS 5:8

Maik émé manga ata toé tinu asé-ka’éd, apan kolé oné ca mbarus, ata hitu ata da’aty, ngot céwé da’at oné-mai ata toé imbi.

2 TIMOTIUS 2:12

émé ité seberd, ité kolé te perénta cama-cama agu Hiat; émé ité pali Hiat, Hia kolé te pali itéy;

2 PÉTRUS 2:7

Du hitu, Hia pandé selamak kaut hi Lot ata molor. Hi Lot hitu sereng kéta ta’ong susan le gauk da’at data siot toé pecing adaks agu lorong kaut belek da’atd kanang.

YUDAS 1:18

Polig tombon lisé oné méu, “Turung cemoln lino tuad ata loér méu, ngong ata siot mosé lorong belek da’atd.”